Connect with us

Entertainment

በለገሱት ደም የ2 ነጥብ 4 ሚሊየን ህፃናትን ህይወት የታደጉት አዛውንት

Staff

Published

on

በለገሱት ደም የ2 ነጥብ 4 ሚሊየን ህፃናትን ህይወት የታደጉት አዛውንት

ለተከታታይ 6 አስርት ዓመታት ደም በመለገስ የ2 ነጥብ 4 ሚሊየን ህፃናትን ህይወት የታደጉት አዛውንት ከበርካቶች አድናቆት እየጎረፈለላቸው ነው።

ጄምስ ሀሪሰን የተባሉት የ81 ዓመቱ አዛውንት በደማቸው ውስጥ አዲስ የሚወለዱ ህፃናትን ከሞት የሚታደግ “አንቲ-ዲ” ክትባት የተባለ መድሃኒት ለመስራት የሚያስችል ንጥረ ነገር ይገኛል።

ታዲያ አዛውንቱ ጀመስ ሀሪ ላለፉት 60 ዓመታት ደማቸውን ለዚሁ ተግባር ሲለግሱ ነበር የተባለ ሲሆን፥ “ባለ ወርቃማው እጅ” የሚል ስያሜም ተሰጥቷቸዋል።

ጀምስ ባላሰፍነው አርብ ደም መለደስ ማቆማቸውን ያስታወቁ ሲሆን፥ ምክንያቱ ደግሞ በአውስትራሊያ ህግ እድሜያቸው ከ81 ዓመት በላይ የሆኑ ሰዎች ደም መለገስ የለባቸውም በሚል ስለሚከለክል ነው ተብሏል።

“የዛሬዋ እለት ለእኔ አሳዛኟ ቀን ነች” ያሉት ጀምስ “የረጅም ሩጫ ፍፃሜ ነው” ነው ሲሉም የደም ልገሳ ማቆማቸውን በይፋ አስታውቀዋል።

“ህጉ ከፈቀደልኝ ደም መለገሴን እቀጥላለሁ” ሲሉም ተናግረዋል።

በየሳምንቱ ደም ሲለግሱ የነበሩት አውስትራሊያዊው ጀምስ እንካሁን 1 ሺህ 173 ጊዜ ደም እንደለገሱ መረጃዎች ያመለክታሉ።

የሀገሪቱ ቀይ መስቀል መረጃ መሰረትም አዛውንቱ ጀምስ የለገሱት ደም እስካሁን 2 ነጥብ 4 ሚሊየን ገደማ የሚጠጉ ህፃናትን ህይወት ከሞት ታድጓል።

እንደ አውሮፓውያኑ አቆጣጠር ከ1967 ወዲህም ጀምስ በለገሱት ደም 3 ሚሊየን “አንቲ-ዲ” ክትባቶች ተሰርተዋል የተባለ ሲሆን፥ በመድሃኒቱም ሴት ልጃቸውን እና የልጅ ልጃቸውን ጨምሮ የበርካታ ህፃናቶችን ህይወት ታድጓል።

በአውስትራሊያ ልክ እንደ አዛውንቱ ጀምስ በደማቸው ውስጥ መድሃኒትነት ያለው ንጥረ ነገር ያላቸው 50 ሰዎች እንዳሉም ተነግሯል።

ከእነዚህ ሰዎች ውስጥ አንዱ ወደ ፊት የ81 ዓመቱ ጄምስ ሀሪሰንን ክብረ ወሰን ሊሰብር ይችላል ተብሏል።

ምንጭ፦ news.cgtn.com

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close