Connect with us

Ethiopia

የሶማሊያ ወረራ 40ኛ አመት ሲዘከር

Helen

Published

on

የሶማሊያ ወረራ 40ኛ አመት ሲዘከር ከባለውለታ ጀግናችን ጋር የተደረገ ቆይታ

ሀገራችን ብዙ የታሪክ ባለውለታዎች አሉዋት፡፡ ነገር ግን ዘወትር ስማቸው የሚነሳው ጥቂት ሰዎች ብቻ በመሆናቸው የብዙ ያልታወቁ የሀገር ባለውለታዎች ታሪክ ቀርቦ አላገኘንም፡፡ ለዚህ ብዙ ምክንያቶችን ማስቀመጥ ይቻላል፡፡ ዋናው ግን ባለታሪኮቹ ስለ ራሳቸው ለማውሳት አለመፈለጋቸው እንደሆነ ይገመታል፡፡

የሀገራችን ታሪክ በአብዛኛው የነገስታቱንና የጥቂት የጦር መሪዎችን ገድል የሚተርክ ነው፡፡ በድል ታሪኮቻችን ውስጥም ለሀገር ታላቅ መስዋእትነት የከፈሉ ሰዎች እያሉ ገድላቸው ግን ከአጥንታቸው ጋር ሊቀበር ችሎአል፡፡

በ1969 ሶማሊያ ሀገራችንን በወረረች ጊዜ ዳር ድንበር ለማስከበር ዋጋ የከፈሉ፤ ሕይወታቸውን የሰጡ ፤ በጦር ሜዳ ግንባር የተሰለፉ ታሪካቸው ያልተነገረ ሰዎች ብዙ ናቸው፡፡ከእነዚህ የሀገር ባለውለታዎች መካከል መቶ አለቃ በቀለ በላይ ይጠቀሳሉ፡፡መቶ አለቃ በቀለ ፤ አኩሪ የሀገር ፍቅር ስሜት ያደረባቸው ወታደር ሲሆኑ ለሀገር በሚልም ብዙ ዋጋ የከፈሉ ናቸው፡፡መቶ አለቃ በቀለ 35 አመታት ወደ ሁዋላ በመሄድ የጀግና ወሮታ በሚለው መጽሀፍ የዋሉባቸውን አውዶች አሳይተውናል፡፡

መቶ አለቃ በቀለ ከራስ ጥቅም ይልቅ ለሀገር ጥቅም ቅድሚያ የሚሰጡ ለመሆናቸው ብዙ ማስረጃዎችን መጥቀስ እንችላለን፡፡ በነሃሴ 27 1976 መቶ አለቃ በቀለ በሀረር ቤተ-መንግስት ተገኝተው ነበር፡፡ በስፍራውም የቀድሞው የሀገሪቱ ፕሬዚዳንት መንግስቱ ሀይለማሪያም ነበሩና በመቶ አለቃ ልዩ ጀግንነት ተደስተው ምን እንዲደረግልህ ትፈልጋለህ ሲሉ ጠየቁ፡፡ መቶ አለቃም እንዲህ ሲሉ መልስ መስጠት ጀመሩ፡፡‹‹ ክቡር ፕሬዚዳንት ፤ ከአብዮታዊ ሰራዊት የተለየ ምንም ነገር እንዲደረግልኝ አልፈልግም፡፡ ለሀገሬ ክብር ስል የፈጸምኩት ተግባር ልዩ ትኩረት ተሰጥቶት የጀግንነት ሜዳሊያ ተሸላሚ በመሆኔ እጅግ ደስተኛ ነኝ፡፡ ለእኔ ይህ በቂ ነው፡፡ ክቡር ፕሬዚዳንት ብለው ነበር መቶ አለቃ በቀለ፡፡

መቶ አለቃ በቀለ በጦር ሜዳ ላይ ውጊያ ከመግጠማቸው ባሻገር በሆለታ እስር ቤት ታስረው የመከራ ገፈት ቀማሽ ሆነዋል፡፡ በዚህም ውስጣቸው ያለውን መንፈሳዊ ጽናት ለማየት ችለናል፡፡መቶ አለቃ በቀለ ምንም እንኩዋን ለእናት ሀገራቸው ብዙ ዋጋ ቢከፍሉም ህይወት ግን ብዙ ምስቅልቅል ውስጥ ከታቸዋለች፡፡

ዛሬ ስራ አጥተው ሲንከራተቱ ስንመለከት ፤ ቁራሽ ዳቦ ከሌሎች እጅ ለመቀበል ሲገደዱ ፣ ስናይ ምነው መከራቸው በዛ ለማለት እንገደዳለን፡፡ እኚህ ጀግና በክፉ ቀን ያገኙዋትን የትዳር ጉዋደኛቸውን ማጣታቸው ሕይወታቸውን ጸሊም ያደርገዋል፡፡ መቶ አለቃ በቀለ ከአምቦ እስከ በለዲግ ድረስ ለሀገራቸው ተዋግተዋል አዋግተዋል፡፡

ስለ 1969ኙ የሶማሊያ ወረራ ስናነሳ ብዙ ተጋድሎዎችን ሰምተናል፡፡ አንብበናል፡፡ መቶ አለቃ በቀለ በላይ ግን ብዙ ገድል የፈጸሙና ያልተነገረ ታሪክ ያላቸው ናቸው፡፡

ይህ ታሪካቸው ለሌላው የሚጠቅም በመሆኑ ከልዩ ዘጋቢያችን ገብረመድህን ባራኪ ጋር ቆይታ አድርገዋል፡፡ ውድ የድሬ ቲዩብ ታዳሚያን ፣ከመቶ አለቃ በቀለ ጋር የተደረገውን ቆይታ ትከታተሉ ዘንድ ጋብዘናል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close