Connect with us

Ethiopia

“ችግሮችን መፈተሽ እንጂ ወታደራዊ ሀይል መጠቀም መፍትሄ አይሆንም”

Helen

Published

on

የስራ ማቆም አድማ

“እጅግ በጣም የሚያሳዝን ነው፡፡ የሰው ልጅ ነፍስ የረከሰባት ምድር ብትኖር ኢትዮጵያ ናት፡፡ ለጥቂቶች በስልጣን መቀጠል ሲባል የሰው ልጅ ደም እንዲፈስ ማድረግ በጣም የሚያሳዝንና ካለንበት ክፍለ ዘመን የማይጠበቅ ነው፡፡ ህዝቡ እየጠየቀ ያለው የስርአት ለውጥ ነው፡፡ ገዢው መንግስት ስልጣኑን ለህዝብ ማስረከብ አለበት፡፡ የስልጣን ሽግግር ከማድረግ ባሻገር በአስቸኳይ ጊዜ አዋጅ የህዝቡን ስሜት ማፈን አይቻልም፡፡ በአዲስ አበባ ዙሪያ ሁሉም ነገር ዝግ ነው፡፡ ህዝባዊ እምቢተኝነቱ መላውን ሀገሪቱን እያጥለቀለቀ ይገኛል፡፡ ገዢው መንግስት 27 አመት ሙሉ ሲጨቁን ነው የኖረው ፤ አሁን ግን ህዝቡ አልገዛም ብሏል፡፡ አልገዛም ያለ ህዝብ ደግሞ ስልጣኑን መረከብ ይፈልጋል፡፡ ይሄ የማይሆን ከሆነ ግን ሀገሪቱ የከፋ ቀውስ ታስተናግዳች” የሰማያዊ ፓርቲ የህዝብ ግንኙነት ሀላፊ አቶ አበበ አካሉ ለአሜሪካ ድምጽ ሬዲዮ በስልክ ከሰጡት ቃለ መጠይቅ ላይ የተወሰደ

በኢትዮጵያ በመንቀሳቀስ ላይ የሚገኙ የተቃዋሚ ፓርቲ አመራሮች በሀገሪቱ የአስቸኳይ ጊዜ አዋጅ መታወጁን ይቃወማሉ፡፡ ከሚቃወሙባቸው ምክንያቶች ውስጥ አንደኛው ደግሞ አዋጁን ለማስፈጸም የተቋቋመው ኮማንድ ፖስት ለጸጥታ ሀይሎች የተለጠጠ ስልጣን መስጠቱ ዜጎች እንዲገደሉ ስለሚያደርግ ነው ይላሉ፡፡

የአረና የህዝብ ግንኙነት ሀላፊ አቶ አምዶም ገ/ስላሴ የአስቸኳይ ጊዜ አዋጁንም ሆነ ግድያውን ፓርቲያቸው እንደሚቃወመው ተናግረዋል፡፡
“ወታደራዊ ሀይል ለፖለቲካዊ ችግሮች መፍትሄ አይሆንም፡፡ በኦሮሚያ ያጋጠመው ግድያም የዚህ ውጤት ነው፡፡ ወታደራዊው ኮማንድ ፖስት ለማሰርና ለመግደል ነው የታወጀው፡፡ ሀገሪቷን ለማረጋጋትና ወደ ሰላም ለመመለስ ዋነኛው መፍትሄ መሆን የነበረበት ፖለቲካዊ ውይይት እንዲሁም የሽግግር መንግስት መቋቋም ነው፡፡ በወታደራዊ ሀይል አሁን ላይ ያለውን ችግር ለመፍታት መሞከር ሁኔታውን ማባባስ እንጂ መፍትሄ ሊያመጣ አይችልም፡፡ ይሄ ነገር በአስቸኳይ መቆም አለበት፡፡ ህብረተሰቡ ተቃውሞውን የማሰማት መብቱ ሊከበርለት ይገባል”

የካቲት 10/2010 ዓ.ም የአስቸኳይ ጊዜ አዋጁን በመግለጫቸው ይፋ ያደረጉት የመከላከያ ሚንስትሩና የኮማንድ ፖስቱ ዋና ጸሀፊ አቶ ሲራጅ ፈጌሳ የሽግግር መንግስት እንዲቋቋም እየተነሳ ስላለው ጥያቄ በጋዜጠኞች ተጠይቀው የሚከተለውን ነበር የመለሱት

“የሽግግር መንግስት እንዲቋቋም የሚፈልጉ አካላቶች ሊኖሩ ይችላሉ፡፡ ይሄ መንግስት ህገመንግስዊ ስርአትን ተከትሎ በህዝብ ምርጫ ስልጣን ላይ የወጣ መንግስት ነው፡፡ ስለዚህ በህዝብ ምርጫ የተቋቋመን መንግስት ከህዝብ ፍላጎት እና ከህገመንግስቱ ሰአራር ውጪ የሽግግር መንግስት ለማቋቋም መፈለግ ህገወጥ አካሄደው ነው”

ሌላው ፓርቲዎቹ የሚያነሱት ጥያቄ የአስቸኳይ ጊዜ አዋጁን የሚያስፈጽመው ኮማንድ ፖስት የህግ አስከባሪ አካላትና የጥበቃ ሰራተኞች የዜጎች ደህንነትን እና የኢንቨስትመንት ስራዎችን ለመጠበቅ በሚል እርምጃ እንዲወስዱ የሰጣቸው ትዕዛዝን ይመለከታል፡፡

የኦሮሞ ፌድራሊስት ኮንግረንስ በዚህ ትዕዛዝ ምክንያት በኦሮሚያ ንጹሀን ዜጎች እየተገደሉ ነው ይላል፡፡ የአሜሪካ ድምጽ በዚህ ጉዳይ ላይ የተለያዩ የፖለቲካ ፓርቲ አመራሮችን እነጋግሮ ያዘጋጀውን መሰናዶ እንድታደምጡለት እንጋብዛለን፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close