Connect with us

Sport

በእንግሊዝ ፕሪሚየር ሊግ የተደረጉ አምስት ያልታሰቡና አስገራሚ ዝውውሮች

Juliet Tedla Asfaw

Published

on

በእግር ኳሱ ዓለም ያልታሰቡ አምስት አስገራሚ ዝውውሮች

በመላው ዓለም ብዙ ተከታታይ ያለው፣ ከፍተኛ የሆነ ገቢ የሚያስገኝና ዳጎስ ያለ የደሞዝ ክፍያ ወጪ የሚደረገበት፣ዓለምን ወደ አንድ መንደር ማምጣት ለሚለው ቃል በትክክለኛ ፍችነት ሊቀርብ የሚችል፣በተወዳጅነቱ ተወዳዳሪ የሌለው ዓለም አቀፋዊ ስፖርት__እግር ኳስ።
ታዲያ ይህ ተውዳጅ ስፖርት በክለቦች መካከል ከሚደረግ ውድድር በተጨማሪ ተጫዋቾችን በማዘዋዋሩ ሂደትም ከፍተኛ ፉክክር ይደረግበታል።እናም ለዛሬ በእንግሊዝ ፕሪሚየር ሊግ አስደንጋጭ የሚባሉ አምስት ያልታሰቡና ያልተገመቱ ዝውውሮች እንመልከት።
1- ጆን ኦቢ ሚኬል

የማንቸስተር ዩናይትድ ደጋፊዎች ጆን ኦቢ ሚኬል መቼም ቢሆን አይረሱትም።በተጫዋቾች የዝውውር ታሪክ ትልቅ ጠለፋ የተካሄደበትና ቼልሲና ማንቸስተር ዩናይትድን ፍርድ ቤት ያጓጓተተ ጉዳይ ነበር።ሚኬል የዩናይትድን መለያ በመልበስ መግለጫ ሁሉ ሰጥቶ ነበር።ሆኖም ግን ቼልሲ ተጫዋቹን በጀርባ በማሳመን በፍርድ ቤት ትዕዛዝ ካሳ በመክፈል የግሉ ሊያደርገው ችሏል።
2- ፖል ጋስኮኝ
እንግሊዛዊው ድንቅ የቀድሞ ተጫዋች ጋስኮኝ ለማንቸስተር ዩናይትድ እንደሚፈርም ለሰር አሌክስ ፈርጉሰን ቃል ገብቶላቸው ነበር።ሆኖም ግን የሰሜን ለንደኑ ክለብ ቶትንሀም ለጋሰኮኝ ቤት በመግዛትና ለቤተሰቦቹ ብር በመስጠት በሁለት ሚሊየን ፓውንድ ሊያስፈርመው ችሏል።በወቅቱ ጉዳዩ መነጋገሪያ ሆኖ ነበር።
3- ሮቢንሆ
ብራዚላዊው በማድሪድ ቤት ብዙ የመሰለፍ ዕድል ባለማግኘቱ በርናባውን ለመልቀቅ በመወሰኑ ከቼልሲ ጋር ስሙ በሰፊው ተያይዞ ነበር።ቼልሲዎችም ሮቢንሆን እንደሚያስፈርሙት እርግጠኞች ነበሩ።ሮቢንሆ ባለበት ሆኖ ልምምዱን እንዲያደርግ ገንዘብ ወጪ እስከማድረግ ደርሰው ነበር። ሆኖም ግን ሲቲ በረብጣ ገንዘብ በማሳመን ብራዚላዊውን በእጁ ሊያስገባ ችሏል።
4- ዊሊያን
መላው የቶትንሀም ደጋፊዎችን እሰካሁን ከሚያንገበግባቸው ዝውውር ሂደት የዊሊያን ለቼልሲ መፈረም ነው። ዊሊያን ከራሽያው አንዚ ማካቻላ የህክምና ምርመራውን ለማድረግ ወደ ሰሜን ለንደኑ ክለብ አቅንቶ ነበር።ሆኖም ግን የምዕራብ ለንደኑ ክለብ በባለሀብቱ አብርሀሞቪች በመታገዝ በጓደኛው በኩል ዊሊያንን በማሳመን ብራዚላዊውን ንብረቱ ሊያደርገው ችሏል።
5- መሀመድ ሳላህ
የባሴል ተጫዋች ሳለ የሳላህ ተወካይ ወደ ሊቨርፑል በማቅናት ከቀዮቹ ጋር በግበጻዊው ዝውውር ዙሪያ መነጋገር ጀምሮ ነበር። ሆኖም ቼልሲ እንደለመደው ተጫዋቹን አፈፍ አደረገው እንጂ። ሊቨርፑል ሳላህን በዚህ አመት በማስፈርም ፍላጎቱን በበሬንዳ ሮጀርስ ጀምሮ በየርገን ክሎፕ ዘመን ሊያሳካ ችሏል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close