Connect with us

Ethiopia

በግብጽ ታስረው የነበሩ 32 ኢትዮጵያውያንና ሁለት የቀድሞ የኦነግ አባላት ከጠቅላይ ሚኒስትሩ ጋር አዲስ አበባ ገቡ

Helen

Published

on

የቀድሞ የኦነግ አባላት

የኢፌዴሪ ጠቅላይ ሚኒስትር ዶክተር አብይ አህመድ የግብጽ ቆይታቸውን አጠናቀው አዲስ አበባ ገ ብተዋል፡፡ ከጠቅላይ ሚኒስትሩ ጋር በግብጽ በተለያየ ምክንያት ታስረው የነበሩ 32 ኢትዮጵያውያንም አዲስ አበባ ገብተዋል፡፡ ወደ ሃገራቸው የተመለሱት እስረኞች ጠቅላይ ሚኒስትሩ ከግብጹ ፕሬዚዳንት አብዱል ፈታህ አል ሲ ሲ ጋር ባደረጉት ውይይት ከእስር እንዲለቀቁ በተወሰነው መሰረት ከእስር የተለቀቁ ናቸው።

ከጠቅላይ ሚንስትሩ ጋር ሁለት የኦነግ ከፍተኛ አመረር የነበሩ ኢትዮጵያዊያንም ወደ ሀገራቸው ተመልሰዋል፡፡ ይቅርታ ጠይቀው ወደ ኢትዮጵያ የተመለሱት የግንባሩ አመራሮችም አቶ ዮናታን ደቢሳ እና ኮረኔል አበበ ገረሱ መሆናቸው ታውቋል፡፡

ጠቅላይ ሚኒስትር ዶክተር አብይ በግብጽ ቆይታቸው ከግብጹ አቻቸው አብዱል ፈታ አል ሲ ሲ ጋር በሁለትዮሽና በአካባቢያዊ ጉዳዮች ላይ ተወያይተዋል። በውይይታቸውም ሃገራቱ በታላቁ የህዳሴ ግድብ ዙሪያ የሁለቱን ሃገራት የመልማት ፍላጎት ባከበረ መልኩ በአዲስ መንፈስ በጋራ ለመስራትም ተስማምተዋል። መሪዎቹ ሁለቱ ሃገራት በተለያዩ መስኮች በተለይም በፖለቲካዊ እና ኢኮኖሚያዊ መስኮች ያላቸውን ትብብር ማጠናከር እንደሚገባም ተናግረዋል።

ከዚህ ባለፈም ሃገራቱ ግንኙነታቸውን ወደ ስትራቴጂክ አጋርነት ለማሳደግም ስምምነት ደርሰዋል። በተጨማሪም ፕሬዚዳንት አል ሲ ሲ በሊቢያ የባህር ዳርቻዎች በአሸባሪው አይ ኤስ የተገደሉ ኢትዮጵያውያን አስከሬንን ለማግኘት በሚደረገው ጥረት ሃገራቸው እገዛ እንደምታደግርም ቃል ገብተዋል። ጠቅላይ ሚኒስትር ዶክተር አብይ ባለፈው ሳምንት መጨረሻ በዑጋንዳ ለሁለት ቀናት የስራ ጉብኝት ማድረጋቸው ይታወሳል። ከዚያ በፊትም በጂቡቲ፣ በሱዳን፣ ሳዑዲ ዓረቢያ እና እና የተባበበሩት ዓረብ ኢሚሬቶች ጉብኝት ማድረጋቸውም የሚታወስ ነው።

የኢትዮጵያ ብሮድካቲንግ ኮርፖሬሽን በግብጽ ታስረው የነበሩ 32 ኢትዮጵያዊያን ወደ ሀገራቸው ከጠቅላይ ሚንሰትር ዶክተር አብይ አህመድ ጋር ወደ አዲስ አበባ መግታቸውን አስመልክቶ ተከታዩን ዘገባ እንደሚከተለው አሰናድቷል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close