Connect with us

Video

ትራምፕ እየሩሳሌምን የእስራኤል ዋና ከተማ አድርገው መወሰን ተከትሎ የተነሳው ውዝግብ

Published

on

Donald Trump

የአሜሪካው ፕሬዜዳንት ዶናልድ ትራምፕ አወዛጋቢው የኢየሩሳሌምን ከተማ የእስራኤል ዋና ከተማ አድርገው አጽድቀዋል። ይህም ውሳኔያቸው አለም አቀፍ ተቃውሞም ድጋፍም እያገኘ ነው።

ለአመታት በርካታ ሀገራትን እያወዛገበ ያለው የታሪካዊው እና የሃይማኖታዊው የኢየሩሳሌም ከተማን በተመለከተ ፕሬዜዳንት ትራምፕ በሰጡት መግለጫ አሜሪካ ኤምባሲዋን ከቴላቪቭ ከተማ ወደ ኢየሩሳለም እንደምታዘዋውር ገልጸዋል መንግስታቸውም ሁለቱ ሃገራት ማለትም እስራኤል እና ፊሊስጤም ልዩነታቸውን በሰለጠነ መንገድ መፍታት ይገባቸዋል ሲሉም ጥሪ አቅርበዋል።

ፕሬዜዳንቱ ኢየሩሳሌምን የእስራኤል ዋና ከተማ ማድረጋቸው በአካባቢው ያሉ ሃገራትን ሲጋት ላይ ከቷቸዋል። የሰላም አየር የማይታይበት የመካከለኛው ምስራቅ ወገኖችም ይህ ውሳኔ በእሳት ላይ ነዳጅ ማርከፍከፍ ነው ሲሉ ተሰምተዋል።

በአካባቢው የሚገኙ ቱርክን የመሳሰሉ የአረብ ሀገራት ትራምፕ በዚህ ውሳኔያቸው ከቀጠሉ ከሃገራቸው ጋር ያላቸውን ዲፕሎማሲያዊ ግንኙነታቸውን እንደሚያቋርጡ በመዛት ላይ ናቸው።
ግብጻዊው የሃይማኖት መሪ ኢማም ሼክ አህመድ አል-ታይብም ውሳኔው ሙስሊሞችን ያስቆጣና ሰላምን የሚያደፈርስ ብለውታል። ፊሊስጠማውያንም በበኩላቸው ወደጋዛ ከተማ ጎዳናዎች ወጥተው ተቃውሟቸውን አሰምተዋል። የኢስራኤሉ ጠቅላይ ሚኒስቴር ቤንጃሚን ናተይናሁ በበኩላቸው ‘አስከ አሁን ማንም ሃገር አይሁዶችን፣ሙስሊሞችን እና ክርስቲያኖችን ያስቆጣል በሚል ፍራቻ ኤምባሲውን በኢየሩሳሌም ከተማ የቆረቆረ የለም ይህ ታሪካዊ ውሳኔ ነው’ ብለዋል።

ዶናልድ ትራምፕም በመግለጫቸው እኔ “ወደ ዋይት ሀውስ ስመጣ ዓለምን የሚያጋጥሙ ፈተናዎችን በተከፈቱ ዓይኖች እና በአዲስ አስተሳሰብ ለመመልከት ቃል ገብቼ ነበር። አንድ ዓይነት የተሳሳቱ ግምቶችን በመፍጠር እና ያለፈውን ተመሳሳይ ስልቶች በመደጋገም ችግራችንን መፍታት አንችልም። ሁሉም ፈተናዎች አዲስ አቀራረብ ይፈልጋሉ የዛሬው የእኔ መግለጫ በእስራኤል እና በፍሊስጤማውያን መካከል ያለውን አለመግባብት ለመፍታት አዲስ የአቀራረብን ስልትን የተከተለ ነው።

READ  ሄኖክ አበበ "እማ እናቴ" አዲስ የሙዚቃ ቪዲዮ

በ1995 በተካሄደው ኮንግረስ ስብሰባ ላይ የአሜሪካን ኤምባሲ ወደ ኢየሩሳሌም ለማዘዋወርና የእስራኤል ዋና ከተማ መሆኗን እንዲገነዘቡ ዩናይትድ ስቴትስ አፅንኦት ሰጥቶ ነበር። ሆኖም ላለፉት 20 ዓመታት ማንኛውም የአሜሪካ ፕሬዚዳንት የአሜሪካን ኤምባሲ ወደ ኢየሩሳሌም ለማዛወር ወይም ኢየሩሳሌም ዋና ከተማ መሆኗን ተግባር ላይ ማዋል አልቻሉም ነበር። አሁንግን ኢየሩሳሌምን እንደ ዋና ከተማ በይፋ እውቅና ለመስጠት ጊዜው እንደሆነ ይሰማኛል ይህ ውሳኔ ለዩናይትድ እስቴት ኦፍ አሜሪካ ጥቅም እንዲሁም ለሁለምቱ ሀገራት ማለትም በእስራኤል እና በፍልስጤም መካከል ሰላም ማስፈኛ መንገድ ነው” ሲሉ መናገራቸው የብዙ መገናኛ ዘዴዎች ሸፋን ሆኖ መቆየቱን ህብር ሬዲዮ ዘግቦታል።

Trending