Connect with us

Ethiopia

የአንዳርጋው ጽጌ መፈታት ቢያስደስተኝም የኢህአዴግ የአደባባይ ህጎች በጓሮ መጣሳቸው ቀድሞውኑ …

Published

on

የአንዳርጋው ጽጌ መፈታት ቢያስደስተኝም የኢህአዴግ የአደባባይ ህጎች በጓሮ መጣሳቸው ቀድሞውኑ ...

የአንዳርጋው ጽጌ መፈታት ቢያስደስተኝም የኢህአዴግ የአደባባይ ህጎች በጓሮ መጣሳቸው ቀድሞውኑ መርህ የለሽ መሆኑን ማሳያ ናቸው፡፡ ፓርላማው አሸባሪ ያለውን ፓርቲው የማንሳት ስልጣኑ ቀድሞውኑም አሸባሪ ባዩ ማን እንደሆነ ያሳየናል፡፡

ዶክተር አብይ በአማራ ስም፣ በወጣት ስም፣ በኪነ ጥበብ ባለሙያ ስም፣ ተመሳሳይ ሰዎች የተለያዩ ስያሜ ባላቸው መድረኮች በመሰብሰብ ለምን ይደክማሉ? ***** ስናፍቅሽ አዲስ በድሬቲዩብ

አንዳርቻው ጽጌ እንዲፈታ መወሰኑ ያስደሰተኝ ሰው ነኝ፡፡ ከእስሩ ይልቅ የታሰረበት ሁኔታ ግልጽ ባለመሆኑ ብዙ ዜጎች ቅሬታ ተሰምቷቸዋል፡፡

በእርግጥ አንዳርጋቸው መንግስት የሚወድቀው በኃይል ነው ብሎ አምኖ ብረት ያነሳ ሰው ነው፡፡ በጉልበቱ መንግስትን ከመጣሉ በፊት ጉልበተኛ መንግስት እጅ የገባ ሰው ነው፡፡

መንግስት ለአንዳርጋቸው ጽጌ ምህረት ማድረጉ የሚያስመሰግነው የሚሆነውም ለዚህ ነው፡፡ ችግሩ በምን የህግ አግባብ? የሚለው ነው፡፡ ፓርላማው ተሰብስቦ ግንቦት ሰባትን ፈርጇል፡፡

መንግስትና ህገ መንግስታዊ ሥርዓቱን በኃይል ለመጣል የሚሰራ ድርጅት ነው ብሎ ሽብርተኛ ብሎታል፡፡ አንዳርጋቸው ጽጌ የዚህ ድርጅት መሪ እና በርሃ ወርዶ ሥርዓቱን ለመጣል የሚታገል ሰው ነው፡፡

ቀድሞውኑ ድርጅቱ ከፍረጃ ነጻ ሳይሆን፣ ድርድር ሳይደረግ፣ ፓርላማው ጉዳዩን ሳያውቀው ይፈቱ ብሎ መወሰኑ መጀመሪያውኑም ፍትህ ሳይሆን ፓርቲ እንዳሳሰራቸው ማሳያ ነው፡፡ ሰሞነኛው ወሬዎች ጥሩ ናቸው፡፡

ሁለቱን ሲኖዲዮስ ለማስታረቅ እጥራለሁ ያለሁት ጠቅላይ ሚኒስትር ቀደምት መሪዎቻቸው ያልተመኙት ደግ ምኞት በመሆኑ ያኮራናል፡፡

ዶክተር አብይ በተለያየ ጊዜ ከተውጣጡ ሰዎች ጋር ተወያዩ ሲባል እሰማለሁ፡፡ የወጣው ዳግም እየገባ ትናንት ወጣት ሆኖ የተወያየው ዛሬ የኪነ ጥበብ ባለሙያ ሆኖ እየመጣ፣ ትናንት በኪነ ጥበብ ቤተሰብነት የተጠራው ነገ በአማራ ስም እየገባ ቤተ መንግስቱ እንደ ንጉሡ ዘመን የጥቂቶች ግብር አዳራሽ ሆኗል፡፡

ጠቅላይ ሚኒስትሩ በተለያየ ስም ተመሳሳይ ሰዎች እንዲሰበስቡ ማድረጉ ምን የሚጠቅም ነገር እንደሚኖረው አላውቅም፡፡ ግን ጥሩ ጉዞ ላይ ያሉትን መሪ ቤተ መንግስቱ አካባቢ ተወሽቀው ሊያከሽፏቸው የሚፈልጉ ሰዎች እንዳሉ ምልክት ከምናይባቸው ነገሮች አንዱ ነው፡፡

የቀድሞው መሪ አቅም የሌላቸውን አርቲስቶች ጭምር የፐብሊክ ዲፕሎማሲ አባል አድርገው ስቀው አስቀውባቸው ነበር፡፡ ዛሬም ያ መንፈስ ቀጥሏል፡፡ ለቀድሞዎቹ ይህ አሰራር አጀንዳ ነው፡፡ ለዶክተር አብይ ግን እንቅፋት ይሆናል፡፡ DireTube

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close