Connect with us

Fashion

የሚኒስትሮች ምክር ቤት ለ2011 በጀት ዓመት የፌዴራል መንግስት በጀት ወሰነ

Helen

Published

on

የፌዴራል መንግስት በጀት

የሚኒስትሮች ምክር ቤት የ2011 ዓ.ም የፌደራል መንግስት በጀት 346 ነጥብ 9 ቢሊየን ብር ሆኖ እንዲጸድቅ ወሰነ። ምክር ቤቱ ዛሬ ባካሄደው 48ኛ መደበኛ ስብሰባው፥ የ2011 ዓ.ም በጀት 346 ቢሊየን 915 ሚሊየን 451 ሺህ 948 ብር እንዲሆን ወስኗል። ከዚህ ውስጥ ለመደበኛ ወጪ 91 ቢሊየን 67 ሚሊየን 160 ሺህ 588 ብር እንዲሁም 113 ቢሊየን 635 ሚሊየን 559 ሺህ 980 ብር ደግሞ ለካፒታል ወጪ እንዲሆንም ነው የወሰነው።

ከዚህ ባለፈም 135 ቢሊየን 604 ሚሊየን 731 ሺህ 380 ብር ለክልሎች የሚሰጥ ድጋፍ እና ለዘላቂ የልማት ግቦች ማስፈጸሚያ ደግሞ 6 ቢሊየን ብር እንዲመደብም ምክር ቤቱ ወስኗል። ምክር ቤቱ በቀረበው ረቂቅ በጀት ላይ ከተወያየ በኋላም ለህዝብ ተወካዮች ምክር ቤት እንዲተላለፍም ወስኗል። ለምክር ቤቱ የተላከው በጀት ከ2010 ዓ.ም በጀት ጋር ሲነጻጸር የ3 ነጥብ 6 በመቶ ጭማሪ አለው።

በሌላ ዜና የሚኒስትሮች ምክር ቤት የአስቸኳይ ጊዜ አዋጁ እንዲነሳም ወስኗል፡፡ ምክር ቤቱ በስብሰባው የሀገሪቱን የፀጥታ ሁኔታ ገምግሟል። አሁን ላይም በሀገሪቱ ስርዓት ሰፍኖ ሰላምና መረጋጋት በመመለሱ የአስቸኳይ ጊዜ አዋጁ እንዲነሳ መወሰኑን የጠቅላይ ሚኒስትር ልዩ ፅህፈት ቤት ኃላፊ አቶ ፍፁም አረጋ አስታውቀዋል። የአስቸኳይ ጊዜ አዋጁ እንዲነሳ የሚጠይቅ ረቂቅ የውሳኔ ሀሳብ እንዲፀድቅ ወደ ህዝብ ተወካዮች ምክር ቤት ልኳል። ረቂቅ የውሳኔ ሀሳቡ በምክር ቤቱ ሲፀድቅ የአስቸኳይ ጊዜ አዋጁ ይነሳል ተብሎ ይጠበቃል።

የኢፌዴሪ መከላከያ ሚኒስትር አቶ ሞቱማ መቃሳ፥ የአስቸኳይ ጊዜ አዋጁ በሃገሪቱ አንዳንድ አካባቢዎች ተፈጥሮ የነበረውን የፀጥታ ችግር ለመቆጣጠር መታወጁን አስታውሰዋል። በዚህም ተፈጥረው የነበሩ ችግሮችን የመቆጣጠርና ሰላሙን ወደነበረበት ሁኔታ መመለስ መቻሉን አንስተዋል። አሁን ላይም ከክልል መስተዳድርና የፀጥታ አካላት እንዲሁም ከፌደራል ፖሊስ እና ከሃገር መከላከያ ሰራዊት ጋር በተደረገ ውይይት፥ የአስቸኳይ ጊዜ አዋጁ እንዲነሳ ተወስኗል ብለዋል።

ሚኒስትሩ በአንዳንድ አካባቢዎች ላይ አልፎ አልፎ የሚስተዋሉ የፀጥታ ስጋቶችን የአካባቢው የፀጥታ አካላት ከክልል መስተዳድር ጋር በመነጋገር እንዲቀርፉ ይደረጋልም ነው ያሉት። ህብረተሰቡም የሰላሙ ባለቤት መሆኑን በመገንዘብ ለአካባቢው ሰላምና ደህንነት ዘብ እንዲቆምም ጥሪያቸውን አቅርበዋል። የህዝብ ተወካዮች ምክር ቤት የካቲት 23 2010 ዓ.ም ባካሄደው አስቸኳይ ስብሰባው የሚኒስትሮች ምክር ቤት የካቲት 9 ቀን 2010 ዓመተ ምህረት ለስድስት ወራት ያወጀውን የአስቸኳይ ጊዜ አዋጅ ማፅደቁ ይታወሳል።

ምክር ቤቱ በኢፌዴሪ ህገ መንግስት አንቀጽ 93 ንዑስ አንቀጽ 1 (ሀ) መሰረት በታወጀው የአስቸኳይ ጊዜ አዋጅ ላይ ከተወያየ በኋላ በምክር ቤቱ ያፀደቀው። በህገ መንግስቱና በህገ መንግስታዊ ስርዓቱ ላይ የተጋረጠውን ይህን አደጋ በመደበኛው የህግ ማስከበር ስርዓት ለመከላከልና ለመቆጣጠር ከማይቻልበት ደረጃ ላይ መድረሱንና ህገ መንግስታዊ ስርአቱን ለመጠበቅ የሚያስችል የአስቸኳይ ጊዜ አዋጅ ማውጣት በማስፈለጉ ነበር የታወጀው።

የሚኒስትሮች ምክር ቤት ዛሬ ባካሄደው ስብሰባው የሀገሪቱን የፀጥታ ሁኔታ ከገመገመ በኋላ አሁን ላይ በሀገሪቱ ስርዓት ሰፍኖ ሰላምና መረጋጋት በመመለሱ የአስቸኳይ ጊዜ አዋጁ እንዲነሳ ወስኗል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close