Connect with us

Entertainment

በናይሮቢ ዓለም አቀፍ የትዳር ጉባኤ እየተካሄደ ነው

Helen

Published

on

የትዳር ጉባኤ

አለም አቀፉ የትዳር ጉባኤ በኬኒያ ናይሮቢ እየተካሄደ ይገኛል፡፡ የጉባኤው ተሳታፊዎች ትዳር ውስጥ የሚፈጠሩ ችግሮችን እንዴት መፍታት እንደሚቻል በጥልቀት እየተመካከርን ነው ያሉ ሲሆን በአለም ላይ እየጨመረ የመጣውን የተፋቺ ጥንዶች ቁጥር ለመቀነስም በመትጋት ላይ ነን ብለዋል፡፡ ጉባኤው ዋነኛ አጀንዳው ያደረገው ለፍቺ ቋፍ ላይ የደረሱ ትዳሮችን እና ባለትዳሮችን መታደግ የሚል ሲሆን ጉባኤው ላይም በመቶዎች የሚቆጠሩ ሰዎች በመሳተፍ ላይ ይገኛሉ – ሲጂቲኤን ዘግቧል፡፡

የባለ ትዳሮች ፍቺ አፍሪካ ውስጥ ከመቼውም ጊዜ ላይ እየጨመረ ይገኛል፡፡ ይህ ሁኔታ ደግሞ በአውሮፓ እና አሜሪካ ይበልጥ ይከፋል፡፡ ፍቺ በተለይ ልጆች ላይ የሚፈጥረው የስነ ልቦና ቀውስ ከፍተኛ ነው፡፡ ይህን የአለማችንን ነባራዊ ሁኔታ በመፍታት እስከ ሞት የሚዘልቁ ትዳሮችን ለማብዛት መፍትሄ ሊሆኑ የሚችሉ ነጥቦች በናይሮቢው ጉባኤ እየተፈላለጉ ነው፡፡

አቶ ዳውድ ባት የጉባኤው ሊቀ መንበር ሲሆኑ አሁን ላይ በተለይም በወጣቶች ዘንድ ትዳር በቶሎ ለመመስረት ፍራቻ መኖሩን ይናገራሉ፡፡
“ሰዎች አሁንም ትዳር ይመሰርታሉ፡፡ ሁኖም በተለይ ወጣቶች እንደ ከዚህ ቀደሙ በወጣትነታቸው ማግባት እየተዉ የመጡ ይመስላሉ፡፡ ቤት ከሰራሁ እና መኪና ከገዛሁ ቡሀላ ነው ትዳር የምመሰርተው የሚሉ ወጣቶች እለት ከእለት እየበዙ ናቸው፡፡ ያሰቡትን ነገር በሙሉ ለማሳካት ሲሞክሩ እድሜ ስለሚሄድ ትዳር ውስጥ ከተገባ ቡሀላ ችግር የመፈጠር እድሉ ይጨምራል”

አለም አቀፉ የትዳር ጉባኤ ባለፈው አመት በደቡብ አፍሪካ ጁሀንስበርግ ተካሂዶ የነበረ ሲሆን በቀጣይ አመትም በናይጄሪያ እንዲካሄድ ቀጠሮ ተይዟል፡፡ ጉባኤ በኬንያ እያደረገ ባለው ምክክር ላይ ምን ምን ነገሮች እንደተነሱ ከኢትዮጲያ ብሮድካስቲንግ ኮርፖሬሽን ዘገባ ተከታተሉ፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close