Connect with us

Africa

ይድረስ ለክቡር ጠቅላይ ሚኒስትር የላሊበላን ጉዳይ ፈጥነው ውሳኔ ይስጡበት

Published

on

ይድረስ ለክቡር ጠቅላይ ሚኒስትር የላሊበላን ጉዳይ ፈጥነው ውሳኔ ይስጡበት

ይድረስ ለክቡር ጠቅላይ ሚኒስትር የላሊበላን ጉዳይ ፈጥነው ውሳኔ ይስጡበት፡፡

በሄኖክ ስዩም /ተጓዡ ጋዜጠኛ/

ክቡር ጠቅላይ ሚኒስትር ያለ ዛሬም አስቸግሬዎት አላውቅ፤ ደጅ ጥናት ይህንን ጦማር እንድጽፍ ያነሳሳኝ አርባ ስድሳ ቤት አምሮቴ አሊያም የልማት ቦታ የሊዝ ዋጋ መናር አይደለም፡፡ የላሊበላ መካነ ቅርስ ጉዳይ ነው፡፡ ብዙ ፈተና ውስጥ እንደሆነ ይገባኛል፡፡ ይሄኛው ግን ብዙ መሪ እያለፈ እዚህ ያደረሰው ፈተና በመሆኑ ልዮ ትኩረት ይስጡት፡፡

የላሊበላን መካነ ቅርስ ወቅታዊ ሁኔታ በተመለከተ ስጋት ተስምቶናል፡፡ ዓለምን ሲያፈዝ የኖረው ቅርስ ከእኛ ዛሬ ጋር እየተነጻጸረ አልሰሩትም ተብለን ስንታማ ኖረናል፡፡ አሁን ደግሞ አፈረሱት ልንባል ነው፡፡

ዓለም እንዳይስቅብን ብቻ ሳይሆን በምንም ነገር ልንክሰው የማንችለውን ጥፋት በራሳችን ላይ እንዳንፈጥም የእርስዎ ፈጣን ውሳኔ የግድ ይላል፡፡

ሊቃውንቱ በላሊበላ መካነ ቅርስ ህልውና ላይ የምርምራቸውን ግኝት ይፋ አድርገዋል፡፡ ቅርሱ አደጋ ውስጥ መሆኑን ገልጸው ቅዱስ ፓትረያሪኩም መንግስት የበኩሉን እንዲወጣ ደብዳቤ ለእርስዎ መጻፋቸውን ሰምተናል፡፡

ይሄንን ጉዳይ እንደ ሌላው ችላ እንዳይሉት፣ ወረፋ እንዳይጠብቅ፣ ኮሚቴ ላጥናው ብሎ የፍራሹን መርዶ እንዳይሰሙ ፈጥነው ይወስኑ ዘንድ እማጠንዎታለሁ፡፡

የላሊበላ መካነ ቅርስ ጠንካራ አያቶች ሰሩት ጎበዝ አባቶች አሻገሩት ሰነፍ ትውልድ አደጋ ላይ ጣለው ሲባል የዚህ ትውልድ መሪ እንደመሆንዎ መጠን ከወቀሳ አይድኑምና ነገ ዛሬ ማለት ኢትዮጵያን እንዴት የሀገር ኋላ እንዳደረጋት ከታሪክ ስለ ተማርን ነገ ዛሬ አይበሉ፡፡ ቅርሱን የመታደጊያው ጊዜ ዛሬ ሳይሆን አሁን ነው፡፡

እያንዳንዷ ቅጽበት እያንዳንዷን ደቂቃ ባሰብነው ቁጥር ደስታ ውስን ከሚከተን ታላቅ ቅርስ ጋር ልታለያየን ትችላለች፡፡ በዚሁ አጋጣሚ ስለሌላው ክፉም ደግም አልናገርም፡፡

READ  ደብዛው ጠፍቶ የሰነበተው እና በእስር ላይ የሚገኘው ጋዜጠኛ ተመስገን ደሳለኝ በዝዋይ ማረሚያ ቤት እንዳገኙት ቤተሰቦቹ አስታወቁ

የሀገሬ ቅርሶች ጉዳይ ላይ ግን የእርስዎ አስተዳደር ችላ ባይ መስሎ ተሰምቶኛል፡፡ ይህው የአክሱም ሐውልት በቆመበት እንደታሰረ መቼ እንደሚፈታ የሚነግረን አጥተን አለን፡፡

የላሊበላ ቅርስ ጉዳይ የመልካምነትዎን ፍቃድ እንዲያገኝ ውሳኔዎን እየጠበቅን ነው፡፡ በምግብ ራሱን የቻለ ህዝብ ብቻ ሳይሆን ቅርሱን የሚጠብቅ ብሔራዊ ኩራት የሚሰማው ህዝብ ለመፍጠር መስራትም ይጠበቅብዎታል፡፡

ይህ ቅርስ ታሪኩ በዐፄ ላሊበላ ዘመን ተሰራ፤ በአቶ ኃይለ ማርያም ደሳለኝ ዘመን ፈረሰ እንዳይባል ልመናዬን ከማሳሰቢያ ጋር አቅርቤልዎታለሁ፡፡

ስለ መልካም ውሳኔዎ እና ፈጣኑ እርምጃዎ በመተማመን ከወዲሁ አክብሮቴን ገልጫለሁ፡፡ DireTube

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close