Connect with us

Business

የአሜሪካ መንግስት አዲስ የጉዞ መመርያ ሊያወጣ ነው

Published

on

የአሜሪካ መንግስት አዲስ የጉዞ መመርያ ሊያወጣ ነው

የአሜሪካ መንግስት የዜጎቹን ደህንነት ለማስጠበቅ አዲስ የጉዞ መመርያ ሊያወጣ መሆኑን ገለጠ።

በኢትዮጵያ የአሜሪካ ኤምባሲ በላከው መግለጫ እንዳመለከተው የጉዞ መመርያው የተዘጋጀው አሜሪካውያን ወደ ሌላ አገር ሲሄዱ ሊያጋጥማቸው ከሚችል ችግር ለመታደግ ነው።

የጉዞ መመርያው አለምአቀፍ ይዘት ያለውና የአሜሪካ ዜጎች በሄዱበት አገር ስላለው አጠቃላይ የደህንነት ሁኔታ በዝርዝር የሚገልጥ ይሆናል።

የጉዞ መግለጫው በአራት ደረጃዎች የተከፈለና በካርታ/ማፕ የታገዘ አጠቃላይ መረጃን የሚሰጥ የሚሰጥ መሆኑን መግለጫው ጭምሮ አትትዋል።

እንደመግለጫው ከሆነ የጎዞ መመርያው በአራት አብይ ደረጃዎችና በሰባት ንኡሳን ነጥቦች የተዋቀረ ነው።

በደረጃ አንድ ማስጠንቀቂያው በተካተቱት አገሮች ላይ የተለየ አደጋ አለመኖሩን ገልፆ ነገር ግን ዜጎቹ መደበኛ የሆነውን ጥንቃቄ እንዲያደርጉ የሚመክር ነው።

በደረጃ ሁለት ማስጠንቀቂያው ደግሞ መጠነኛ የሆነ ችግር በዚያች አገር ላይ መኖሩን ማስጠንቀቂያው በማመላከት ዜጎቹ ብርቱ የሆነ ጥንቃቄ እንዲያደርጉ ይመክራል። በንኡሳን ነጥቦች የተካተቱን ተጨማሪ ማሳሰቢያዎች እንዲመለከቱም ያሳስባል።

በደረጃ ሶስት ማስጠንቀቂያው ደግሞ ዜጎች ወደዚያ አገር ለመሄድ ያቀዱትን ጉዞ እንዲሰርዙ የሚመክር ይሆናል። በዚህ ደረጃ በተፈረጁት አገሮች ለህይወት የሚያሰጉ አደጋዎች መኖራቸውንና የአሜሪካ ኤምባሲ ለሚያጋጥሙ ችግሮች አፋጣኝ እርዳታ ማድረግ እንደማይችል በመግለፅ ዜጎቹን ጉዞአቸውን እንዲሰርዙ የሚመክር እንደሆነ መግለጫው አብራርቶአል።

በንኡሳን ነጥቦቹ መመርያው ያካተታቸው እከሎች የወንጀል ድርጊት፤ የጤና ችግር፤ የፀጥታ መታጣት፤ የሽብር ተግባር፤ የተፈጥሮ አደጋ፤ ህዝቦች በመግስት ላይ የሚያነሱአቸው ነውጦችና ተያያዥ ችግሮችን በማመላከት ዜጎች ጥንቃቄ እንዲያደርጉ የሚመክሩ ናቸው።

እያንዳንዱ አሜሪካዊ ወደሌላ አገር ለመጉዋዝ ሲያቅድ እቅዱን በተመለከተ ያገሪቱ ደህንነት መስርያ ቤት ያዘጋጀውን ፎርም በመሙላት ወደሚሄድበት አገር ስላለው ማንኛውም ሁኔታ መረጃ ማግኘት እንደሚችል መግለጫው አመልክቶአል። DireTube

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close