Connect with us

Art and Culture

ወደ አፋር ጉዞ ሦስት፤ ከሎጊያ እስከ ሠመራ | ይህ ምድር ግመል የሀገሯን ባንዲራው ለይታ የምታውቅበት ነው

Published

on

ወደ አፋር ጉዞ ሦስት፤ ከሎጊያ እስከ ሠመራ ይህ ምድር ግመል የሀገሯን ባንዲራው ለይታ የምታውቅበት ነው

ተጓዡ ጋዜጠኛ ሄኖክ ስዩም የአፋር ቆይታውን እየተረከልን ነው፡፡ ሎጊያ ገብቷል፡፡ የአፋርን አዲሷ መዲና ድግስ ላይ ናት ይለናል፡፡ በበርሃው ምድር ከኢትዮጵያዊነት ጋር የተቆራኘውን ዘመን ያስቆጠረ የሀገር ፍቅር መንፈስ ይነግረናል፡፡ | ሄኖክ ስዩም በድሬ ቲዩብ

ሎጊያ መንገድ ላይ ቆማለች፡፡ አንዳች ነገር እንደምትጠብቅ ሁሉ ጅቡቲ የሚዘልቀውን መንገድ ግራና ቀኝ ቆማ የተሰለፈች ከተማ ናት፡፡ በሎጊያ ሕይወት ቀለል ትላለች፡፡ በሎጊያ ዘርህ አሊያም ብሔርህ የአንድ ሌትር ቀዝቃዛ ውሃ ያህል ትርጉም የለውም፡፡ ሰው በመሆን ብቻ ከሰው ጋር የሚኖርባት የበርሃ ከተማ፡፡

ወደ አፋር ጉዞ ሦስት፤ ከሎጊያ እስከ ሠመራ ይህ ምድር ግመል የሀገሯን ባንዲራው ለይታ የምታውቅበት ነው

በበርሃው ምድር ከኢትዮጵያዊነት ጋር የተቆራኘውን ዘመን ያስቆጠረ የሀገር ፍቅር መንፈስ ይነግረናል ….

ይህ የአፋር ምድር ዋና ከተማ በራፍ ነው፡፡ አፋሮች አዲሷ መዲናቸው ሠመራ ናት፡፡ ወደ አዲሷ መዲና ልግባ ያለ ሎጊያን አተራምሶ ያልፋል፡፡

ሎጊያ ከሰመራ ጋር አብራ የምትጠራ፤ ከአመቱ ብዙውን ወር ውሃ የሚናፍቀው ወንዝ የሚለያት ከሰመራ በታች ያለች ከተማ፤ በወሎ ዘዬ እግባባለሁ፤ ቄሮ ስል የወላይታ ልጆች ይዞራሉ፡፡ ጥሩ የትግሬ ተጋቢኖ ለመብላት ከመቐለ ሎጊያ እመርጣለሁ የሚል ሰው አይጠፋም፡፡ ሎጊያ የሁሉም ናት፡፡

በርሃ አትክልት አይበላም ብላችሁ ለምታስቡ ደጋ ሰላድ እንደሚያስፈራ የሚገባችሁ የሎጊያን ሰላጣ ስትከርሙበት ነው፡፡ ለኢትዮጵያዊነት ዋጋ የከፈለ ሕዝብ ዋና ከተማውን እዚህ አድርጓል፡፡

የሱልጣኔቶቹ መዲና አውሳ ዛሬ ከትዝታዋ ጋር ቀርታለች፡፡ ገና ያልተነገረላት አፋምቦ የመጪው ዘመን የተመራማሪዎች መኖሪያ መሆኗ አይቀርም፡፡ አዋሽ ኖሮ..ኖሮ ሀገሬን አለቅም የሚለው እዚህ ነው፡፡

ይህ ምድር ግመል የሀገሯን ባንዲራ ለይታ የምታውቅበት ነው፡፡ አሳይታ የታሪክ መንፈስ፣ የኤርታአሌ የእሳት ብርሃን ውበት፣ የአዋሽ የሚገማሸር ድምጽ ዜማ፣ የዳሎል ልብ የሚሰርቅ የቀለም ውበት፣ የሙሳ አሊ ግርማ ሞገስ አንድ ላይ የሚታደሙት እዚህ ነው፡፡

እዚህ አፋሮች መዲና፤ ወደ ሠመራ እየሄድሁ ነው፡፡ ወደ አዲሷ ከተማ፡፡ እዚህ ሀገር መሀንዲስ ወረቀት ላይ ስሎ ምድር ካሳረፋቸው ጥቂት ዘናጭ ከተሞች አንዷ ሰመራ ናት፡፡ ሙቀቱ ቢበረታም፤ በረሕኛው ሎጊያን ሙጥኝ ቢልም ሰመራ የአፋሮች ዋና መዲና ሆናለች፡፡

ሠመራ ድግስ ላይ ናት፡፡ ግዙፍ ስታዲየም በአረንጓዴ ሳር ለማልበስ ትደክማለች፡፡ የሚመጣውን እንግዳ ለመቀበል የአፋር ሴቶች ሠመራ ላይ የባህላዊ ቤት ከተማ ሰርተዋል፡፡ እስከ ህዳር ሃያ ዘጠኝ እረፍት ያላት አትመስልም፡፡ ምሽት በባትሪ ብርሃን የሚሰሩ ማየት ብርቅ አይደለም፡፡ ሰመራ ድግስ ላይ ናት፡፡

በኢትዮጵያ ብቸኛው የሳር ባንክ የት ነበር? ወደዚያ ጉዞ ልጀምር ነው፡፡ DIRETUBE

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close