Connect with us

Business

የኢትዮጵያ ኤሌክትሪክ አገልግሎት ለውሃ መቆራረጥ ተጠያቂ ተደረገ

Published

on

የኢትዮጵያ ኤሌክትሪክ አገልግሎት ለውሃ መቆራረጥ ተጠያቂ ተደረገ

 ለኃይል አቅርቦት ከዓመት በፊት 21 ሚሊዮን ብር ተከፍሏል

የአዲስ አበባ ውሃና ፍሳሽ ባለስልጣን በከተማዋ በተደጋጋሚ የሚያጋጥመውን የውሃ አገልግሎት መቆራረጥ ችግር ለመፍታት «ለውሃ መገኛ ጉድጓዶችና ማሰራጫ ጣቢያዎች ብቻ ሀይል የሚሰጥ መስመር እንዲዘረጋ ከአንድ ዓመት በፊት የ21 ሚሊዮን ብር ክፍያ ቢፈጸምም አገልግሎቱ በሚፈለገው ፍጥነት ባለመቅረቡ ተደጋጋሚ የሆነ የውሃ ስርጭት መቆራረጥ ሊያጋጥም ችሏል» ሲል የኢትዮጵያ ኤሌክትሪክ አገልግሎትን ተጠያቂ አደረገ፡፡

ባለስልጣኑ ትናንት ለዝግጅት ክፍሉ ባደረሰው መግለጫ እንዳስታወቀው፤ ባለፉት ዓመታት በውሃ አቅርቦቱ ረገድ ከፍተኛ መሻሻል ቢታይም ከውሃ ምርትና ስርጭት ጋር ተያይዞ በተደጋጋሚ በሚያጋጥም የኤሌክትሪክ ሃይል መቆራረጥ ምክንያት ትልቅ ተግዳሮት ተፈጥሯል፡፡ ችግሩን ለማቃለልም 80 ጀነሬተሮችን ቢተክልም መፍታት አልተቻለም፡፡

ከአቃቂ ከርሰ ምድር በቀን ከሚመረተው 230ሺ ሜትሪክ ኪዩብ ውሃ ተጠቃሚ የሆኑ የመሃል አዲስ አበባ፣ ምዕራብ አዲስ አበባ እና ደቡብ አዲስ አበባ የሚኖሩ የህብረተሰብ ክፍሎች ላይ ለቀናት የሚቆይ የውሃ አቅርቦት መቆራረጥ ማጋጠሙ በመግለጫው ተጠቅሷል፡፡ በተጨማሪም በለገዳዲ የግፊት ጣቢያዎችም ተመሳሳይ የኃይል መቆራረጥ በማጋጠሙ የምስራቅ አዲስ አበባ ነዋሪዎች ለውሃ አቅርቦት እጥረት መዳረጋቸው ተገልጿል፡፡

ባለስልጣኑ የኢትዮጵያ ኤሌክትሪክ አገልግሎት በከተማዋ የተከሰተውን የውሃ መቆራረጥ ችግር ህብረተሰቡ ላይ የፈጠረውን ጫና ተገንዝቦ በአፋጣኝ መፍትሔ እንዲሰጥ ጠይቋል፡፡ ለተደጋጋሚውም ችግር ባለስልጣኑ ደንበኞቹን ይቅርታ ጠይቋል፡፡

በኢትዮጵያ ኤሌክትሪክ አገልግሎት በኩል በጉዳዩ ዙሪያ ተጨማሪ ማብራሪያና ምላሽ ለማግኘት ያደረግነው ተደጋጋሚ ጥረት ምላሽ ሊያገኝ አልቻለም፡፡ ethpress

READ  ጨቋኟ ከተማ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close