Connect with us

News

ጓቴማላ በእስራኤል የሚገኘው ኤምባሲዋን ወደ እየሩሳሌም አዛወረች

Staff

Published

on

ጓቴማላ በእስራኤል የሚገኘው ኤምባሲዋን ወደ እየሩሳሌም አዛወረች

ጓቴማላ በእስራኤል የሚገኘው ኤምባሲዋን ከቴል አቪቭ ወደ እየሩሳሌም በይፋ አዛወረች።

ኤምባሲውን የማዛወር ስነ ስርዓቱ የጓቴማላው ፕሬዚዳንት ጂሚ ሞራሌስ እና የእስራኤሉ ጠቅላይ ሚኒስትር ቤኒያሚን ኔታንያሁ በተገኙበት በዛሬው እለት ተከናውኗል።

ጓቴማላ ከአሜሪካ ቀጥሎ ኤምባሲዋን ወደ እየሩሳሌም ያዛወረች ሁለተኛዋ ሃገር ሆናለች።

ከትናንት በስቲያ ሰኞ አሜሪካ ኤምባሲዋን ከቴል አቪቭ ወደ እየሩሳሌም በይፋ ማዛወሯ የሚታወስ ነው።

የአሜሪካን ውሳኔ ፈረንሳይና የዓረብ ሊግ ህገ ወጥ በማለት ኮንነውታል።

አሜሪካ ኤምባሲዋን ወደ እየሩሳሌም ማዛወሯን ተከትሎ የእስራኤል ጦር፥ በጋዛ ሰርጥ ለተቃውሞ በወጡ ፍልስጤማውያን ላይ በወሰደው እርምጃ ከ60 በላይ ፍልስጤማውያን ለህልፈት ተዳርገዋል።

ይህን ተከትሎም የመንግስታቱ ድርጅት የፀጥታው ምክር ቤት በትናንትናው እለት አስቸኳይ ስብሰባ አድርጓል።

በስብሰባው ወቅት ኩዌት ሃገራት ኤምባሲያቸውን ከቴል አቪቭ ወደ እየሩሳሌም እንዳያዛውሩ እና ከፍልስጤማውያን ግድያ ጋር በተያያዘ ጉዳዩን የሚያጣራ ገለልተኛ አካል እንዲቋቋም የሚጠይቅ ረቂቅ ሃሳብ አቅርባለች።

አሜሪካ በበኩሏ የኩዌትን ረቂቅ ውድቅ አድርጋዋለች።

ከፈረንጆቹ 1967 ጀምሮ ምስራቃዊ እየሩሳሌም በእስራኤል ቁጥጥር ስር ትገኛለች።

ከዚያን ጊዜ ወዲህም እስራኤል ሉዓላዊ ግዛቷ እንደሆነች ስትገልጽ ቆይታለች።

ፍልስጤማውያን በበኩላቸው እየሩሳሌም የወደፊቷ ዋና ከተማቸው እንደሆነች ይገልጻሉ።

ምንጭ፦ አልጀዚራ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close