Connect with us

Education

በሀንጋሪ ትምህርታቸውን የሚከታተሉ ኢትዮጵያውያን ተቸግረናል አሉ

Helen

Published

on

በሀንጋሪ ትምህርታቸውን የሚከታተሉ ኢትዮጵያውያን

በኢትዮጵያ የከፍተኛ ትምህርት ተቋማት መምህራን በሀንጋሪ ትምህርታቸውን በመከታተል ላይ ይገኛሉ፡፡ ነጻ የትምህርት እድሉን ያገኙት ተማሪዎች በቁጥር 36 ሲሆኑ ስኮላርሺፑም በትምህርት ሚንስቴር እና በሀንጋሪ መንግስት መካከል በተፈጸመ ስምምነት የተገኝ ነው፡፡ ተማሪዎቹ የሀንጋሪ መንግስት ለወጪያችን መሸፈኛ እንዲሆን በየወሩ የሚሰጠን ገንዘብ እጅግ አንስተኛ ነው ይላሉ፡፡ በዚህ የተነሳ ትምህርታችንን በችግር ለመከታተል ተገደናል የሚሉት ተማሪዎቹ ትምህርት ሚንስቴር የገንዘብ ድጎማ እንዲያደርግላቸው በተደጋጋሚ ጥያቄ አቅርበው ምለሽ ማግኝት እንዳልቻሉ ነው የሚናገሩት፡፡

የተማሪዎቹ ተወካይ አቶ ዘላለም ሀጎስ የሀንጋሪ መንግስት ሙሉውን የትምህርት ወጪያቸው ቢሸፍንም ለምግብ እና ለሌሎች የእለት ተእለት ውጪዎች መሸፈኛ የሚያስፈልጋቸው ገንዘብ ግን ክፉኛ እንደሚያጥራቸው ነው ያስረዳው፡፡
“በኢትዮጵያ አቆጣጠር ከ2009 ዓ.ም ጀምሮ ነው ትምህርታችንን በሀንጋሪ በመከታተል ላይ የምንገኝው፡፡ ያገኝነው የትምህርት እድል ጥሩ ሁኖ ሳለ እዚህ የሀገሪቱ መንግስት የሚሰጠን ክፍያ ግን ወጪያችንን ለመሸፈን የሚበቃ አይደለም፡፡ ትምህርት ሚንስቴር አስፈላጊውን ማጣሪያ አድርጎ ተጨማሪ ገንዘብ በየወሩ እንዲሰጠን ለትምህርት ሚንስቴር እና በአቅራቢያችን ለሚገኝው የጄኔቫ ኢምባሲ ተደጋጋሚ ጥያቄ አቅርበን ነበር፡፡ ሁኖም ግን እስካሁን ምንም አይነት ምላሽ ማግኝት አልቻልንም”

የሀንጋሪ መንግስት የማስተርስ ትምህርታቸውን ለሚከታተሉት 130 ዩሮ ለፔኤች ዲ ተማሪዎች ደግሞ 450 ዩሮ በየወሩ ይከፍላል፡፡ የተማሪዎቹ ተወካዪ በተለይ ለማስተርስ ተማሪዎች የሚሰጠው ገንዘብ በጣም ዝቅተኛ መሆኑን ነው ደጋግሞ የተናተገረው፡፡ በኢፌድሪ የትምህርት ሚንስቴር የውጪ ግንኙነት እና የትምህርት እድል ጉዳይን የሚመሩት ሀላፊ አቶ ምትኩ በሬቻ ምንም እንኳን ከሀንጋሪ መንግስት ጋር የተስማማነው የተማሪዎቹን የመሄጃ እና የመመለሻ የአውሮፕላን ትኬት ውጪ ብቻ ለመሸፈን ቢሆንም ጥያቄያቸው ምክንያታዊ መሆን አለመሆኑን አጣርተን በአጭር ጊዜ ውስጥ ምላሽ እንሰጣቸዋለን ብለዋል፡፡

“ከሀንጋሪ መንግስት ጋር ስምምነት ስንፈጸም የሀንጋሪ መንግስት ትምህርቱን በነጻ ሊያስተምራቸው እና በየወሩ የመኖሪያ አበል ሊከፍላቸው ነው፡፡ የህክምና ወጪያቸውንም የሚሸፍነው እንዲሁ የሄዱበት ሀገር መንግስት ነው፡፡ እኛ ለእረፍት ሲመጡ እና ለትምህርት ሲመለሱ የአውሮፕላን ፕኬታቸውን ነው የምንችላቸው፡፡ ምንም እንኳን ስምምነታችን በዚህ መልክ ቢሆንም ጄኔቫ የሚገኝው ኢምባሲ የተማሪዎቹን ጉዳይ በቅርበት ሲከታተለው ቆይቷል፡፡ ኢምባሲው በሚያደርሰን ግብረ መልስ ላይ ተመስርተን ተገቢውን እርምጃ የምንወስድ ይሆናል” የተማሪዎቹን ቅሬታ እና የትምህርት ሚንስቴርን ምላሽ እስቲ ከዜና ምንጩ ያድምጡት፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close