Connect with us

Ethiopia

ለሚቀጥለው አንድ ዓመት ትግራይ ፕሬዚዳንት አይኖራትም!

Staff

Published

on

ለሚቀጥለው አንድ ዓመት ትግራይ ፕሬዚዳንት አይኖራትም! በኃይሉ ሚዴቅሳ

ጠቅላይ ሚኒስትሩ በትግራይ ክልል ያደረጉት ጉዞ፣በ17 ዓመቱ ትጥቅ ትግል ለተሳተፉና ዋጋ ለከፈሉ የክልሉ ሰዎች ዕውቅና ሰጥቷል፡፡በስም እየጠቀሱም ሙሴን፣ቐሺ ገብሩን፣ስሁልን፣መለስ ዜናዊን የአድሲቷ ኢትዮጵያ መዳፎች ሲሉ “ዘልኣለማዊ ክብርን ሞገስን ንጀጋኑ ሰማእታትና” በማለት አድንቀዋቸዋል፡፡

ሕዝቡም ኢትዮጵያዊ ሳይሆን ኢትዮጵያን የፈጠረ፣የኢትዮጵያን ወራሪዎች የተጋፈጠ ሕዝብ ነው በማለት አድናቆታቸውን ገለጸዋል፡፡የአገሪቱ ሞተር መሆኑን ያወሱትም ለ17 ዓመቱ ትግል ዕውቅና በመስጠት ነው፡፡

ጠቅላይ ሚኒስትር ዓብይ ያደነቁት ይህ ሕዝብ በሚቀጥሉት 12 ወራት ክልላዊ ፕሬዚዳንት እንዳይኖረው ተወስኖበታል፡፡ይህንን ውሳኔ ያስተላፈው የሕዝብ ተወካዮች ምክር ቤት ነው፡፡

ምክር ቤቱ ባሳለፍነው ሐሙስ ባደረገው መደበኛ ስብሰባ የሟሟያ ምርጫው ዘንድሮ እንዳይካሄድ ወስኗል፡፡ምክር ቤቱ በፌስቡክ ገጹ ላይ ባሰፈረው አጭር መግለጫ ‹‹ ዛሬ ባካሄደው 19ኛ መደበኛ ስብሰባ በ2010 የሚካሄዱትን የአዲስ አበባና የድሬደዋ ከተማ አስተዳደር ምክር ቤቶች የአከባቢ ምርጫዎችን ለማራዘም የቀረበ የውሳኔ ሀሳብ መርምሮ በ8 ድምጸ ተአቅቦ በአብላጫ ድምጽ አጽድቆታል፡፡በተላለፈው ውሳኔ መሰረት ምርጫው በተሟላ ዝግጅትና አቅም በ2011 ዓ.ም የሚካሄድ ይሆናል፡፡›› ብሏል፡፡

በዚህ መሰረት ነው እንግዲህ ትግራይ እስከ2011 ግንቦት ድረስ ፕሬዚዳንት የማይኖራት፡፡ምክንያቱም አሁን በምክትል ርዕሰ-መሥተዳድር ማዕረግ ክልሉን እየመሩ ያሉት ደ/ጽዮን ገ/ሚካኤል፣ይህ ምርጫ ስለማይካሄድ የክልሉ ፕሬዚዳንት አይሆኑም፡፡

በክልሉ ሕገመንግሥት መሠረት ርዕሰ-መሥተዳድሩ የክልሉ ም/ቤት አባል መሆን ይጠበቅበታል፡፡ዶ/ር ደ/ጽዮን ግን የፌደራል ምክርቤት አባል ናቸው፡፡ ይጠበቅ የነበረው በማሟያ ምርጫ ዶ/ሩ የክልሉን ምክርቤት እንደሚቀላቀሉ ነበር፡፡ሆኖም ምርጫው ተራዝሟል፡፡ይህ ትግራይን ለሚቀጥለው አንድ ዓመት ፕሬዚዳንት እንዳይኖራት አድርጓል፡፡ዶ/ሩ ግን አሁንም በሕወሓት ሊቀመንበርነትና በምክትል ርዕሰመሥተዳድርነት ክልሉ ላይ ግዙፍ ውሳኔዎችን ሕጋዊ ባልሆነ መንገድ እየከወኑ ይቀጥላሉ፡፡DireTube

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close