Connect with us

Entertainment

አጭር ቆይታ ከድምጻዊ አዲስ ጉርሜሳ (ትንሹ መሀሙድ) ጋር

Helen

Published

on

አዲስ ጉርሜሳ

ድምጻዊ አዲስ ጉርሜሳ የኢ ኤን ኤን የድምጻዊያን ህብር ተረኛ እንግዳ ነው፡፡ አዲስ የአንጋፋውን ድምጻዊ የመሀሙድ አህመድን ሙዚቃዎች መልሶ በመጫወት ተቀባይነትን ለማትረፍ በቅቷል፡፡ “ስንቅሽ ይሁን” የትዝታው ንጉስ የመሀሙድ አህመድ ተወዳጅ ሙዚቃ ሲሆን ድምጻዊውም ዜማውን በድጋሚ ሰርቶ ከህዝቡ ጋር በስፋት ተዋውቆበታል፡፡ “በልጅነቴ የተለያዩ ዘፋኞችን ሙዚቃዎች ስሰማ ነው ያደኩት” የሚለው ድምጻዊው ሙዚቀኛ ከመሆን ይልቅ ግን በልጅነቱ ይበልጥ እግር ኳስ ተጫዋች የመሆን ጉጉቱ ይይል እንደነበር ያስታውሳል፡፡

አዲሱ እያደገ ሲመጣ የሚወዳቸውን ዘፋኞች ሙዚቃ አስመስሎ መጫወት እንደጀመረና ክለብ ውስጥም ባህላዊ ሙዚቃዎችን ጨምሮ የእነ ጌታቸው ካሳ ፤ የዳዊት መለሰ ፤ የአለማየሁ እሸቴ እንዲሁም የመሀሙድ አህመድን ሙዚቃዎች በብዛት ይዘፍን እንደነበር ይስታውሳል፡፡ ከህዝብ ጋር ያገናኝው የመጀመሪያው ነጠላ ዜማው ስንቅሽ ይሁን ግጥም እና ዜማው የግርማ ምን ተስኖት ሲሆን በወቅቱም ሙዚቃውን ያቀናበረው አይቤክስ ባንድ ነበር፡፡

አዲሱ የሰው ዘፈን መልሶ መዝፈን ባለመብቶቹን ማስፈቀድ እና ይሁንታቸውን ማግኝት እስከተቻለ ድረስ ክፋት የለውም የሚል አስተሳሰብ ያለው ሲሆን ከዚህ ቀደምም የጋሽ መሀሙድን ሙዚቃዎች ስሰራ ከድምጻዊው በተጨማሪ ሌሎች ባለመብቶችን አስፈቅጄ ነው ይላል፡፡ የራሱን አዲስ አልበም ለማውጣት በዝግጅት ላይ ያለው ወጣቱ ድምጻዊ አልበም ለመስራት ያለው ሂደት ከገንዘብ ጀምሮ ብዙ ፈተናዎች ያሉበት እንደሆነም ይናገራል፡፡

ከሙዚቀኞች እነማንን ይበልጥ ታደንቃለህ የሚል ጥያቄ ቀርቦለት የነበረ ሲሆን እርሱም በተለየ መሀሙድን እንደሚወድ እና ከእርሱ ባሻገርም ጥላሁን ገሰሰ ፤ ግርማ በየነ ፤ ሚኒሊክ ወስናቸው ፤ ሙሉቀን መለሰ ፤ ኤፍሬም ታምሩ ፤ ተሸመ ምትኩ እና የቴውድሮስ ታደሰን እንደሚያደንቅ እና ስራዎቻቸውንም እንደሚያደምጥ አስታውቋል፡፡

ድምጻዊ አዲስ ጉርሜሳ በኢ ኤን ኤን ቴሌቭዥን የድምጻዊያን ህብር በተሰኝው ፕሮግራም ላይ ስለ አስተዳደጉ እና ስለ ሙዚቃ ህይወቱ የተለያዩ ቁምነገሮችን ተጨዋውቷል፡፡ ድምጻዊው ከቴሌቭዥን ጣቢያው ጋር ያደረገውን ሙሉ ቆይጣ እንድትመለከቱት እንጋብዛቹሀለን፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close