Connect with us

Business

የክብር ዶ/ር ሼህ ሙሐመድ ሁሴን ዓሊ አልአሙዲ ክብር ይገባዋል! ለምን?

Published

on

የክብር ዶ/ር ሼህ ሙሐመድ ሁሴን ዓሊ አልአሙዲ ክብር ይገባዋል! ለምን?

የክብር ዶ/ር ሼህ ሙሐመድ ሁሴን ዓሊ አልአሙዲ ክብር ይገባዋል! ለምን? | ፍሬው አበበ አደራ በድሬቲዩብ

ያው ስለሼኩ ቢሊየነርነት ለአንተ አልነግርህም፡፡ «የናጠጠ ሐብታም» አይገልጸውም፡፡ ባደገበትና ሐብት ባፈራበት ሐገሩ ሳዑዲ አርፎ ተቀምጦ ሐብቱን ማጣጣም ማን ይከለክለዋል? ማንም!

… ማንም ሳይጎተጉተው፤ የእናቱ ወ/ሮ ሩቅያ «ሐገርህን አትርሳ» የሚለው የሙት የአደራ ቃል እና የኢትዮጵያ ቆሌ ዕረፍት ሲነሱት ወደትውልድ ሀገሩ ለመመለስ ልቡ ቆመ፡፡

ጊዜ ሲፈቅድም ሻንጣውን ብቻ ሳይሆን ዶላሩን ሸክፎ ከ20 ዓመት በፊት የትውልድ ሀገሩን አፈር ለመርገጥ በቃ፡፡

ሥራ የሚንቅ ግን በአንድ ጀምበር የሀብት ማማ ላይ ለመሰቀል የሚቋምጥ ብልጣብልጥ አለሌ በበዛበት ሀገር እጅግ ታግሎ «ፈር ቀዳጅ ባለሃብት» ለሚለው ክብር በቃ፡፡ እሱ በቀደደው የልማት ጎዳና ዛሬ በርካታ የውጭ ባለሃብቶች የኢትዮጵያን ደጃፍ ረገጡ፡፡

ወዳጄ፤ ሼኩ ባለፉት 20 ዓመታት ከ70 በላይ ኩባንያዎችን በዚህች ሀገር ያቆመው እውነት!.. እውነት እልሀለሁ!.. ለአንተና ለእኔ ትውልድ አስቦ ነው፡፡ እሱማ ያው ለአንድ ነፍስያው ከ70 በላይ ኩባንያዎችን ከፍቶ መባዘን አይጠበቅበትም፡፡

እናም ለአንተና ለእኔ ብሎ የከፈታቸው ኩባንያዎች በ100 ሺ ለሚቆጠሩ ወገኖች በቀጥታ የሥራ ዕድል አስገኙ፡፡ በተዘዋዋሪ የንግድ ሽርክና እየፈጠሩ ትንንሽ ሐብታም ለመሆን የቻሉ ወገኖችም ሺዎች ናቸው፡፡

ሀገሪቱስ?…ሀገራችንም ከሼሁ ኢንቨስትመንቶች በግብር፣ በታክስ፣ በሮያሊቲ….መልክ ድርሻዋን እየዘገነች ነው፡፡

መንግሥታችን ባለሁለት አሀዝ ዕድገት አስመዝግቤያለሁ እያለ ላንቃው እስኪበጠስ የሚለፍፈው የሼህ ሙሐመድን ዳጎስ ያለ ገቢ ቆጥሮ ጭምር መሆኑን ሳስታውስህ አክብሮቴን ጨምሬ ነው፡፡

ደግነትስ ቢሆን?! ሼህ ሙሐመድ እገሌን ረዳ፣ እገሌን አሳከመ… እያልኩ አላዝግህም፡፡ እሱን አንተም አሳምረህ ታውቀዋለህ፡፡ ከሼሁ ባህርይ እጅግ ደስ የሚለው የለጋስነት ሥነልቦናው ነው፡፡

ለጋስነት የሀብት መኖር፣ አለመኖር አይደለም፤ በቃ! የፈጣሪ ስጦታ፣ ጸጋ ነው፡፡ ያው እዚህ ሀገር ሰርቶም፣ ሰርቆም ባለጸጋ የተባለ ብዙ ሰው ታውቃለህ፡፡ እርግጠኛ ነኝ፤ ለጋስ የሆኑ ባለሃብቶች ስም ጥራ ብትባል አንድ…. ሁለት ለማለት ድፍረት እንደባላገር ቁምጣ ያጥርሀል፡፡

መቼም የገዥያችንን ኢህአዴግ ትንፋሽ እየሞቁ ለምርጫ ካምፔይኑ ጭምር አጋፋሪ የሚሆኑ አንዳንድ ንፋስ አመጣሽ ባለሃብቶች ቆጠራ ውስጥ እንደማትገባ ተስፋ አደርጋለሁ፡፡

እናም እልሃለሁ!… ዝም ብለህ ሁሉንም ነገር በፖለቲካ መነጽር እያየህ ወይንም ኮምሌክስህ ሲንጫጫ እንደመጣልህ ተነስተህ ዘራፍ!.. ያዙኝ ልቀቁኝ አትበል!

… ለምን የሼሁ ስም በበጎ ተነሳ ብለህ እንደሕጻን ስቅስቅ ብለህ በማልቀስ ራስህን አትጉዳ ስል ምክሬን መርቄልሃለሁ! ወደድክም ጠላህም!

… ሼህ ሙሐመድ የመቶሺዎች አባት ነው፡፡…የሀገር፣ የወገን አለኝታና ባለውለታ ነው፡፡ እናም ከጎኑ መቆም ያንስብናል?!… አያንስንብንም!! ከተጠረጠረበት ነጻ የመባሉንም ዜና ስንሰማ እጅግ ደስ ብሎናል፡፡

DIRETUBE

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close