Connect with us

Ethiopia

‘በእግር ኳስ ፌዴሬሽን ምርጫ የተሻልኩ እጩ እኔ ነኝ’ ዶክተር አሸብር ወልደጊዮርጊስ

Helen

Published

on

ዶክተር አሸብር ወልደጊዮርጊስ

ለኢትዮጲያ እግር ኳስ ፌድሬሽን ፕሬዝዳንትነት እየተወዳደሩ ካሉ እጩዎች መካከል አንዱ ዶክተር አሸብር ወልደጊዮርጊስ ናቸው፡፡ ዶክተሩ ከፋና ቴሌቭዥን ጋር አጠር ያለ ቆይታ አድርገው ነበር፡፡ በቆይታቸውም በኢትዮጲያ እግር ኳስ ላይ ስላላቸው ምልከታ ፤ የፌድሬሽኑ ፕሬዝዳንት ሁነው ቢመረጡ ስለሚሰሯቸው ስራዎች እና ስለተለያዩ ጉዳዮች ተናግረዋል፡፡

ዶክተር አሸብር በቅድሚያ የቀረበላቸው ጥያቄ “በእርሶ እይታ የኢትዮጲያ እግር ኳስ ላይ ያሉ መሰረታዊ ችግሮች ምንድናቸው?” የሚል ሲሆን እሳቸውም እንደሚከተለው ምላሻቸውን ሰጥተዋል፡፡
“ወጣቶች በክለብ ታቅፈው አግር ኳስ የሚሰለጥኑባቸው ፕሮጀክቶች መቋረጣቸው ትልቁ ፈተና ነው፡፡ እግር ኳሱ የሚመራበት ዘመናዊ አደረጃጀት ያለመኖሩም ሌላኛው ችግር ነው፡፡ በሀገሪቱ ያሉ ዩኒቨርስቲዎችና ኮሌጆች የእግር ኳስ የምርምር እና የጥናት ማዕከል ለማድረግ አለመቻሉም እግር ኳሱን ጎድቶታል ብዪ አምናለሁ፡፡ በእግር ኳሱ ውስጥ ላሉት አካላት በየደረጃው ስልጠናዎችን ያለመስጠት ክፍተትም በጉልህ የሚታይ ነው”

ቢመረጡ የጠቀሷቸው ችግሮችን እንዴት አድርገው ለመፍታት እንዳሰቡ የተጠየቁት የእግር ኳስ ፌድሬሽኑ እጩ ተወዳዳሪ ዶክተር አሸብር በምላሻቸው “እግር ኳሱ የሚመራበትን ዘመናዊ አደረጃጀት እና መዋቅር እፈጥራለሁ” ብለዋል፡፡

እግር ኳሱ በቀጥታ ከስፖርቱ ጋር ግንኙነት ባላቸው ሰዎች መመራት አለበት የሚሉት ደክተር አሸብር አሁን ላይ ያለውን የቀደሙ ባለሞያዎችን ያገለለ አካሄድ እንደማይቀበሉትም አስታውቀዋል፡፡ የቀድሞ ተጫዋቾች እና ዳኞች በእግር ኳሱ ውስጥ ተካታች እንዲሆኑና የድርሻቸውን እንዲያበረክቱ እተጋለሁን ነው ያሉት፡፡

ከሌሎች እጩዎች ይልቅ እኔ ልመረጥ ይገባል የሚሉበት የተለየ ምክንያት እንዳላቸው የተጠየቁት ደ/ር አሸብር

“ከማንም የተሻልኩኝ ነኝ ብዪ ነው የማምነው፡፡ የሀገሪቱን ፖለቲካ መርቻለሁ፡፡ የአፍሪካን ስፖርት መርቻለሁ፡፡ በኢትዮጲያ እግር ኳስ ውስጥ ከዚህ ቀደም 3 ዋንጫዎችን በተከታታይ ለሀገሬ ለማምጣትም ችዪ ነበር፡፡ በአለም እግር ኳስ ውስጥ 143ኛ ደረጃ የነበረችውን ኢትዮጲያን ወደ 85ኛ ደረጃ ለማምጣት ችዪም ነበር፡፡ የኔን ያክል ማን ለኢትዮጲያ እግር ኳስ ያገለገለ አለ?” ሲሉ ንግግራቸውን በጥያቄ ጨርሰዋል፡፡

ዶክተር አሸብር ከዚህ ቀደም በኢትዮጲያ እግር ኳስ ፌድሬሽን ውስጥ በፕሬዝዳንተነት ሀገራቸውን አገልግለው የነበሩ ሲሆን አሁን በድጋሚ ብመረጥም ለሀገሬ እግር ኳስ ይበልጥ እተጋለሁ ብለዋል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close