Connect with us

Ethiopia

ደብረሊባኖስ በደረሰ የተሽከርካሪ አደጋ የስምንት ሰዎች ህይወት ማለፉን ፖሊስ አስታወቀ

Published

on

ደብረሊባኖስ በደረሰ የተሽከርካሪ አደጋ የስምንት ሰዎች ህይወት ማለፉን ፖሊስ አስታወቀ

በኦሮሚያ ክልል በሰሜን ሸዋ ዞን ደብረሊባኖስ ወረዳ በደረሰ የተሽከርካሪ አደጋ የስምንት ሰዎች ህይወት ማለፉን ፖሊስ አስታወቀ።

በዞኑ ፖሊስ መምሪያ የወንጀል መከላከል ምክትል ኃላፊ ኮማንደር እንየው ፈረደ ለኢዜአ እንደገለፁት፥ አደጋው የደረሰው ትናንት ምሽት 12 ሰዓት አካባቢ በወረዳው ደብረጽጌ ከተማ ልዩ ስሙ ቀሲም በተባለ ስፍራ ነው።

የሰሌዳ ቁጥሩ ኮድ 3-10688 አማ የሆነ አይሱዙ የህዝብ ማመላለሻ ተሽከርካሪ፥ በተቃራኒ አቅጣጫ ከጎሃ- ፂዮን ወደ አዲስ አበባ 14 ሰዎችን አሳፍሮ በመጓዝ ላይ ከነበረ ኮድ 3-54551 ኦሮ ከሆነ የህዝብ ማመላለሻ ሚኒባስ ጋር መንገድ ስቶ በመጋጨቱ አደጋው ደርሷል።

በአደጋው ሚኒባሱ ውስጥ የነበሩ ሾፌሩንና ረዳቱን ጨምሮ፥ የስምንት ሰዎች ህይወት ወዲያውኑ ሲያልፍ በሰባት ሰዎች ላይ ከባድ የአካል ጉዳት መድረሱን ኮማንደሩ ተናግረዋል።

በአይሱዙ የህዝብ ማመላለሻ ተሽከርካሪ ተሳፍረው ከነበሩት ውስጥ ሹፌሩ ላይ የአካል ጉዳት ከመድረስ ውጭ ሌሎቹ ተርፈዋል፡፡

የአካል ጉዳት የደረሰባቸው ሰዎች በአዲስ አበባና በአካባቢው በሚገኙ የጤና ተቋማት የህክምና እርዳታ እየተደረገላቸው ይገኛል። እንደ ኮማንደሩ ገለፃ የሟቾቹ አስከሬን ቤተሰቦቻቸው እንዲረከቡ እየተደረገ ሲሆን፥ የአደጋው መንስኤም በመጣራት ላይ ነው፡፡

 

READ  የኢንሹራንስ ኩባንያዎቹ ከፍተኛ አደጋ ያደርሳሉ ባሏቸው ተሽከርካሪዎች ላይ የዓረቦን ጭማሪ እያደረጉ ነው

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close