Connect with us

Ethiopia

ለሀገራችን መብቃታችን ዳግም እንደተወለድን ይሰማናል- በግብፅ ከአሥር የተፈቱ ኢትዮጵያውያን

Helen

Published

on

በግብፅ ከአሥር የተፈቱ ኢትዮጵያውያን

ጠቅላይ ሚንስትር ዶክተር አብይ አህመድ ወደ ስልጣን ከመጡ ቡሀላ በተለያዩ ሀገራት ይፋዊ የስራ ጉብኝት አካሂደዋል፡፡ የስራ ጉብኝት ካካሄዱባቸው ሀገራት መካከል ሱዳን ኬኒያና ሰውዲ አራቢያን መጥቀስ ይቻላል፡፡ ጠቅላይ ሚንስትሩ በየሀገራቱ ባደረጉት የስራ ጉብኝት የተለያዩ ሀገራዊና ሁለትዮሻዊ ጉዳዮች ላይ ከመምከራቸው ባሻገር በእስር ቤቶች የሚገኙ በርካታ ኢትዮጵያዊያን ወደ ሀገራቸው እንዲመለሱ ማሳቻላቸው የሚታወቅ ነው፡፡

ከሰሞኑ ዶክተር አብይ ከሰሞኑ የ2 ቀናት ይፋዊ የስራ ጉበኝጥ በግብጽ ያካሄዱ ሲሆን 32 ኢትዮጵያዊያንም ከእስር ተለቀው ከሳቸው ጋር ወደ ሀገራቸው መግባት ችለዋል፡፡ የኢትዮጵያ ብሮድካስቲንግ ኮርፖሬሽን ከጠቅላይ ሚንስትሩ ጋር ወደ ሀገራቸው የተመለሱት ኢትዮጵያዊያንን ከእስር ተለቀው ለሀገራቸው በመብቃታቸው የተሰማቸውን ስሜት ጠይቋቸው ነበር፡፡

በእስር ቤት አስከፊ የስቃይ ጊዜ እንዳሳለፉና ዶክተር እብይ ከእስር እንዲለቀቁ ስላስደረገ የተሰማቸው ደስታ ከቃላት የመግለጽ አቅም በላይ እንደሆነ ነው ከእስር የተለቀቁት ኢትዮጵያዊያኑ ለቴሌቭዥን ጣቢያው ጋዜጠኛ የተናገሩት፡፡

ግብፅ በሀገሯ ታስረው የነበሩ ኢትዮጵያውያንን ለቀቀች። ሀገሪቱ የኢፌዴሪ ጠቅላይ ሚኒስትር ዶክተር አብይ አህመድ በግብፅ ጉብኝታቸው ከሀገሪቱ ፕሬዚዳንት አብዱል ፈታህ አል ሲ ሲ ጋር ባደረጉት ውይይት ወቅት በደረሱት ስምምነት መሰረት ነው ኢትዮጵያውያኑን የፈታችው። ከእስር የተለቀቁት 32 ኢትዮያውያንም ዛሬ ወደ ሀገራቸው እንደሚመለሱ በውይይቱ ላይ የተሳተፉት የጠቅላይ ሚኒስቴር ልዩ ፅህፈት ቤት ኃላፊ አቶ ፍፁም አረጋ ተናግረዋል።

ፕሬዚዳንት አል ሲ ሲ በሊቢያ የባህር ዳርቻዎች በአሸባሪው አይ ኤስ የተገደሉ ኢትዮጵያውያን አስከሬንን ለማግኘት በሚደረገው ጥረት ሃገራቸው እገዛ እንደምታደግርም ቃል ገብተዋል። ለይፋዊ የስራ ጉብኝት ግብጽ ያመሩት ጠቅላይ ሚኒስት ዶክተር አብይ አህመድ፥ ከግብጹ ፕሬዚዳንት አብዱልፈታ አል ሲ ሲ ጋር በሁለትዮሽና አከባቢያዊ ጉዳዮች ላይ ተወያይተዋል።

በውይይታቸውም ሃገራቱ በታላቁ የህዳሴ ግድብ ዙሪያ የሁለቱን ሃገራት የመልማት ፍላጎት ባከበረ መልኩ በአዲስ መንፈስ በጋራ ለመስራት ተስማምተዋል። ከዚህ ባለፈም መሪዎቹ ሁለቱ ሃገራት በተለያዩ መስኮች በተለይም በፖለቲካዊ እና ኢኮኖሚያዊ መስኮች ያላቸውን ትብብር ማጠናከር እንደሚገባም ተናግረዋል። ሁለቱ መሪዎች ሃገራቱ የሁለትዮሽ ግንኙነታቸውን በማጠናከር በጋራ መስራት እንደሚገባቸው ጠቅሰው፥ በወንድማማችነት መንፈስ በሃይል ዘርፍ መሰረተ ልማቶችን በጋራ ለማልማት እንደሚሰሩም አረጋግጠዋል።

መሪዎቹ በውይይታቸው የሃገራቱን ግንኙነት በትብብር መንፈስ በተቃኘ ስትራቴጂክ አጋርነት ለማሳደግም ነው የተስማሙት። ከዚህ ባለፈም ሃገራቱ የጋራ በሆኑ ጉዳዮቻቸው ላይ በቅርበት ለመስራትም ስምምነት ላይ ደርሰዋል። መሪዎቹ በአካባቢያዊ ጉዳዮች ላይ ባደረጉት ውይይት በደቡብ ሱዳንና ሶማሊያ ሰላም ለማምጣት በሚደረገው ጥረት በትብብር ለመስራት ከስምምነት ደርሰዋል። የግብጹ ፕሬዚዳንት አዱል ፈታ አል ሲ ሲ በኢትዮ – ኤርትራ ጉዳይ ላይ የኢትዮጵያ መንግስት ባሳለፈው ውሳኔ ላይ ያላቸውን አድናቆት ገልጸዋል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close