Connect with us

Art and Culture

ባህልና ሥነ-ምግባር በኢትዮጵያ ከየት? ወደ የት?

Published

on

ባህልና ሥነ-ምግባር በኢትዮጵያ ከየት? ወደ የት?

6ኛው የሀዲስ ዓለማየሁ የባህል ጥናት ተቋም አመታዊ አገር አቀፍ አውደ ጥናት በደብረ ማርቆስ ዩኒቨርሲቲ ተካሄደ፡፡ የዘንድሮው መሪ ቃል “ባህልና ሥነ-ምግባር በኢትዮጵያ ከየት? ወደ የት?”

አገር አቀፋዊ ይዘት ያለው ዓመታዊ አውደ ጥናት በማዘጋጀት የሚታወቀው የደብረ ማርቆስ ዩኒቨርሲቲ የሀዲስ ዓለማየሁ የባህል ጥናት ተቋም ለስድስተኛ ጊዜ አገራዊ አውደ ጥናቱን አካሂዷል፡፡

ባሳለፍነው ቅዳሜ እና እሁድ ግንቦት 4 እና 5 ቀን 2010 ዓ.ም. በተዘጋጀውና ለሁለት ቀናት በቆየው አውደ ጥናት የተለያዩ የምርምር የጥናት ጽሑፎች ለውይይት መነሻነት ቀርበው ሰፊ ውይይት ተደርጎባቸዋል፡፡

“ባህልና ሥነ-ምግባር በኢትዮጵያ ከየት? ወደ የት?” በሚል መሪ ቃል የተካሄደውን የዘንድሮውን የሀዲስ ዓለማየሁ የባህል ጥናት ተቋም አመታዊ አውደ ጥናት የመክፈቻ ዝግጅት ላይ የተቋሙ ዳይሬክተር የሆኑት አቶ ግዛቸው አንዳርጌ የሁለቱን ቀናት መርሐ ግብር አስተዋውቀዋል፡፡

የደብረ ማርቆስ ዩኒቨርሲቲ የምርምርና ማህበረሰብ አገልግሎት ምክትል ፕሬዚዳንት የሆኑት ሲስተር ገነት ደጉ የእንኳን ደህና መጣችሁ ንግግር አድርገው በደብረ ማርቆስ ዩኒቨርሲቲ ፕሬዚዳንት በዶክተር ታፈረ መላኩ የመክፈቻ ንግግር አውደ ጥናቱ ተከፍቷል፡፡

በመሪ ቃልነት የተመረጠውን ሀሳብ ለውይይት መነሻ ጽሑፍ ያቀረቡበት የፍልስፍና መምህሩ ዶክተር ዳኛቸው አሰፋ ሲሆኑ ጸሐፊ ተውኔት አያልነህ ሙላት ኪነ ጥበብ ባህልን ለማስተዋወቅና ሥነ-ምግባርን ለማነጽ ያለው ሚና በሚለው ርዕሰ ጉዳይ ላይ በተመሳሳይ የውይይት መነሻ ጽሑፍ አቅርበዋል፡፡

በአቶ ደሳለኝ ስዩም ሀገር እና የሀገራዊ እሴት ምሥያ በጸጋዬ ገ/መድህን ስድስት ቲያትሮች በሚል ርዕሰ ጉዳይ፣ በአቶ ፋሲል መርአዊ ዘርዐ ያዕቆብ፣ ገብረ ህይወት ባይከዳኝ እና ሁለት የዘመናዊነት እሳቤዎች በኢትዮጵያ ፍልስፍና የሚሉ የውይይት መነሻ ጽሑፎችን ጨምሮ የተለያዩ የጥናት ሥራዎች ቀርበው ውይይት ተደርጎባቸዋል፡፡

እንደ ከዚህ ቀደሞቹ አውደ ጥናቶች ሁሉ በዩሐንስ አፈወርቅ የዋሽንት ዜማዎች ታጅቦ በባህላዊ ክንዋኔዎች የደመቀው የ2010 ዓ.ም. አውደ ጥናት የተሳካ እና በርካታ ምሁራን ደራሲያንና የኪነ ጥበብ ሰዎች የታደሙበት ነበር፡፡ DireTube

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close