Connect with us

Art and Culture

እኔ አንችን ስፈራሽ!

Published

on

እኔ አንችን ስፈራሽ!

እኔ አንችን ስፈራሽ!
(መላኩ አላምረው@DireTube)

ልክ እንደፌዴራል ትልቅ ከስክስ ጫማ
እንደ ፖሊስ ቆመጥ ውስጥ እንደሚያደማ
እንደቀድሞው መሪ ልክ እንደመንግሥቱ
እንደሚገላምጥ በፈጠጠ ዓይኑ በከሰለ ፊቱ

እኔ አንችን ስፈራሽ…
ልክ እንደ ኢህአዴግ ሰላይ ወይ ደህንነት
አስሮ እንደሚያሰቃይ ብሶ ከድህነት 🙁
በለውና እርገጠው እንዳሉት ፌዴራል
ከፊቴ ስትቆሚ ሆዴ ይሸበራል 🙂

እኔ አንችን ስፈራሽ…
መስቀልን እንዳዬ የዲያብሎስ ውላጅ
መድረክ እንዳስፈራው አንድ ጀማሪ ቀላጅ
እንደፈሪ መምህር ተማሪ ፊት ቆሞ
ቃል እንደሚጠራ ደጋግሞ ደጋግሞ…

እኔ አንችን ስፈራሽ…
ክፉ ውሻ እንዳዬ የቆሎ ተማሪ
እንደገመገሙት አንድ ግልገል ካድሪ
በሙስና ወንጀል እንደተከሰሰ ጠብደል ባለሥልጣን
ከሲኦል ተፈተው ገሃነም እንደገቡ አእላፍ ኃጥአን
መንገድ እንደሳተ ቀይ ሲኖ ትራክ
ትርፍ የጫነ ሹፌር እንዳየ ትራፊክ

እኔ አንችን ስፈራሽ…
ከጥቁር ዳኛ ፊት ተይዞ እንደቆመ አንድ ሌባ አለቃ
አሰሪ እንደያዛት የቤት ሠራተኛ የሆነ ጌት ሰርቃ
ያን በላይ ዘለቀን እንዳየ ጥልያን ባንዳና ሰላቶ
በአጤ ቴዎድሮስ እጅ እንደሚገረፍ ወንድ ከጠላቱ ሸሽቶ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close