Connect with us

Entertainment

ፋሲለደስ የባህል ቡድን በባህር ዳር ሙሉዓለም አዳራሽ ነገሠ

Published

on

ፋሲለደስ የባህል ቡድን በባህር ዳር ሙሉዓለም አዳራሽ ነገሠ

ፋሲለደስ የባህል ቡድን በባህር ዳር ሙሉዓለም አዳራሽ ነገሠበት፤ ዓመታዊውን የአማራ ክልል የባህልና ኪነ ጥበብ ፌስቲቫል እንደቀጠለ ነው፡፡ ሰሜን ሸዋ በቱባው የምንጃር ባህላዊ ጭፈራ ታዳሚውን አስደምሟል፡፡

የጎንደሩ ፋሲለደስ ህዝብ ለህዝብን ደገመው ያስባለ ትዕይንት አቅርቧል፡፡ *****

ባህር ዳር ለ13ኛ ጊዜ እየተካሄደ ያለውን የአማራ ክልል የባህልና የኪነ ጥበብ ፌስቲቫል እያስተናገደች ነው፡፡ ከተጀመረ አራተኛ ቀኑን የያዘው ኩነት በድምቀት ቀጥሏል፡፡

የአማራ ክልል ባህልና ቱሪዝም ቢሮ ከኢትዮጵያ ብሔራዊ የባህል ማዕከል እና ከሙሉዓለም የባህል ማዕከል ጋር በመተባበር ባዘጋጀው በዚህ ዓመታዊ የባህል እና የኪነ ጥበብ ፌስቲቫል በየቀኑ የአማራ ክልል ዞኖች የቲያትርና የሙዚቃ ስራዎቻቸውን ያቀርባሉ፡፡

ትናንት ጠዋት የሰሜን ሸዋ ዞን ቡድን በምንጃር ሸንኮራ ድንቅ የባህል ጨዋታዎች መድረኩን ተቆጣጥሮት ነበር፡፡ ቱባውን የሸንኮራ እና የመሬ ጨዋታዎች ይዘው ለመድረክ የቀረቡት ሰሜን ሸዋዎች ድንቅ አቀራረብ አሳይተዋል፡፡

 

ከሰዓት በኋላ ደግሞ የጎንደሩ የፋሲለደስ ኪነት ቡድን የባህር ዳሩን ሙሉዓለም አዳራሽ ነገሶበታል፡፡ ፋሲለደሶች የወገራን ድንቅ ባህል፣ የበለሳን ቱባ እሴት የጭልጋን አስደናቂ ጨዋታዎች ከጎንደርኛ ዜማ ጋር ቀምመው መድረኩን ተአምር ሰርተውበታል፡፡

ህዝብ ለህዝብ ተደገመ እስኪባል የተወደሰው ይህ አቀራረብ በአዲስ መልክ የተዋቀረውን ፋሲለደስ የኪነት ቡድን አቅም ያሳየ ነበር፡፡ ዝግጅቱ ዛሬና ነገ ይቀጥላል፡፡ ዛሬም የቲያትር ዝግጅቶች ለመድረክ ይበቃሉ፡፡ ነገ ፍጻሜውን በሚያገኘው ዓመታዊ መርሐ ግብር አሸናፊዎች ይሸለማሉ፡፡ DireTube

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close