Connect with us

Fashion

በሚሊኒየም አዳራሽ የአነቃቂ ሃሳቦች መድረክ ላይ ጠቅላይ ሚኒስቴር ዶክተር አብይ የተናገሩት

Helen

Published

on

የአነቃቂ ሃሳቦች መድረክ

ጠ/ ሚኒስትር ዶክተር አብይ አህመድ ለተሻለች ኢትዮጵያ አዲስ አስተሳሰብ እንደሚያስፈልግ ገለጹ። አዲስ አስተሳሰብ ማለት በፊት የነበረውን፣ አሁን ያለውንና የወደ ፊቱን አስተሳሰብ በማስታረቅ የተሻለች ኢትዮጵያን መፍጠር እንደሆነም ነው የተናገሩት። ከሳዑዲ አረቢያና ከተባበሩት አረብ ኢምሬት የተሳካ ዲፕሎማሲያዊ ቆይታ መልስ በሚሊኒየም አዳራሽ የማይንድ ሴት ዝግጅት ላይ ንግግር ያደረጉት ጠ/ሚኒስትሩ የተሻለች ኢትዮጵያን ለመፍጠር በሁሉም ዘርፎች ባለ ራዕይ መሪዎች ያስፈልጓታል ብለዋል።

አሁን ላይ በትምህርት ላይ የሚገኙትን 29 ሚሊየን ያህል ዜጎቿ ለተሻለች ኢትዮጵያ ወሳኝ ናቸው ያሉት ጠ/ሚኒስትሩ ወጣቱ ትውልድ የመወያየት የመደማመጥና የመከባበር ባህል ማዳበር እንዳለበትም አሳስበዋል። በተለይ ወጣቶች ስለ ራዕይ መወያየት አና መነጋገር እንደሚጠበቅባቸው ነው ያስታወቁት።

በዚህ ዓመት በሀገሪቱ በሚገኙ ዩንቨርሲቲዎች የክብር ተመራቂዎች የጠቅላይ ሚኒስትር ጽ/ ቤት በሚያዘጋቸው የውጭ ሀገር የከፍተኛ ትምህረት ስኮላር ሽፕ ተጠቃሚ እንደሚሆኑ አስታውቀዋል። ከዚህም ሌላ በጠ/ሚኒስትር ፅ/ቤት አዘጋጂነት ኢዱስተሪ ፓርኮችን፣ የአፍሪካ ኢኮኖሚክ ኮሚሽን፣ የአፍሪካ ህብረት እና የፕሬዚዳንት ጽ/ ቤት በአንድ ሳምንት ቆይታቸው እንደሚጎበኙም ተናግረዋል።

ሀገሪቱ የህፃናትን አስተሳሰብን ለመቅረጽና ለነገ ማንነታቸው መሰረት ለመጣል ህፃናትን መሰረት ያደረጉ የመገናኛ ብዙሃን ስርዓት ሊኖር እንደሚገባም ገልጸዋል። አስተሳሰብን በመቅርጽ ረገድ የሃይማኖት መሪዎች፣ መምህራን፣ ተፎካካሪ ፖለቲካ ፓርቲዎ እና ሌሎች አካለት የድረሻቸውን መወጣት እናዳለባቸው ተናግረዋል።

በሳውዲ በነበራቸው ቆይታ ከአንድ ሺ በላይ ኢትዮጵያዊያን እስረኞችን ማስለቀቅ የቻሉት ጠቅላይ ሚንስትሩ ሼህ ሙሀመድ አሊ አልአሙዲን በቅርቡ እንደሚፈቱም ፍንጭ ሰጥተዋል፡፡ ኢትዮጵያዊውን ቱጃር ከእስር ለማስለቀቅ ከሳዑዲ አሪቢያው አልጋ ወራሽ መሀመድ ቢን ሳልማን ጋር ከስምምነት ላይ እንደተደረሰ ጠቅላይ ሚኒስትር ዶክተር አብይ አህመድ ጨምረው ገልጸዋል፡፡

የሼህ ሙሀመድ አሊ አልአሙዲን ዛሬ ወደ ሀገር ቤት ይዞ ለመምጣት አስበው እንደነበር እና በጊዜያዊ ችግር ያንን ማድረግ እንዳልተቻለ ገልፀዋል። ጠቅላይ ሚኒስትሩ ሼህ ሙሀመድ አሊ አልአሙዲን የሚፈቱበት ቀን ባይቆረጥም በቅርቡ እንደሚፈቱ አረጋግጠዋል። በውጭ ሀገራት የሚኖሩ ኢትዮጵያውያን ዳያስፖራዎችም የሼህ ሙሀመድ አሊ አልአሙዲን ጉዳይ እንደራሳቸው ጉዳይ መውሰድ እንዳለባቸው እና የሁሉም ጉዳይ መሆን እንዳለበት አሳስበዋል። በሳዑዲ አረቢያ ቆይታቸው 1 ሺህ ኢትዮጵያውያን እንደተፈቱ የገለፁ ሲሆን ከፊሉ ከዛሬ ምሽት ጅምሮ ወደ ሀገራቸው እንደሚገቡ ተናግረዋል።

ጠቀውላይ ሚንስትር ዶክተር አብይ አህመድ በሚሊኒየም አዳራሽ ያደረጉትን ሙሉ ንግግር ከቀጣዩ ቪዲዮ እንድትመለከቱ እንጋብዛለን፡፡ መልካም ቆይታ፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close