Connect with us

Ethiopia

ከጂጂ “አድዋ” ዜማ ጀርባ

Helen

Published

on

ጂጂ

የጂጂ “አድዋ” የተሰኝው ሙዚቃ ከአድዋ ድል ጀርባ የተከፈለውን መስዕዋትት ጦርነቱን ተካፍለው ሰቆቃውን የተመለከቱ ያክል ስሜትን በማሳዘን ፤ በማስጨነቅ እና በማስቆጣት ያነዝራል፡፡ ሙዚቃው እንደሌሎቹ የድል ዜማዎች የደስታ እና የሽለላ መንፍስ የለውም፡፡ ድሉን ለማስገኝት እንደቅጠል የረገፉ የሀገር ባለውለታዎች በጥልቅ ጽሞና እንድናስብ ያስገድዳል፡፡ ዜማው ፤ ግጥሙ ፤ አሬንጅመንቱ እንዲሁም ጂጂ ድሉን ከዚህ ሙዚቃ ውጪ ነጥለን ማሰብ እስካንችል ድረስ በስሜት አዋህዳናለች፡፡

ሙዚቃው የሰው ልጅ ክቡርነት በማውሳት ይጀምራል፡፡ ከስር የተጻፈው አዝማች ደግሞ ተከትሎ ይመጣል፡፡

“የተሰጠኝ ህይወት ዛሬ በነጻነት
ሰው ተከፍሎበታል ከደም እና ከአጥንት
ስንት ወገን ወደቀ በነጻነት ምድር
ትናገር አድዋ ትናገር ትመስክር
ትናገር አደዋ ትናገር ሀገሬ
እንዴት እንደቆምኩኝ ከፊታችሁ ዛሬ”

ጂጂ ዛሬ ላይ በነጻነት ቀና ብለን ለመሄዳችን ስለነጻነት እና ስለሰው ልጅ በየዱር ገደሉ የፈሰሰ የንጹሀን ደም እንዳለ ታስታውሰናለች፡፡ የነጻነት አየር ስንተነፍስ የአባቶቻችንን የተከሰከሰ አጥንት ማስታወስ እና ውለታቸውን ማሰብ እንደሚገባም ታስገነዝባለች፡፡

“በኩራት በክብር በደስታ በፍቅር
በድል እኖራለሁ ይህው በቀን በቀን
ደግሞ መከራውን ያን ሁሉ ሰቀቀን
አድዋ ዛሬ ናት አድዋ ትናንት
መቼ ተነሱ እና የወዳደቁት
ምስጋና ለእነሱ ለአድዋ ጀግኖች
ለዛሬ ነጻነት ለበቁኝ ወገኖች”

ዘፈኑ ጥልቅ ነው፡፡ ስሜትን ያጎሻል፡፡ በድል ከመጨፈር እና ከመሸለል ባለፈ የሀገር ትርጉም እንዲሁም የነጻነት ዋጋን ልብ ውስጥ ያትማል፡፡ ይሄኛው ትውልድ ብዙዎች የሞቱላትን ሀገር እንዴት አክብሮ ለቀጣዩ ትውልድ ማስተላለፍ እንደሚገባው የህዝቡን ፤ የአየሩን ፤ የተራራውን ፤ የወንዙን የጫካውን ፤ የበረሀውን በጠቅላላው የኢትዮጵያን ተመን የለሽ ዋጋ ይናገራል፡፡ የጂጂ አደዋ ዘፈን ከስሜት እና ከታሪክ ያጣበቃል፡፡ ፋና ቲቪ ዘፈኑ በምን ምክንያት በዚህ ደረጃ አቅም ሊኖረው እንደቻለ ተጨማሪ ትንታኔዎችን እና ማብራሪያዎች ይዞ ቀርቧል፡፡

የአዲስ አበባ ዩኒቨርስቲ የያሬድ የሙዚቃ ትምህርት ቤት መምህርና የሙዚቃ አቀናባሪ የሆኑት አቶ ብሩክ አሰፋ እና በዲላ ዩኒቨርስቲ የሀገረሰብ ጥናት ተቋም ተመራማሪው አቶ አዲሱ ዘገየ ዘፈኑ ከሙዚቃ እና ከታሪክ አንጻር ያለውን ልዕቀት ያስረዳሉ፡፡ መልም ቆይታ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close