Connect with us

Entertainment

የደም ካንሰር ተገኝቶባት የተፈወሰችዉ ህፃን እናት ከእሁድን በኢቢኤስ ጋር

Helen

Published

on

እሁድን በኢቢኤስ

ወ/ሮ ፍቅርተ መንገሻ የሴት ልጇ እናት ናት፡፡ እንደ አይን ብሌኗ የምትሳሳላት ልጇ ከዚህ ቀደም በደም ካንሰር ተጠቅታ ከባድ የፈተና ጊዜ አሳልፋለች፡፡ ልጇ አሁን ላይ ከበሽታው የተፈወሰች ቢሆንም በወቅቱ ግን እርሷና ቤተሰቧ መንፈሳቸው ክፉኛ ተሰብሮ ነበር፡፡ ወ/ሮ ፍቅርተ ልጇ የደም ካንሰር እንዳለባት ያወቀችው የ2 አመት ከ9 ወር ህጻን እያለች ነው፡፡ ከዚያ በፊት ግን ልጇ የምግብ ፍላጎቷ እየተሟጠጠ እና ክብደቷ እየቀነሰ ሲመጣ ምክንያቱን ለማወቅ ሆስፒታል ታመላልሳት ነበር፡፡ እናት ስትናገር ልጄ የደም ካንሰር ታማሚ እንደሆነች ከማረጋገጣችን ከጥቂት ቀናት በፊት ኪሎዋ በ15 ቀን ውስጥ ከ28 ወደ 14 ኪ.ሎ ወርዶ ነበር ትላለች፡፡

ወ/ሮ ፍቅርተ የልጅሽ ህመም “ከእኛ አቅም በላይ ስለሆነ ወደ ጥቁር አንበሳ ውሰጂያት” በተባለችው መሰረት ልጇን ይዛ ወደ ሆስፒታሉ አመራች፡፡ ሀኪሞቹ አስፈላጊውን ምርመራ ካደረጉላት ቡሀላ እንኳን አምኖ ለመቀበል ስሙን ለመጥራት እነኳን የሚያስፈራትን በሽታ (የደም ካንሰር) ልጅሽ ታማለች ሲሉ ነገሯት፡፡ ሀኪሞቹ ያወሯታል! እርሷ መሬቱ እና ጣሪያው እየዞረባት ነው፡፡ ልጇ በረጅም ህክምና ልትድን እንደምትችል ያም ቢሆን ግን መድሀኒቱ የልጇን ሰውነት በከፍተኛ ሁኔታ እንደሚጎዳ ፤ የመድሀኒቱ ተጽእኖም ጸጉሯን እና ቅንድቧን አመንምኖ እስከመምለጥ እንደሚደርስ ሲያስረዷት እራሷን ስታ ተዝለፍልፋ መሬት ወደቀች፡፡

ባለቤቷ እና ወዳጅ ዘመዶቿ እንደምንም ሊያረጋጓት ሞከሩ፡፡ የልጇን ህይወት ለማትረፍ ህክምናውን እዛው ጥቁር አንበሳ ሆስፒታል የህጻናት ካንሰር ክፍል ውስጥ አስጀመረቻት፡፡ ሀኪሞች መድሀኒት ለልጇ ያዛሉ ፤ የመድሀኒት መግዣ ወረቀቱን ይዛ በየፋርማሲው ስትንከራተት ትውላለች መድሀኒቶቹ ግን ሀገር ውስጥ የሉም፡፡ በሽታውን ለማከም ከሚታዘዙት መድሀኒቶች ውስጥ ሀገር ቤት የሚገቡት ጥቂቶቹ ብቻ ናቸው ፤ እነሱንም በብዙ ድካም ካልሆነ በቀላሉ መግኝት የማይታሰብ ነው፡፡

እናት ወ/ሮ ፍቅርተ ልጇን ለማዳን መድሀኒቱን ከውጪ እያስመጣች እንድትውጥ ማድረግ ጀመረች፡፡ በዚህ ሂደት ውስጥም ብዙ ንብረቷን ሸጠች፡፡ ልጇ ለ 1 ወር ከ 15 ቀን ያክል በህክምና ስትረዳ ከቆየች ቡሀላ ፈጣሪ ተጨምሮበት ከህመሟ ነጻ ሆነች፡፡ ወ/ሮ ፍቅርተ ልጇን ይዛ ከረጅም ጊዜ ቡሀላ ወደ ቤት ስትመለስ ሁለት የተቃረኑ ስሜቶች ተደባልቀው አስጨነቋት፡፡

በአንድ በኩል ልጇ አገግማ ወደ ቤቷ መመለስ በመቻሏ ደስ ስትሰኝ በሌላ በኩል ደግሞ ጥቁር አንበሳ ጥላቸው የመጣቻቸው በከባድ መከራ ውስጥ ያሉ ህጻናት እና ወላጆች ከአይምሮዋ አልወጣልሽ አሏት፡፡ በዚህም ከቅርብ ጓደኞቿ ጋር “ተስፋ አዲስ” የተሰኝ በካንሰር የተጠቁ ወላጆችን በገንዘብ እና በምክር የሚደግፍ ማዕከል አቋቋመች፡፡ ወ/ሮ ፍቅርተ ከኢቢኤስ ጋር ያደረገችውን አስተማሪ ቆይታ ትከታተሉት ዘንድ በአክብሮት ጋብዘናል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close