Connect with us

Ethiopia

በኢትዮጵያ የሚስተዋሉ ችግሮችን ለመፍታት ለህዝቡ ጥያቄ ምላሽ የሚሰጡ አመራሮችን በስፋት ማፍራት እንደሚያስፈልግ ምሁራን ተናገሩ

Helen

Published

on

በኢትዮጵያ የሚስተዋሉ ችግሮችን ለመፍታት

“አመራርነት ማለት ሀላፊነትን ከነሙሉ ተጠያቂነት የመቀበል ችሎታ ነው እንጂ የወንበር ሙቀት ወይንም የወንበር ውበት አይደልም” ይህን ያሉት የአመራር ሳይንስ ምሁር እና ጸሀፊ የሆኑት አቶ ምህረቱ ሻንቆ ናቸው፡፡ አቶ ምህረቱ አያይዘወም በኢትዮጲያ የሚስተዋሉ ችግሮችን ከስር መሰረታቸው ለመፍታት ሀላፊነት እና ተጠያቂነት ተሰምቷቸው ለህዝቡ ፈጣን ምላሽ የሚሰጡ አመራሮች መኖር አለባቸው” ብለዋል፡፡

የአመራርነት ወይንም የሊደርሺፕ ሳይንስ ምሁራን የጥሩ አመራር ክህሎቶች ብለው የሚጠቅሷቸው አስር ጽንሰ ሀሳቦች አሉ፡፡ ከእነዚህም መካከል ለስራ ተገቢውን ትኩረት መስጠት ፤ ስራን በቀናነት እና በታማኝነት ማከናወን እና ለጥያቄዎች ፈጣን ምላሽ መስጠት የሚሉት ዋና ዋናዎቹ ናቸው፡፡ እነዚህ ጽንሰ ሀሳቦች ወደ ህዝብ አመራር ወይንም ፐብሊክ ሊደርሺፕ ሲመጡ ደግሞ ተጠያቂነትን እና ሀላፊነትን እንዲሁም ተለዋዋጭ የሆነውን የህዝብ ፍላጎት ማርካት የሚሉት ነጥቦች ይጨመርባቸዋል፡፡

በኢትዮጲያ ከአመራርነት ጋር የተያያዙ ችግሮች በሰፊው መኖራቸው ይታወቃል፡፡ በተለይ ከቅርብ ጊዜ ወዲህ በሀገሪቷ ጎልተው ለታዩት ቀውሶች ዋነኛው ምክንያቱ የአመራርነት ችግር ነው ብሎ መውሰድ ይቻላል፡፡ መንግስት ከተወሰኑ ቀናት በፊትም ለተፈጠረው ቀውስ ዋነኛው ተጠያቂ እኔው እራሴ ነኝ ማለቱም ለዚሁ ነው፡፡

“በኢትዮጲያ የሚስተዋሉ ችግሮችን ከስር መሰረታቸው ለማድረቅ ከተፈለገ ህዝቡ ከአመራሩ የሚፈልገውን አገልግሎት በአግባቡ ማግኝት አለበት ፤ አመራሩም የህዝቡን እርካታ ማረገገጥ ይኖርበታል” የሚሉት የአመራር ሳይንስ ሙሁሩ አቶ ምህረቱ ሻንቆ በሀገራችን አብዛኛው አመራር “ሀላፊነት እና ተጠያቂነትን በሳይንስ ደረጃ ካልሆነ በስተቀር በተግባር አያውቀውም” ባይ ናቸው፡፡ ሲቀጥሉም “ እዚህ ሀገር መሪነት እንደመታደል ነው የሚቆጠረው፡፡ መሪነት ግን ሸክም ነው” ብለዋል፡፡

ከዚሁ ጎን ለጎንም ህበረተሰቡ መሪ ማለት የህዝቡን እያንዳንዱን ችግር የሚፈታ አካል አድርጎ መቁጠር የለበትም የሚሉት አቶ ምህረቱ ስለ መሪ ሚና ከለይ ከተጠቀሱት ነጥቦች በተጨማሪ የሚከተለውንም አንስተዋል፡፡
“መሪ ማለት ሙሉ ለሙሉ የህዝቡን ችግር የሚፈታ ማለት አይደለም፡፡ መሪ ማለት ህዝቡ የራሱን ችግር እንዲገፈታ መንገድ የሚያሳይ ነው፡፡ መሪ ሁልጊዜ መንገድ የማሳየት ብቃት ሊኖረው ይገባዋል” ሲሉ ተናግረዋል፡፡

መቶ ሚሊዮን ህዝብ እና የረጅም አመታት ታሪክ ያላት ኢትዮጲያ የህዝቡን ሁሉን አቀፍ ጥያቄዎች መመለስ የሚችሉ መሪዎች ያስፈልጓታል፡፡ በአመራር ክህሎት የተሻለ አቅም ያላቸው ወጣቶችም እድል ሊሰጣቸው ይገባል፡፡

Trending