Connect with us

Ethiopia

በኢትዮጵያ በጡት ካንሰር ከሚጠቁት 13 ሺህ ሰዎች ወስጥ 53 በመቶዎቹ ለሞት ይዳረጋሉ

Published

on

በኢትዮጵያ በጡት ካንሰር ከሚጠቁት 13 ሺህ ሰዎች ወስጥ 53 በመቶዎቹ ለሞት ይዳረጋሉ

በኢትዮጵያ በየዓመቱ ለጡት ካንሰር ከሚጋለጡ 13 ሺህ ሰዎች ውስጥ 7 ሺህ ያህሉ ለሞት እንደሚዳረጉ የጤና ጥበቃ ሚኒስቴር አስታወቀ። ሕብረተሰቡ ለጡት ካንሰር ያለው የግንዛቤ ማነስና ህክምናውን የሚሰጡ ተቋማት በቂ አለመሆን በሽታውን በቀላሉ መከላከል እንዳይቻል ማድረጉንም ሚኒስቴሩ አስታውቋል፡፡

የጡት ካንሰር በቅድሚያ በጡት ላይ በመከሰት ወደ ሌሎች የሰውነት ክፍሎች በመዛመት ለሞት የሚያጋልጥ ሲሆን በሽታው በዋናነት ሴቶችን የሚያጠቃ ቢሆንም አልፎ አልፎ ወንዶችንም ያጠቃል።

በኢትዮጵያ በየዓመቱ 13 ሺህ ሰዎች ለጡት ካንሰር የሚጋለጡ ሲሆን ከነዚህ ውስጥ 7 ሺህ ያህሉ እንደሚሞቱ ከጤና ጥበቃ ሚኒስቴር የተገኘው መረጃ ያመላክታል።

የጥቅምት ወር በዓለም አቀፍ ደረጃ የጡት ካንሰርን በተመለከተ ግንዛቤ ማስጨበጫ ወር ሆኖ ይቆያል። ይህን አስመልክቶ የጤና ጥበቃ ሚኒስቴር ከቀዳማዊት እመቤት ፅህፈት ቤት ጋር በሰጡት መግለጫ ማህበረሰቡ ስለ በሸታው ያለው ግንዛቤ በቂ ባለመሆኑ ተጋላጭነቱን መቀነስ አለመቻሉ ተገልጿል።

የጤና ጥበቃ ሚኒስትር ፕሮፌሰር ይፍሩ ብርሃነ ኢትዮጵያ በዚሁ በሽታ ከሚጠቁ አዳጊ አገራት አንዷ መሆኗን ጠቅሰው የህብረተሰቡ የግንዛቤ ማነስ ዋነኛው ችግር መሆኑን ገልፀዋል። የአካል እንቅስቃሴ አለማድረግ፣ጡት አለማጥባት፤ሲጋራ ማጨስ፣አልኮል መጠጣት፣ከሆርሞን ጋር የተያያዙ መድሀኒቶችን መውሰድ፣ቶሎ አለመውለድ እና ሌሎቹ ምክንያቶች ለጡት ካንሰር መንስኤዎች ናቸው።

የጡት ካንሰር ምርመራውም ሆነ ህክምናው በጣም ከፍተኛ ወጪ ስለሚጠይቅና ህይዎትን ሊያሳጣ ስለሚችል ሕብረተሰቡ ቅድመ ምርመራ በማድረግ መከላከል እንዳለበት አሳስበዋል።

ሚኒስቴሩም በብሄራዊ ካንሰር መቆጣጠሪያ ስትራቴጂ እየተመራ እንደማንኛውም በሽታ መከላከሉ ላይ ትኩረት ለማድረግ የግንዛቤ ማስጨበጥ ስራ እየሰራ ነው ብለዋል። ሚኒስትሩ አሁን ላይ 12 የመንግስት ሆስፒታሎች ህክምናውን እየሰጡ መሆኑን ጠቅሰው የህክምና ማዕከላት እጥረትን ለመቀነስ ተጨማሪ ስድስት የህክምና ማዕከላት እየተገነቡ መሆኑን ገልፀዋል።

READ  በተ.መ.ድ የአሜሪካ አምባሳደር ኒኪ ሄሊይ አዲስ አበባ ገቡ

የግል ህክምና ተቋማት ህክምናውን እንዲሰጡ ለማድረግ እየተሰራ መሆኑን የገለጹት ሚንስትሩ ሐኪሞችን በተጓዳኝነት ስለ በሽታው በማሰልጠን እንዲመረምሩና ህክምና እንዲሰጡ እየተደረገ ነውም ብለዋል።

ቀዳማዊት እመቤት ወይዘሮ ሮማን ተስፋዬ በበኩላቸው በአገራችን ስለ ጡት ካንሰር ያለው ግንዛቤ አነስተኛ መሆኑ በየዓመቱ በበሽተው የሚጠቁ ሰዎች ቁጥር እየጨመረ እንዲመጣ አድርጎታል ብለዋል። በመሆኑም መገናኛ ብዙሃኑን ጨምሮ ማህበረሰቡን ያሳተፈ የግንዛቤ መፍጠሪያ መንገድ መዘጋጀት እንዳለበት ጠቁመዋል።

በተለይም እድሜያቸው ከ40 አመት በላይ የሆኑ እናቶች እንቅስቃሴ ስለማይሰሩ ለበሽታው የበለጠ ተጋላጭ ይሆናሉ ብለዋል። በመሆኑም የአካል እንቅስቃሴዎችን በመስራት እንዲሁም ቅድመ ምርመራ በማድረግ የበሽታውን መከላከል እንደሚገባ አሳስበዋል።

የዘንድሮው የግንዛቤ ማስጨበጫ ወር በኢትዮጵያ ”የጡት ካንሰር በሽታን መከላከል የሁላችንም ሀላፊነት ነው፤ጡትዎን በመዳሰስና ቅድመ ምርመራ በማድረግ ህይዎትዎን ይታደጉ” በሚል መሪ ሀሳብ ለ11ኛ ጊዜ ይከበራል። ena

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close