Connect with us

Ethiopia

የደራሼ ወረዳ የህዝብ ብሶትና ችግሩን ለመፍታት የታየው ጭላንጭል

Published

on

ደራሼ ወረዳ የህዝብ ብሶትና ችግሩን ለመፍታት የታየው ጭላንጭል

ደኢህዴን እንዲህ ያለውን ስውር ፈንጂ ማምከን ይኖርበታል፡፡ ሦስት ወራት ምንም አይነት እርድ ማድረግ እንዳይቻል ያደረገው እና ኢትዮጵያውያን አርደው እንዳይበሉ የወሰነው ኢ-ሕገ መንግስታዊ ውሳኔ ተነስቷል፡፡ | ስናፍቅሽ አዲስ በድሬቲዩብ

በቅርቡ ስለ ደራሼ ወረዳ አስደንጋጭ ክስተቶች ጽፌላችሁ ነበር፡፡ ኦርቶዶክሳውያን ቄራቸው ፈርሶ፤ አርደው መብላት ተከልክለው፣ በኢትዮጵያ በግና ፍየል ሳይቀር ቤት ውስጥ ማረድ የከለከለች ብቸኛዋ የወረዳ ዋና ከተማ ጊዶሌ ሆና ብዙ ሲያነጋግረን ሰንብቷል፡፡

ጉዳይ የብሔርም፣ የእምነት ግጭትም አይደለም፡፡ ሕገ መንግስቱ ምን እንደሚል የማያውቁ ሹማምንት የወረዳውን መሬት የግል ርስታቸው አድርገው ሕዝብ ስጋ እንዳይበላ እስከመወሰን፤ በግ ያረደ እስከ ማሰር የደረሱበት እጅግ አስገራሚ አምባገነናዊ ውሳኔ ነበር፡፡

በሰገን አካባቢ ሕዝቦች ዞን ስር የምትገኘው ደራሼ በዞኑ ያለው አለመረጋጋት እንዲህ ላሉ ከድርጅታቸው መስመር ለሚቃረኑ ካድሬዎች መፈንጫ በመሆኗ የዜጎች መብት ተገፏል፡፡

ጉዳዮን ለማጣራት የአምንስቲ ተወካዮች ሰው ልከዋል የሚለው ከተደመጠ በኋላና በተለያየ አግባብ ነገሩ እንዲሰማ ከሆነ በኋላ ሰሞኑን መፍትሔ የሚመስል ምልክት ታይቷል፡፡

ህዝቡና የወረዳው አስተዳደር ተወያይተው ኦርቶዶክሳውያን እርድ አርደው ስጋ መብላት እንዲችሉ ቄራ የሚሰሩበት ቦታ ተሰጥቷቸዋል፡፡

ሦስት ወራት ስጋ መብላት ወንጀል ሆኖ ለበሬ ቁጥጥር የወጣ ህግ አዲስ አበባ የአፍሪካ ሕብረት መዲናዋ እንኳን ቤት ውስጥ በግ ማረድ ባልከለከለችበት ሁኔታ የደራሼ ወረዳ ዋና ከተማ ማዘጋጃ ቤት በግና ፍየል ያረደን ወንጀለኛ ነው ብሎ ዘጠና ቀናት የፈጠረው የህግ ጥሰት ዝም ሊባል አይገባም፡፡

የትም የፖለቲካ ሹመኞች ሕዝብን ሊበድሉ ይችሉ ይሆናል፡፡ በደራሼ ያየነው ግን አጸያፊ ተግባር ነው፡፡ ወረዳው ራሱን ገምግሞ ችግሩን የፈጠሩ ወንጀለኞችን ለህግ ማቅረብ አለበት፡፡

ደኢህዴንም ቢሆን ቢያንስ ይቺን ችግር አደብ ሊያስገዛ ይገባል፡፡ በደቡብ የትም ቦታ ይሄ አይነት ውሳኔ ተወስኖ አያውቅም፡፡ ይህን አይነት ችግርም አልታየም፡፡ መፍትሔ መስጠቱ ጥሩ ቢሆንም እንዲህ ያለውን ውሳኔ የወሰነው ሰው ግን ማረሚያ ቤት ወርዶ ሊታረም ይገባል፡፡

ከአራቱ ብሔር ውጪ ሀሳብ መስጠት ወንጀል ነው ብለው የሚያምኑ ካድሬዎች ውለው አድረው በግ ማረድ ከከለከሉ እንጀራ የነፍጠኛው ምግብ ነው በሚል ሲጋግር የተያዘ ይታሰር የማይሉበት መሰረት የላቸውም፡፡ እናም ይሄ ስውር ፈንጂ መክሸፍ አለበት፡፡ DIRETUBE

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close