Connect with us

Ethiopia

ሀሰተኛ ሰነድ በማዘጋጀት ሞባይል ስልኮችን ወደ ኢትዮጵያ በማስገባት በመንግስት ላይ ጉዳት ያደረሱት ተጠርጣሪዎች በቁጥጥር ስር ዋሉ

Helen

Published

on

ተጠርጣሪዎች በቁጥጥር ስር ዋሉ

በተለያዩ ኢምባሲዎች ስም ሀሰተኛ ሰነድ በማዘጋጀት የሞባይል ስልኮችን ወደ ኢትዮጲያ አስገብተዋል ፤ በዚህም መንግስት ከቀረጥ ያገኝ የነበረውን ከፍተኛ ገንዘብ አሳጥተዋል የተባሉ ተጠርጣሪዎች በቁጥጥ ስር ዋሉ፡፡ ከተጠርጣሪዎቹ መካከል አንደኛው የብሔራዊ ደህንነት እና የመረጃ ባለሞያ መሆኑ ተረጋግጧል፡፡

በኢምባሲዎች ስም ሀሰተኛ ሰነድ እያዘጋጁ የሙባይል ስልኮችን ያለቀረጥ ወደ ኢትዮጲያ ሲያስገቡ ነበር ተብለው በቁጥጥር ስር የዋሉት ግለሰቦች ብዛት 5 ነው፡፡ እነሱም የብሄራዊ የመረጃ እና ደህንነት ሰራተኛ የሆነው አቶ ጌታቸው ዋለልኝ ፤ ከአንድ በላይ ሀሰተኛ ስሞችን ተጠቅሞ ወንጀል ሲፈጽም ቆይቷል የተባለው ኑር ሁሴን ፤ ፍስሀ ጸጋዪ ፤ ሙልጌታ ተመስገን እና ብሩክ የተባሉ ግለሰቦች ናቸው፡፡

ተጠርጣሪዎቹ ወንጀሉን ከ 2008 ዓ.ም ጀምሮ ሲፈጽሙ ቆይተዋል የተባለ ሲሆን በሀሰተኛ ሰነድ ህገወጥ የወንጀል ድርጊቱ የተፈጸመባቸው ኢምባሲዎችም የመን ፤ ታንዛኒያ አንጎላ እና ኡጋንዳ እንደሆኑ የፌድራል ፖሊስ የወንጀል ምርመራ ቢሮ የሙስና ወንጀሎች ዳይክቶሬት ፤ በመንግስት ላይ የሚፈጸሙ የሙስና ወንጀሎች የምርመራ ዲቪዥን አስታውቋል፡፡ የዲቪዥኑ ሀላፊ አቶ አምላኬ ሰማኝ ወንጀሉ ላይ ሊደርሱ የቻሉት የየመን ኢምባሲ “በስሜ በተዘጋጀ ሰነድ እቃዎች ያለአግባብ ወደ ኢትዮጲያ ገብተዋል” ብሎ በሰጠው ጥቆማ መሰረት እንደሆነ ለኢቢሲ ተናግረዋል፡፡

አቶ አምላኬ ሰማኝ ወንጀሎቹ ላለፉት ሁለት አመታት ሲፈጸሙ ለመቆየታቸው የብሔራዊ ደህንነት እና መረጃ ባለሞያው የአቶ ጌታቸው ዋለልኝ ሚና ከፍተኛ ነበር ያሉ ሲሆን የምርመራ ቡድኑ ባሁኑ ጊዜ በቁጥጥር ስር ያዋላቸው ተጠርጣሪዎችም በከፍተኛው ፍ/ቤት ቀርበው የፍርድ ሂደታቸውን እየተከታተሉ ነው ብለዋል፡፡ እስካሁን ባለው የምርመራ ሂደትም ተጠርጣሪዎቹ ወንጀሉን ስለመፈጸማቸው ማመናቸው ነው ያስታወቁት፡፡

ከውጪ ሀገር የትኛውም ዕቃ ወደ ኢትዮጲ ሲገባ ህጋዊነቱን በማረጋገጥ ረገድ ሀላፊነት ያለባቸው ተቋማት እንዴት ተናበው ይሄንን ክፍተት ማግኝት ተሳናቸው?፡፡ የገቢዎች እና ጉሙሩክ ባለስልጣን በየአቅጣጫው ያስቀመጣቸው ተቆጣጣሪዎችስ ዛሬ በምርመራ ቡድኑ የተረጋገጠውን ሀሰተኛ ሰነድ እንዴትስ መጠርጠር አአቃታቸው የሚለው ሊመለስ የሚገባው ጥያቄ ነው፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close