Connect with us

Ethiopia

የሩሲያ እና የአሜሪካ የውጭ ጉዳይ ሚኒስትሮቹ ጉብኝት አንደምታ

Helen

Published

on

የውጭ ጉዳይ ሚንስትሮች

የሁለቱ ሀያላን መንግስታት የውጪ ጉዳይ ሚንስትሮች የኢትዮጵያ ጉብኝት በተመሳሳይ ጊዜ፡፡ የአሜሪካ የውጭ ጉዳይ ሚኒስትር ሬክስ ቴለርሰን ትናንት አዲስ አበባ ገብተዋል፡፡ የሩሲያው አቻቸው ሰርጌ ላቭሮቭ ደግሞ የቴለረሰንን እግር ተከትለው በቀናት ልዩነት በኢትዮጵያ ይገኛሉ፡፡ የሁለቱም ሀገራት የውጪ ጉዳይ ሚንስትሮች ለምን አሁን ኢትዮጵያን መጎብኝት አስፈለጋቸው የሚለው ቀዳሚው ጥያቄ ነው፡፡ የውጪ ጉዳይ ሚንስቴር የሀገራቱ ጉብኝት ቀደም ተብሎ የተያዘ መርሀ ግብር ነው ይላል፡፡

የውጪ ጉዳይ ሚንስቴር ቃል አቀባይ አቶ መለስ አለም ይህን አስመልክተው የሚከተለውን ብለዋል፡፡ “የአሜሪካም ሆነ የሩሲያ የውጪ ጉዳይ ሚንስቴሮች ጉብኝት ከረጅም ጊዜ በፊት የተያዘ ፕሮግራም ነው፡፡ በሚንስቴር መስሪያ ቤታችን አመታዊ የስራ መዘርዝር ውስጥ የነበሩ ናቸው፡፡ እንግዳነቱ ለተመልካች እና አድማጭ ነው እንጂ ለውጪ ጉዳይ ሚንስቴር አይደለም”

ሁለቱ የውጪ ጉዳይ ሚንስትሮች ከኢትዮጵያ አስቀድመው ሌሎች የአፍሪካ ሀገራትን መጎብኝታቸው ጉብኝታቸው ወቅታዊውን የሀገሪቱን ሁኔታ በማስመልከት እንዳልሆነ መረጃ ተደርጎ ተጠቅሷል፡፡ ሚንስትሮቹ ኢትዮጵያን ሲጎበኙ ተመሳሳይም የተለያየም አጀንዳ ይዘው እንደሆነ ተነግሯል፡፡ አቶ መለስ አለም
“ሰርጌ ላቭሮቭ ወደ ኢትዮጵያ የሚመጡት በሁለቱ ሀገራት መካከል በትምህርት ፤ በባህል ፤ በሳይንስና ቴክኖሎጂ ዘርፎች ያለውን ትስስር ለማደስ ነው፡፡ እንደሚታወቀው ባለፉት ጥቂት ሳምንታት የሩሲያ እና ኢትዮጵያ 120ኛ አመት የወዳጅነት ክብረ በዕል ሲከበር ቆይቷል፡፡ የአሜሪካው የውጪ ጉዳይ ሚንስቴር ሬክስ ቴለርሰን የሚመጡት ደግሞ ንግድ እና ኢንቨስትመንትን መዕከል አድርገው ከፍተኛ ከመንግስት አመራሮች ጋር ለመምከር ነው”

ከነዚህ አጀንዳዎች በተጨማሪ በኢትዮጵያ ያለውን ወቅታዊ ሁኔታ በማስመልከት ከሀገራቱ የውጪ ጉዳይ ሚንስትሮች ጋር የምክረ ሀሳብ ልውውጥ ሊደረግ እንደሚችልም ተጠቁሟል፡፡ በሚንስትሮቹ የኢትዮጵያ ጉብኝት ላይ ፋና ቴሌቨዥን ያዘጋጀውን ዜና ትንታኔ እንድታደምጡት እንጋብዛለን፡፡

ከዚህ ጋር በተያያዘ የአሜሪካ የውጭ ጉዳይ ሚኒስትር ሬክስ ቴለርሰን ከኢትዮጵያ ከፍተኛ ባለስልጣናት ጋር ዛሬ እንደሚወያዩ ይጠበቃል፡፡ ሬክስ ቲለርሰን ከኢፌዴሪ ጠቅላይ ሚኒስትር ኃይለማሪያም ደሳለኝና ከኢፌዴሪ የውጭ ጉዳይ ሚኒስትር ዶክተር ወርቅነህ ገበየሁ ጋር በሁለትዮሽ፣ አካባቢያዊና ዓለም አቀፋዊ ጉዳዮች ዙሪያ ይመክራሉ።

በውይይታቸውም በንግድ እና ኢንቨስትመንት፣ በቀጠናው ሰላምና ደህንነት እንዲሁም በዓለም አቀፍ ፀረ ሽብር ትግል ዙሪያ ይመክራሉ ተብሎ እንደሚጠበቅ የውጭ ጉዳይ ሚኒስቴር ቃል አቀባይ ጽህፈት ቤት መረጃ ያመለክታል። ከዚህ ውይይት በኋላም ከአፍሪካ ህብረት ኮሚሽን ሊቀመንበር ሙሳ ፋቂ መሃማት ጋር በወቅታዊ የአፍሪካ የደህንነት ስጋቶች እና የምጣኔ ሀብት አማራጮች ዙሪያ ይወያያሉ ነው የተባለው። በተለይ የደቡብ ሱዳን፣ የሶማሊያ እና የቻድ ሃይቅ አካባቢ ሀገራት የፀጥታ ጉዳይ ቀዳሚ የመወያያ ነጥቦች ይሆናሉ ነው የተባለው።

ቲለርሰን የኢትዮጵያ ጉብኝታቸውን እንዳጠናቀቁ፥ በጅቡቲ፣ ኬንያ፣ ናይጄሪያ እና ቻድ ተመሳሳይ ጉብኝት የሚያደርጉ ይሆናል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close