Connect with us

Ethiopia

ታዋቂ የቴሌቪዥን ጣቢያዎች አደጋ ላይ ናቸው

Published

on

ታዋቂ የቴሌቪዥን ጣቢያዎች

ፈቃድ ሳያወጡ በሳተላይት አማካይነት በሀገር ውስጥ ቋንቋ ፕሮግራማቸውን በሚያሰራጩ አራት የቴሌቪዥን ጣቢያዎች ላይ እርምጃ ለመውሰድ የህዝብንና የፓርላማውን እገዛ እንደሚፈልግ የብሮድ ካስት ባለሥልጣን ተናገረ፡፡

ቃና፣ ኢቢኤስ፣ ኤልቲቪና ናሁ የቴሌቪዥን ጣቢያዎች ፈቃድ ተሰጥቷቸው ስርጭታቸውን የጀመሩት በውጭ ሀገር የተቋቋሙና በተቋቋሙበት ሀገርም ፈቃድ ያላቸው ናቸው በሚል ኃሣብ እንደነበርም ባለሥልጣን መሥሪያ ቤቱ ተናግሯል፡፡

ባደረኩት ማጣራት ግን አራቱም የቴሌቪዥን ጣቢያዎች የሚሰሩትም ሆነ ገቢ የሚያገኙት በኢትዮጵያ መሆኑን ደርሼበታለሁ ብሏል፡፡

ኢትዮጵያ ውስጥ በኢትዮጵያውያን ቋንቋ የሚሰራጭ የቴሌቪዥን ጣቢያ የውጭ ሀገር ዜጋና ትውልደ ኢትዮጵያዊ በባለቤትነት ሊያስተዳድረው እንደማይችል የብሮድካስት አዋጅ ይደነግጋል፡፡

የአራቱ የቴሌቪዥን ጣቢያ ባለቤቶች ግን ትውልደ ኢትዮጵያዊና የውጭ ሀገር ዜጎች እንደሚገኙባቸው አውቄያለሁ ብሏል ባለሥልጣን መሥሪያ ቤቱ፡፡

ወሬውን የሰማነው የባህል ቱሪዝምና መገናኛ ብዙሃን ጉዳዮች ቋሚ ኮሚቴ የባለሥልጣን መሥሪያ ቤቱን የ2010 በጀት ዓመት እቅድ ላይ ከመሥሪያ ቤቱ የሥራ ኃላፊዎች ጋር ሲመክር ነው፡፡

የባለሥልጣን መሥሪያ ቤቱ ዋና ዳይሬክተር አቶ ዘርአይ አስገዶም እንዳሉት ካለፈው ዓመት ጀምሮ ቃና፣ ኢቢኤስ፣ ኤል ቲቪና ናሁ የተሰኙ የቴሌቪዥን ጣቢያዎች ሕጋዊ ፈቃድ እንዲያወጡ እያነጋገርናቸው ነው ብለዋል፡፡

ፈቃዱን ለመስጠትም ከመካከላቸው በውጭ ሀገር ዜጋና በትውልደ ኢትዮጵያዊ በባለቤትነት የሚተዳደሩትም ባለቤትነቱን ለኢትዮጵያዊ እንዲያስተላልፉ ስንጠይቃቸው ቆይተናል ያሉት አቶ ዘርአይ እስካሁን ግን ተግባራዊ አላደረጉም ብለዋል፡፡

የቴሌቭዥን ጣቢያዎቹ ፈቃድ የማያወጡ ከሆነ ሕጉ በሚፈቅደው መልኩ እርምጃ እንወስዳለን፤ ለዚህም የህዝብንና የፓርላማውን ድጋፍ እንፈልጋለን ብለዋል፡፡

ቋሚ ኮሚቴው ባለሥልጣን መሥሪያ ቤቱ በ2010 ሩብ ዓመት የከወናቸው ሥራዎች ላይም ከሥራ ኃላፊዎቹ ጋር ውይይት እያደረገ ነው፡፡

READ  የ40/60 የጋራ መኖሪያ ቤቶች ዕጣ መቼ እንደሚወጣ አይታወቅም

(ትዕግስት ዘሪሁን) SHEGER

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close