Connect with us

Ethiopia

ወልዲያ ከተማ የ250 ሺህ ብር የገንዘብ ቅጣትና ለአንድ አመት ከሜዳው ውጭ እንዲጫወት ተወሰነበት

Staff

Published

on

የኢትዮጵያ እግር ኳስ ፌዴሬሽን በወልዲያ ከተማ እግር ኳስ ክለብ ላይ የቅጣት ውሳኔዎችን አሳለፈ።

የፌዴሬሽኑ የዲስፕሊን ኮሚቴ ክለቡ ሚያዚያ 3 ቀን 2010 ዓ.ም ከፋሲል ከነማ ጋር አድርጎት በነበረው ጨዋታ ላይ የተፈጠረውን ድርጊት መነሻ በማድረግ የቅጣት ውሳኔ ማሳለፉን አስታወቋል።

በዚህም ወልዲያ ከተማ እግር ኳስ ክለብ 250 ሺህ ብር የገንዘብ ቅጣት እንዲከፍልና ቡድኑ ለአንድ አመት ያክል ከሜዳው ውጭ እንዲጫወት ውሳኔ አሳልፏል።

በዚህም ክለቡ የሚያደርጋቸውን ቀሪ የሜዳ ላይ ጨዋታዎች በፌዴሬሽኑ በተመዘገበና ከወልዲያ ከ500 ኪሎ ሜትር ርቀት በላይ በሚገኝ ሜዳ ላይ እንዲያደርግም ውሳኔ ማሳለፉን ገልጿል።

ከዚህ ባለፈም በዕለቱ በጭማሪ ሰዓት ተቋርጦ የነበረው ጨዋታ ለፋሲል ከነማ ፎርፌ እንዲሰጥና ክለቡም በተፈጠረው ችግር የተጎዱ ዳኞችን የህክምና ወጪ እንዲሸፍንም ተወስኖበታል።

በተጨማሪም የክለቡ ዋና አሰልጣኝ ዘማርያም ወልደጊዮርጊስ እና ተጫዋቹ ብሩክ ቃልቦሬ፥ እያንዳንዳቸው ለአንድ አመት ከስፖርታዊ ውድድሮች እገዳና የ10 ሺህ ብር ቅጣት ተወስኖባቸዋል።

የተላለፈበትን የገንዘብ ቅጣትም ክለቡ ውሳኔው በደረሰው በ15 ቀናት ውስጥ እንዲከፍልም ከፌዴሬሽኑ የተገኘው መረጃ ያመላክታል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close