Connect with us

Ethiopia

የኢንተርኔት አገልግሎት በመገደብ ኢትዮጵያ ከዓለም 2ኛ ነች ተባለ

Helen

Published

on

የኢንተርኔት አገልግሎትን በመገደብ

ኢትዮጵያ የኢንተርኔት አገልግሎትን በመገደብ ከቻይና ቀጥሎ በአለም 2ኛ ደረጃ መያዟን “ፍሪደም ሃውስ” ያወጣው ሪፖርት ያመለከተ ሲሆን ኢትዮ ቴሌኮም በበኩሉ፤ አገልግሎቱ ተዘግቶ እንደማያውቅ በመግለፅ ሪፖርቱ ተዓማኒ አይደለም ብሏል፡፡

ከትናንት በስቲያ ይፋ የሆነው የፍሪደም ሃውስ የሃገራት የኢንተርኔትና ስልክ መገናኛ መንገዶች አጠቃቀምን ያመለካተ ሪፖርት ላይ ኢስቶኒያ እና አይስላንድ የኢንተርኔት ነፃነት የተረጋገጠባቸው ቀዳሚ ሀገራት መሆናቸው የታወቀ ሲሆን አፋኝ ናቸው ከተባሉት ውስጥ ቻይና፣ ኢትዮጵያና ሶርያ ቀዳሚውን ስፍራ ይዘዋል፡፡

የኢትዮጵያ መንግስት የመብት ጥያቄ በሚነሳባቸው አካባቢዎች በተለይም በኦሮሚያ ክልል የሞባይልና የኢንተርኔት አገልግሎት እንደሚቋረጥ የጠቆመው ሪፖርቱ ማህበራዊ ሚዲያዎችና ፖለቲካዊ ይዘቶች ያላቸው ድረ ገፆችም እንደሚዘጉ አመልክቷል፡፡

በርካቶች በኢንተርኔት አማካይነት በማህበራዊ ገፆች ላይ ሃሳባቸውን በመግለፃቸው እስር እንዳጋጠማቸው የጠቀሰው ሪፖርቱ፤ ሁለት ግለሰቦች ተከሰው እንደተፈረደባቸውም ገልጿል፡፡ ኢትዮጵያውያን የኢንተርኔት ተጠቃሚዎች ከመድረኩ ለመታቀብና ራሳቸውን ሳንሱር ለማድረግ መገደዳቸውንም ሪፖርቱ ያመለክታል፡፡

የኢንተርኔትና የሞባይል ስልክ አገልግሎት በጣም ውድ ከሆኑባቸው የዓለም ሀገራት ኢትዮጵያ አንዷ መሆናን የጠቆመው ሪፖርቱ፤ የሀገሪቱ የቴሌኮም መሰረተ ልማት ደካማ መሆኑንና በመንግስት ቁጥጥር ስር እንደሚገኝ አስታውቋል፡፡

ኢትዮ ቴሌኮም በበኩሉ፤ “ሪፖርቱ ተአማኒነት የለውም” ብሏል፡፡ ኢንተርኔት ተዘግቶ አያውቅም ያለው ኢትዮ ቴሌኮም፤ ፌስቡክና ሌሎች ማህበራዊ ሚዲዎች ተዘግተው የሚያውቁት በብሄራዊ የተማሪዎች ፈተና ወቅት ብቻ ነው በማለት ሪፖርቱ አስተባብሏል፡፡

የሀገሪቱን የቴሌኮም ይዞታንም በብቃት መገምገም የሚችለው ፍሪደም ሃውስ ሳይሆን አለማቀፉ የቴሌኮም ህብረትና አይሲቲ አፍሪካ መሆናቸውን በመጥቀስ ሪፖርቱ ተቀባይነት የለውም ብሏል-ኩባንያው፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close