Connect with us

Health

በፋይበር የበለፀጉ ምግቦች ጉንፋንና መሰል በሽታዎችን ለመከላከል…

Staff

Published

on

በፋይበር የበለፀጉ ምግቦች ጉንፋንና መሰል በሽታዎችን ለመከላከል…

በፋይበር ንጥረ ነገር የበለፀጉ ምግቦችን ማዘውተር የሰውነታችንን የበሽታ መላከል አቅም ከፍ በማድረግ እንደ ጉንፋን ላሉ በሽታዎች በቀላሉ እንዳንጋለጥ ይረዳል ተባለ።

ተመራማሪዎች ከሰሞኑ ባወጡት ጥናት እንዳስታወቁት እንደ አጃ፣ ሩዝ እና መሰል በፋይበር ንጥረ ነገር የበለፀጉ ምግቦችን አዘውትሮ መመገብ የሰውነታችንን የፀረ ቫይረስ የበሽታ መከላከል አቅም ከፍ ያደርገዋል።

እንደ ተመራማሪዎቹ ገለፃ፥ በፋይበር የበለጸጉ ምግቦች ጉንፋን እና መሰል በሽታዎችን ከመከላከል ባለፈ የልብ ህመም እና የስኳር በሽታ ተጋላጭነተን ለመቀነስም ይረዳል።

ሆኖም ግን ተመራማሪዎች አሁን ያወጡት ጥናት በፋይበር በለፀጉ ምግቦችን መመገብ ጉንፋንን ይከላከላል የሚለው ላይ ነው ትኩረቱን ያደረገው።

ጉንፋን እና መሰል በሽታዎች በዓለማችን ላይ በብዛት የሚከሰት በሽታ ሲሆን፥ በየዓመቱ በዓለም ዙሪያ ካለው ህዝብ 20 በመቶውን እንደሚያጠቃ መረጃዎች ይጠቁማሉ።

የአውስትራሊያ ሞናሽ ዩኒቨርሲቲ ተመራማሪዎች ከሰሞኑ ባወጡት ጥናት በዓለም ላይ በርካታ ሰዎችን የሚያጠቃውን ጉንፋን እና መሰል በሽታዎችን መለከላከል ደግሞ በፋይበር የበለፀጉ ምግቦች አይነተኛ መፍትሄ ናቸው ብለዋል።

ተመራማሪዎቹ በአይጥ ላይ ባደረጉት ሙከራም በፋይበር የበለፀገ ምግቦችን አዘውትሮው የተመገቡ አይጦች እንደ ጉንፋን ላሉ በሽታዎች በቀላሉ እንደማይጋለጡ አረጋግጠዋል።

የተመራማሪዎች ቡድኑ እንደሚያምነት ከሆነ በፋይበር ንጥረ ነገር የበለፀጉት ምግቦች ከዚህ በዘለለም እንደ አስም እና አለርጂ ያሉ በሽታዎችን ለመከላከል ይረዳሉ።

ፋይበር ንጥረ ነገርን በውስጣቸው ከያዞ የምግብ አይነቶች ውስጥም፦

አጃ

ምስር (በወጥ መልክ የተሰራ)

ቦሎቄ

ቂንጬ

የስንዴ ምርቶች (ፓስታ፣ስፓጌቲ፣ማካሮኒ እና መሰል ምግቦች)

ሩዝ

ዝኩኒ

ተልባ

ለውዝ

የስንዴና ገብስ ቅልቅል ዳቦ ተጠቃሽ ናቸው።

ምንጭ፦ www.dailymail.co.uk

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close