Connect with us

News

ፕሬዝዳንት ዶናልድ ትራምፕ በስደተኞች ጉዳይ ላይ እያራመዱት ያለው አዲስ ፖሊሲ ስደተኞችን ፍረሀት ውስጥ ከቷል

Helen

Published

on

ዶናልድ ትራምኘ በስደተኞች ጉዳይ ላይ እያራመዱት ያለው ፖሊሲ ስደተኞችን ፍርሃት ውስጥ ከቷል

የአሜሪካው ፕሬዝዳንት ዶናልድ ትራምፕ ጥቁሮችን ፤ ሙስሊሞችንና ስደተኞችን አይወዱም ይባላሉ፡፡ ስደተኞች ላይ ሊተገብሩት እላይታች እየደከሙለት ያለው ፖሊሲም በሀገሪቱ የሚኖሩ ስደተኞችን ከወዲሁ ፍርሀት ውስጥ ከቷል፡፡ ትራምፕ “ስደተኞች ሆይ ስራቹሁ ያውጣችሁ ብቻ ሀገሪቱን ልቀቁልኝ” እያሉ መወትወት ከጀመሩ አመት አለፏቸዋል፡፡

የአሜሪካ ኮንግረንስ በሁለት ተከፍሎ እየተሟገተ ነው፡፡ ሰነድ አልባ የሆኑ ስደተኞች በሀገሪቱ መማርም ሆነ መስራት የለባቸውም ይልቁኑም ወደ ሀገራቸው ሊመለሱ ይገባል የሚሉት ሪፕብሊካኑ በተቃራኒ ጎራ ከቆሙት ዲሞክራቶቹ ጋር ተፋጠዋል፡፡ የትራምፕ አስተዳደር ስደተኞች ወደ ሀገሪቱ ጨርሰው እንዳይገቡ ካለው ጽኑ ፍላጎት የተነሳም ድንበርን በግንብ እስከማጠር የደረሰ ቁርጠኝነት ይዟል፡፡ በቅርቡ ተደርጎ በነበረው ስብሰባም ፕሬዝዳንቱ ይህን ሀሳባቸውን ኮንግረንሱ እንዲቀበላቸው የኮንግረንሱ አባላትን አጥብቀው ሲወተውቱ ተሰምተዋል፡፡

የትራምፕ አስተዳደር ሀገሪቱ በስደተኞች እየተፈተነች ስለሆነ ሻንጣቸውን አስይዘን ወደየመጡበት ልንመልሳቸው ይገባል ቢልም ብዙዎች ግን ይህ አካሄድ በአሜሪካ ውስጥ የቆዳ ቀለምንና ዘርን መሰረት በማድረግ በዜጎች መካከል ጥላቻን ይፈጥራልና ሊተገበር አይገባም ሲሉ በማውገዝ ላይ ናቸው፡፡ የአሜሪካ ስታትስቲክስ ቢሮ ያወጣው መረጃ እንደሚያመላክተው ባለፉት 5 አመታት ብቻ ከሜክሲኮ ወደ አሜሪካ የገቡት ስደተኞች ቁጥር ከእስያ ሀገራት ውደ ሀገሪቱ ከገቡት ስደተኞች ጋር እኩል ነው፡፡

ኑሯቸውን በአሜሪካ ያደረጎ በብዙ ሚሊዮን የሚቆጠሩ ስደተኞች ምናልባት የፕሬዝዳንቱ የፖሊሲ ጥያቄ በኮንግረንሱ ተቀባይነትን ካገኝ መውደቂያችን ወዴት ይሆናል በሚለው ጥያቄ አይምሯቸው እንደተወጠረ ለመገናኛ ብዙሀን እየተናገሩ ሲሆን ፖሊሲውንም ዘረኝነትን ማስፋፋት አላማው ያደረገ አደገኛ ዘረኛ ፖሊሲ ነው ብለውታል፡፡

በቅርቡ ዶናልድ ትራምፕ ከአፍሪካ የመወሰኛ ምክር ቤት አባላትና ከሌሎች ባለስልጣናት ጋር አድርገውት በነበረው ውይይት ላይ ጥቁር ስደተኞች ወደ አሜሪካ የሚገቡባቸውን የአፍሪካ ሀገራት ቆሻሻ ወይንም ውዳቂ ብለው መሳደባቸው አይዘነጋም፡፡ ወሬም በሲ ኤን ኤን ቴሌቭዥን ከተዘገበ በኋላም አለም አቀፍ መገናኛ ብዙሃን እየተቀባበሉት ሰሞነኛ አርዕስታቸው አድርገውት ቆይተዋል፡፡

ይህን ተከትሎ የቀድሞው የሃይቲ ፕሬዝዳንት ላውረንት ሌሞዝ የፕሬዝዳንቱ ንግግር በአሜሪካ ፕሬዝዳንቶች ታሪክ ታይቶ የማያውቅ ድንቁርና ክብረ ነክ ነው ሲሉት የተባበሩት መንግስታት የሰብአዊ መብት ኮሚሽንም በበኩሉ ፕሬዝዳንቱ ጥቁር ስደተኞች የሚመጡባቸውን የአፍሪካ ሀገራት ቆሻሻ ብለው መሳደባቸው አሳፋሪና አስደንጋጭ ነው ሲል አውግዟታል፡፡የአፍሪካ ህብረትም የሀጉሪቱን ህዝብ ፕሬዝዳንት ይቅርታ ሊጠይቁ ይገባል የሚል መግለጫ እውጥቶ የነበረ ሲሆን የፕሬዝዳንቱን የይቅርታ ቃል ለመስማትን የዳቮሱን የአለም የኢኮኖሚ ፎረምን ሲጠባበቅ ነበር፡፡ ፕሬዝዳንት ዶናልድ ትራምፕ ግን እስካሁን ማንንም ይቅርታ አልጠየቁምዘ፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close