Connect with us

Business

የሩሲያው ወዳጃችን የፌደል ከረባታችንን መልበሳቸው ምን ይገርማል?

Published

on

የሩሲያው ወዳጃችን የፌደል ከረባታችንን መልበሳቸው ምን ይገርማል?

የሩሲያው ወዳጃችን የፌደል ከረባታችንን መልበሳቸው ምን ይገርማል? ሞስኮብ ድሮም ቢሆን የክፉ ቀን ወዳጅ የትናንት አጋራችን ናት፡፡ ***** ሩሲያዊው ወዳጃችን ዕለቱኑ በእኛው ስጦታ ከእኛ በልጠው ደምቀው ታዮ፡፡ *****

ስናፍቅሽ አዲስ በድሬቲዩብ

ሰሞኑን እንግዳ መጥቶብን ሽር ጉድ ስንል ከርመናል፡፡ “እንግዳ መጥቶብኝ ያውም የሞስኮብ ሰው፤ በራሳችን ፊደል እኛው ላይ ያማረው፤” ስንል ሰንብተናል፡፡

ሩሲያና ኢትዮጵያ በብዙ ነገር ወንድማማች ህዝቦች ናቸው፡፡ ለኑሮአችን የቀረቡት ደራሲዎቻቸው አቀራርበውናል፡፡ የማክሲም ጎሪኪ ልጅነት የልጅነት ህይወታችንን አሳይቶናል፡፡

ራሺያ የታጠቡት ፎቶ ግራፎቻችን ምስላቸው ብቻ ሳይሆን እጥበታቸውም የዘመን ትዝታችን ነው፡፡

አድዋ ላይ ኤሮጳ ሲፈትነን ከአጠገባችን የነበረች ሀገር ናት፡፡ የሩሲያው ንጉሠ ነገሥት መሞታቸውን የሰሙት እምዬ ምኒልክ እንደ ራስ መኮንን ሞት ሐዘኑ ጎድቶአቸው ነበር፡፡ ያቺ ቀደምት ሀገር እዚህ ማዶ ካለችው ቀደምት ሀገር በብዙ መልኩ የምትመሳሰል የምግባርም የልብም አምሳያ ናት፡፡

አሜሪካን በሩሲያ ሚዛን ማስቀመጥ ወደ አለው ተጠጋ የሚለው ብሂል እንጂ እውነት ያለው አይመስለኝም፡፡ አሜሪካ በክፉ ቀን ደጋግማ ክዳናለች፡፡ የባህር በር ስናጣ አይዞአችሁ ባይ ነበረች፡፡ አካላችን ሲቆረጥ መጋዝ ያቀበለች ሀገር ናት፡፡

ሩሲያ ግን ሌላ ሀገር ናት፡፡ሌላ የልብ ወዳጅ፤ የዚህች ሀገር የውጪ ጉዳይ ሚኒስትር በሀገራችን ፊደል የተንቆጠቆጠ ከረቫት አድርገው መታየታቸው ተአምር ሆኗል፡፡ ለሩሲያው ውጪ ጉዳይ ሚኒስትር ለሰርጌይ ላቭሮቭ ስጦታውን የሰጣቸው የውጪ ጉዳይ ሚኒስትር ነው፡፡ ስጦታቸውን ወዲያው ገጭ አድረገው ሲታዮ ምን ያህል ለልባችን የቀረቡ ናቸው አስብሎናል፡፡

ሩሲያና ኢትዮጵያ 120 ዓመት የቆየ ግንኙነት አላቸው ቢባልም ከደጃች ውቤ ወዳጅነት ተነስተን እንኳን ስናሰላው 120 ወደ 200 ይጠጋል፡፡

126 ሚሊዮን ዶላር ዕዳ በመሰረዝ ወዳጅነቷን ይዛ በውጪ ጉዳይ ሚኒስትሯ በኩል ልትጠይቀን የመጣችው ወዳጅ ሀገር በብዙ ክፉ ቀናችን ጎናችን የነበረች ወዳጅ ብቻ ሳይሆን እህት ሀገር ናት፡፡

አስራ ሦስት ሺ ገዳማ ሩሲያ የተማሩ ወገኖቻችንን ሳንቆጥር፣ ሌላው ቀርቶ አዲስ አበባ የሚገኘው የሩሲያ ባህል ማዕከል በኢትዮጵያ ወጣት ጸሐፍት መፈጠር የነበረውን ግዙፍ ሚና ሳናነሳ፤ የጦር ድጋፍ አጋርነቷን ሳንቆጥር የወዳጅነቷ ልብ ብቻ ከልባችን ያኖራታል፡፡

DireTube

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close