Connect with us

Art and Culture

ታሪካዊቷ ከተማ መቅደላ 150ኛ ዓመት እያከበረች ትገኛለች

Elias Tesfaye

Published

on

ታሪካዊቷ ከተማ መቅደላ 150ኛ ዓመት

ጎንደር ነኝ፡፡ ታሪካዊቷ ከተማ መቅደላ 150ኛ ዓመት ስታከብር ታድሜአለሁ፡፡ (ተጓዡ ጋዜጠኛ ሄኖክ ስዩም)

የመቅደላ ጦርነት 150ኛ ዓመት መታሰቢያና የዳግማዊ ቴዎድሮስ የመስዋዕትነት ዝክረ በዓል ላይ ታድሟል፡፡ ጎንደር ዩኒቨርሲቲ ተጸንሶ እና ተወልዶ በደብረ ታቦርና በመቅደላ ዩኒቨርሲቲ አጋርነት የሚከበረው ይህ በዓል በጎንደር ሳይንስ አምባ አዳራሽ በጉባኤ እየተከበረ ነው፡፡ ጎንደር ነኝ ሲል የዝክረ በዓሉን ድባብ ሄኖክ ስዩም እንዲህ ያሳየናል፡፡) ሄኖክ ስዩም በድሬቲዩብ ጎንደር ነኝ፡፡

150 ዓመት በምናብ የሚወስድ ኩነት ላይ ታድሜአለሁ፡፡ ትናንት የጀመረው የመቅደላ ጦርነት እና የዳግማዊ ቴዎድሮስ 150 ዓመት የመስዋዕትነት መታሰቢያ በተለያዩ ዝግጅቶች እየተከበረ ነው፡፡ ትናንት ጉባኤውን በእንኳን ደህና መጣችሁ ንግግር የከፈቱት የከተማዋ ከንቲባ አቶ ተቀባ ተባበል የታዳሚውን ቀልብ የሳበ ንግግር አድርገዋል፡፡ ትናንትን አጣጥለን ነገ እንደማይኖረን ተናግረዋል፡፡ በቀደሙት አባቶች ስራ ልንኮራ ይገባል ሲሉ በሚመሩት የታሪካዊቷ ከተማ ህዝብ ስም ለንጉሠ ነገሥት ዐፄ ቴዎድሮስ ያላቸውን ክብር ገልጸዋል፡፡

Mekdela City

The City of Mekdela

ጎንደር ዩኒቨርሲቲ ታሪክና ቅርስ አስተዳደር ትምህርት ክፍል ተጸንሶ በጎንደር ዩኒቨርሲቲ የተወለደው ሀሳብ መቅደላና ደብረ ታቦር ዩኒቨርሲቲን ካሳተፈ በኋላ የንጉሡ ጉዳይ ጉዳያችን ነው ያሉ አስራ ሁለት የአማራ ክልል ዩኒቨርሲቲዎች አጋር ሆነውበታል፡፡ ከእንግሊዝ ሀገር የቀደሙት ሰዎች የልጅ ልጆች ታድመዋል፡፡ የዐፄ ቴዎድሮስ ልጅ የመሸሻ የልጅ ልጆች የክብር እንግዶች ሆነው ተገኝተዋል፡፡

መድረኩን ፋሲለደስ የባህል ቡድን ሲያደምቀው መንፈሱ 150 ዓመት ወደ ኋላ የሚወስድ ድባብ ነበረው፡፡ የጎንደር ዩኒቨርሲቲ ፕሬዝዳንት ዶክተር ደሳለኝ መንገሻ ከመቅደላ የተዘረፉት ቅርሶቻችን እንዲመለሱ ጠይቀዋል፡፡ ልዑል ዓለማየሁ በሀገሩ ምድር ያርፍ ዘንድ አስክሬኑ እንዲመለስ ጠይቀዋል፡፡ ኤሚሬትስ ፕሮፌሰር ባህሩ ዘውዴ ተከታታይ እና ዛሬ ድረስ የቀጠሉ የጥናት ስራዎች የቀረቡበትን መድረክ ታዳሚውን በሚያፈዝ ድንቅ አቀራረብ ቁልፍ ንግግር በማድረግ የጀመሩት ሲሆን በርካታ ርዕሰ ጉዳዮችን በውብ አገላለጽ በማቅረብ የንጉሠ ነገሥቱ ራዕይና ምኞት ላይ ያተኮሩ ሀሳቦች ላይ እይታቸውን አሳይተዋል፡፡ ዛሬ ሁለተኛ ቀን ነው፡፡ የተለያዩ ጥናቶች እየቀረቡ ነው፡፡

ምሁራን በንጉሠ ነገሥቱ ማንነት፣ ታሪክ፣ እሳቤ፣ በዘመኑ ክስተቶች፣ በተከናወኑ እውነታዎችና መሰል ጉዳዮች ላይ ያጠኗቸውን የጥናት ስራዎች በመድረኩ አቅርበው ውይይቱ ቀጥሏል፡፡ ነገም እንዲሁ ጋፋት ስር የምትገኘው ደብረ ታቦር ቀጣዩ መርሐ ግብር ታስተናግዳለች፡፡ ፋርጣ እምብርት ስለ ቴዎድሮስ የሚወያየው ጉባኤ ይቀጥላል፡፡ ከዚያ ጉዞው ወደ መቅደላ ነው፡፡ ማሳረጊያው አዲስ አበባ የሚሆነው ይህ ኩነት በጎንደር በተለያዩ ዝግጅቶች ታጅቧል፡፡ በሀገር አንድነት የተዋቡ ዜማዎች ጎልተው ይሰማሉ፡፡ ትናንትን የሚዘክሩ የታሪክ ሰነዶች ለዕይታ ቀርበዋል፡፡

የጎንደር ባህል ማዕከል ጥበብን ከታሪክ አስተሳስሮ በጥበብ አድምቆታል፡፡ ጎንደር ሆኜ ይሄንን ሁሉ እያየሁ ነው፡፡ በምናብ መቅደላ መልሶ ሀገር አንድ ለማድረግ ስለተከፈለ መስዋዕትነት የሚያስረዳው ኩነት ቀጥሏል፡፡ DireTube

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close