Connect with us

Business

ኢትዮ ቴሌኮም በሞባይል ደንበኞች ብዛት ከአፍሪካ ቀዳሚ ሆነ

Published

on

ኢትዮ ቴሌኮም በሞባይል ደንበኞች ብዛት ከአፍሪካ ቀዳሚ ሆነ

ኢትዮ ቴሌኮም በ2017 በሞባይል ደንበኞች ብዛት ከአፍሪካ ቀዳሚ የቴሌኮም ኩባንያ ሊሆን መብቃቱን ኮርፖሬቱ አስታወቀ።

ኮርፖሬቱ አይ ቲ ዌብ የተባለውን ድረ ገጽ ዋቢ በማድረግ በላከው ጋዜጣዊ መግለጫ እንዳስታወቀው በ2017 መጨረሻ ላይ የሞባይል ደንበኞች ብዛትን 57 ነጥብ 43 ሚሊዮን በማድረስ ከአፍሪካ ቀዳሚ ግዙፍ ኩባንያ ለመሆን ችሏል።

ኢትዮ ቴሌኮም ባለፉት ሶሰት ዓመታት በ 1 ነጥብ 6 ቢሊዮን ዶላር ባከናወነው መጠነ ሰፊ የቴሌኮም ማስፋፊያ ስራም ከ 62 ሚሊዮን በላይ የሞባይል ኔትዎርክ፣ ከ 21 ኪሎ ሜትር በላይ የኦፕቲካል ፋይበር መስመር ዝርጋታ በማከናወን ከ3 ሚሊዮን በላይ የመደበኛ መስመር አቅም እንዲሁም ከ 42 ነጥብ 6 ጊጋ ባይት በላይ አለም አቀፍ ሊንክ መፍጠር መቻሉም ተመላክቷል።

በዚህም ኢትዮ ቴሌኮም የደንበኞቹን ቁጥር ከማሳደግ ባለፈ በአፍሪካ ግዙፍ የቴሌኮም መሰረተ ልማት ባለቤት ሆኗል። አሁን በደረሰበት ቁመናም ዓለም አቀፍ የቴሌኮም አገልግሎት ሰጪ ለመሆን የያዘውን ራዕይ ለማሳካት ጥሩ መንገድ እንደሚሆንለት ተጠቅሷል።

ይህንን አሸናፊነት መጎናጸፍ የቻለውም ለረጅም ዓመታት በሞባይል ደንበኞች ብዛት ከአፍሪካ ቀዳሚ ኩባንያ ሆኖ የቆየውን የናይጄሪያውን ኤም ቲ ኤን ቴሌኮም በመቅደም መሆኑም በጋዜጣዊ መግለጫው ላይ ተጠቅሷል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close