Connect with us

Art and Culture

ባህር ዳር ዓመታዊውን የአማራ ክልል የባህልና ኪነ ጥበብ ፌስቲቫል እያስተናገደች ነው

Published

on

ባህር ዳር ዓመታዊውን የአማራ ክልል የባህልና ኪነ ጥበብ ፌስቲቫል እያስተናገደች ነው

በአማራ ክልል ባህልና ቱሪዝም ቢሮ ከሙሉዓለም የባህል ማዕከል እና ከኢትዮጵያ ብሔራዊ የባህል ማዕከል ጋር በመቀናጀት ያዘጋጀውና በድምቀት እየተካሄደ ያለው ዝግጅት በሙያቸው አስተዋጽኦ ላደረጉ ከያኒያን እውቅና ይሰጣል፡፡

የአማራ ክልል ባህልና ቱሪዝም ቢሮ ከኢትዮጵያ ብሔራዊ የባህል ማዕከል እና ከሙሉዓለም የባህል ማዕከል ጋር በመተባበር ያዘጋጀው ዓመታዊ የባህል እና የኪነ ጥበብ ፌስቲቫል ትናንት እሁድ ግንቦት 5 ቀን 2010 ዓ.ም. ተጀምሯል፡፡

ለአምስት ቀናት የሚቆየው ይህ ዝግጅት “ኪነ ጥበብ ለሠላማችን እና ለሀገራዊ አንድነታችን!” በሚል መሪ ቃል የተዘጋጀ ሲሆን ዘንድሮ አማራ ክልል ይህንን ፌስቲቫል ሲያዘጋጅ ለአስራ ሦስተኛ ጊዜ ነው፡፡

የክልሉ የባህልና ቲያትር ስራዎች በመድረክ የሚቀርቡበት ይህ ኩነት በኪነ ጥበብ ዓለም ከፍተኛ አስተዋጽኦ የተወጡ የሀገራችን አንጋፋ ከያኒያንና ከፍተኛ አስተዋጽኦ እያበረከቱ ያሉ ወጣት ባለሙያዎች የሚሸለሙበትና እውቅና የሚያገኙበትን መርሐ ግብር ያካተተ ነው፡፡

በትናንትናው ዕለት የተከፈተው ይህ ፌስቲቫል ለባህል ኢንዱስትሪ ምርቶች የገበያ ትስስር በተዘጋጀ አውደ ርዕይ ምርቃት የተጀመረ ሲሆን በሙሉዓለም የባህል ማዕከል ጉማ የተሰኘ ትውፊታዊ ቲያትር በመድረኩ ቀርቧል፡፡

የክልሉ ዞኖች የተሳተፉበት ይህ ደማቅ ፌስቲቫል በቀሪዎቹ ቀናት ከየዞኑ የመጡ የኪነ ጥበብ ዝግጅቶች በየዕለቱ ይቀርቡበታል፡፡

DireTube

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close