Connect with us

Ethiopia

ለኢትዮጵያ እግር ኳስ-የቂም ቦል ፌዴሬሽን እናቋቁም ይሆን?

Published

on

ለኢትዮጵያ እግር ኳስ-የቂም ቦል ፌዴሬሽን እናቋቁም ይሆን?

ለኢትዮጵያ እግር ኳስ-የቂም ቦል ፌዴሬሽን እናቋቁም ይሆን? የፌዴሬሽኑ አመራር በሃይላንድ ደጋፊው ደግሞ በድንጋይ የሚወራወርበት ስፖርት፤ ዘንድሮ ፕሪምየር ሊጉን የሚበላው ብዙ ፎርፌ የሚሰጠው ክለብ ይመስለኛል፡፡ | ስናፍቅሽ አዲስ በድሬ ቲዩብ

ኢትዮጵያ ባለፉት ሃምሳ አመታት ለእግር ኳስ የመደበችውን በጀት ታሪክ ጽፋበት ቢሆን ይሄኔ አንዳችን ለአንዳችን ምን ማለት እንደሆነን ገብቶን በየምክንያቱ የጠብ አምባጓሮ በኢትዮጵያ ምድር ባልነገሰ፡፡

ትናንት ወልዲያ አበሳዋን አየች፡፡ ነጻና ሐቀኛ ፌዴሬሽን ስለሌለን ችግሩ በምን ምክንያት እንደተፈጠረ እውነት እንሰማለን ብዬ አላስብም፡፡ የተበደለው እየተቀጣ በመጣባት ሀገር በየጊዜው የሚብስ ችግር እያየን ነው፡፡

መቐለ ከወልዲያ የሚያደርጉትን ጨዋታ ሊደግፉ የመጡት የመቐለ ከነማ ደጋፊዎች እና የወልዲያ ደጋፊዎች ተጋጭተው ጨዋታው ተሰረዘ ተባለ፡፡ ችግሩ ጨዋታ ከመሰረዝ ያለፈ ጉዳት ያደረሰ ነው፡፡ ይህ ዓይነቱ ፈተና ተደጋግሟል፡፡

የፖለቲካው ትኩሳት ከእግር ኳሱ ሜዳ መውጣት ይችላል ወይስ አይችልም የሚለው ራሱ ብዙ ጥናት የሚፈልግ ጉዳይ ነው፡፡

ጥላቻ ካለ እንኳን እግር ኳስ በሚያክል ጉሮሮ እስኪደርቅ በሚያጯጩህ ጉዳይ በለሆሳስ የአርምሞ ጸሎትም ግጭት አይቀርም፡፡

ችግሩ ከእግር ኳሳችን ምን አተረፍን ነው? ሊደግፍ የሄደ ደጋፊ በፕላስተር ታሽጎ መምጣት አሁን የማሸነፍና የመሸነፍ ያህል የሚጠበቅ ጉዳይ ሆኗል፡፡

እግር ኳስን አስታኮ የብሔር ጥላቻ፣ ብሔር ተኮር ስድብና በመጨረሻም ጠብ የተለመደ በሆነበት እግር ኳሳችን በጎሳ ፍዳዋን የምታይ ሱማሌያ እንኳን በሜዳው ማሸነፍ አበሳ የሚሆንበት ብሔራዊ ቡድን ከመፍጠር ውጪ ያገኘነው ጥቅም ምንድን ነው፡፡

ስፖርት ለወዳጅነት ብለን የዘፈንለት የልጅነት ዜማ ዛሬ በጦር ሜዳ የትግል ሙዚቃዎች ታጅቦ የማን አባት ገደል ገባ አይነት ምክንያት እየፈለገ ነው፡፡

READ  መረጃ አዘል ጥያቄ | በማህበራዊ ሚድያ የዘር ፓለቲካን የሚያራግቡ ግለሰቦች

በእግር ኳሳችን የአንድ ብሔር የባይነት ይኑር አይኑር የማውቀው ነገር የለም፡፡ እኔ እግር ኳሳችን ከጥቅሙ ጉዳት ያመዝናል ከሚሉት ወገን ነኝ፡፡ ግርግር በተነሳ ቁጥር ጨዋታ ይሰረዛል፡፡ ፎርፌ ይሰጣል፡፡ አሊያም አይኑ ሳይርገበገብ አፍጥጦ የሚጠብቅ ወታደር መሳሪያውን ደቅኖ በሚደረግ ጨዋታ ሰላማዊው የዓለማችን የስፖርት አይነት በኢትዮጵያ አፈር ይበላል፡፡

ዘንድሮ ፕሪምየር ሊጉን የሚበላው ብዙ ፎርፌ የሚሰጠው ክለብ ይመስለኛል፡፡ እናም ግርግሩን የሚያስወግድ ፌዴሬሽን የለንምና አንዳች ተስፋ አላደርግም፡፡

የፌዴሬሽኑን አመራሮች ጠብና ውርወራ ላይ ናቸው ሲባል ሰምተናል፡፡ መንግስት የተሸነቆረውን ቀዳዳ ሳይደፍን ሌላ ጉድጓድ የሚምስ ችግር በእግር ኳሱ መጥቶበታል፡፡ ዝም ካለ ወደ ጉድጓዱ መግባታችን ነው፡፡ DireTube

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close