Connect with us

Ethiopia

ሽግግርን ከባህላቸው ከገዳ የተማሩት ክቡር አቶ አባዱላ እና የስልጣን ስንብት

Published

on

ሽግግርን ከባህላቸው ከገዳ የተማሩት ክቡር አቶ አባዱላ እና የስልጣን ስንብት

ሽግግርን ከባህላቸው ከገዳ የተማሩት ክቡር አቶ አባዱላ እና የስልጣን ስንብት | ስናፍቅሽ አዲስ በድሬቲዩብ

ያው ቀላሉ ብርቅ የሚሆንብን ከኋላ ታሪካችን ተነስተን ነው፡፡ እኛ መሪን ካልገደልነው፣ ካላባረርነው አሊያም ካልቀበርነው የሚሄድ አይመስለንም፡፡ እናም በዓለም ሁሉ የተለመደው ለእኛ ብርቅ ነው፡፡

አባዱላ ከስልጣናቸው ለመሰናበት ራሳቸው ተጠቁ የሚለው ታላቅ ጉዳይ ሆኖ የሰነበተውም ለዚህ ይመስለኛል፡፡
እንግዲህ ሌላውን ትተን አባዱላ ኦሮሞ መሆናቸውን ካሰብን ነገሩ እንግዳ ላይሆን ይችላል፡፡

በገዳ ባህል በየስምንት አመቱ ለተከተለው ትውልድ እያስረከበ ከቀደመው ትውልድ እየተረከበ ለሚተካካ ባህል ባለቤት ከሃያ አምስት ዓመት በኋላ መልቀቅ እስከአሁን ምነው የሚያስብል እንጂ የሚያስደነግጥ አይደለም፡፡ ይልቁንም ከለመድነው የተለየ በሆነብን ነገር ደንግጠናል፡፡

የአንጋፋውን የኢህአዴግ መሪ መልቀቅ ከኢቢሲ ቀድመን የሰማን መሆናችን፣ በአደባባይ መቀጠል የማይችሉበት ምክንያት መፈጠሩን መናገራቸው ጉዳዩን ልዩ አድርጎታል፡፡

ከዚህ በፊት ተሰናበቱ የተባሉ ታላላቅ የፓርቲው ሰዎች አሁንም ፓርቲው ጉያ፣ አሁንም ከፓርቲው ጋር፣ አሁንም የእጅ አዙር መሪዎች ሆነው አሉ፡፡

በአዳማ ጉባኤ ካድሬ እንባ እያቃረው በቀድሞው መሪ የላቀ ምስጋና የተሸኙት አቶ አዲሱ ለገሰ ዛሬም ቀድሞ በነበሩበት የብአዴን ግንባር ላይ ናቸው፡፡ ህወሃቶች መንደርም ይሄ የተለመደ ነው፡፡ የአባዱላን ሽኝት ከዚህ የተለየ እንዲሆን እመኝላቸዋለሁ፡፡

እኒህ ሰው በኦሮሚያ ተወዳጅነት የነበራቸው ሰው ነበሩ፡፡ ለሰው ቅርብና አዛኝ ተደርገውም ይወሰዳሉ፡፡ ሳቅ የማይለያቸው አባዱላ ከኦሮሚያ ብሔርተኝነት ማበብ ጋር ስማቸው የሚነሳ መሪ ናቸው፡፡ ይቅር ባይነታውንም ቢሆን የሚያወድሱ አሉ፡፡ አሁንም ልንሸኝ የተዘጋጀነው እኒህን ሰው ነው፡፡

ቀሪው ጊዜያቸው የስንብታቸውን ያህል አሳሳቢ ነው፡፡ ከጀርባ ሆነው አቶ ለማን እንዲህ አድርግ የሚሉ የኋላ አጥቂ ከሆኑ ቦታ ቀየሩ እንጂ እዛው ናቸው፡፡ እንደ አንድ ተራ ኢትዮጵያዊ መኖር ከቻሉ ስንብታቸው እውን ይሆናል፡፡ ያም ሆኖ ጠየቁ እንጂ እስከአሁን ተቀባይነት ያገኘ ነገር የለም፡፡

READ  ዶናልድ ትራምፕ ቀጣዩ የአሜሪካ ፕሬዚዳንት በመሆን ተመረጡ

ብዙ ሰው የተመለከተው የዘንድሮ የመክፈቻ ጉባኤ አባዱላን በማን ሊቀይር ይሆን በሚል ዜጎች የጓጉለት ነበር፡፡ ግን ወፍ የለም፡፡ የስንብታቸው ጉዳይ የማያጠያይቅ ቢሆንም የረዘመው ዝምታ ሌላ ስጋት ሆኗል፡፡

ከስንብታቸው ዜና ጋር ጎን ለጎን አዳዲስ ምልክቶች መታየታቸው ደግሞ ኦህዴድን ስራ ሳያዛበት አይቀርም፡፡
ለምሳሌ ቡራዮ በኦነግ ባንዲራ ማሸብረቋ፣ እዚህም እዚያም በክልሉ የሚታዩ ተቃውሞዎች፣ እልባት ማግኘት ያልቻለው የኢትዮጵያ ሱማሌ እና የኦሮሚያ ክልል የድንበር ግጭት እነዚህን የመሳሰሉ ጉዳዮች የወጠሩት ኦህዴድ አቶ አባዱላን በደመቀ ድግስ ለመሸኘት የተመቸው አልመሰለኝም፡፡ ያም ሆኖ የስንብቱ ጉዳይ ቁርጥ ነው፡፡

በኢህአዴግ ታሪክ ከዚህ ቀደም አንድ መሪ ብልሹ በመሆኔ በሃላፊነቴ ልቀጥል አልችልም ማለታቸውን ብቻ ነበር የምናውቀው፤ እሳቸውም ቢሆን ከስልጣን ወደ ወህኒ ነው የወረዱት፡፡ ከዚያ ወዲህ አራቱም ግንባሮች እንዲህ ያለ ውሳኔ የወሰነ መሪ ኖሯቸው አያውቅም፡፡

ሸኙኝ ያለ፤ በቃኝ ብሎ በአደባባይ የወጣ መሪ በመሆን አባዱላ አዲስ ነገር ያስተማሩ ይመስለኛል፡፡ ጉዳዩ ከሽኝቱ በኋላስ ነው? DIRETUBE

Continue Reading

Ethiopia

አቶ በረከት ስምኦን ሥልጣን ለመልቀቅ ጥያቄ አቀረቡ

Elias Tesfaye

Published

on

በረከት ስምኦን

በኢትዮጵያ ፖሊሲ ጥናት ምርምር ማዕከል የኢንዱስትሪ ዘርፍ መሪ ሚኒስትር ሆነው ሲያገለግሉ የነበሩት አቶ በረከት ስምኦን ሃላፊነታቸውን በፈቃዳቸው ለመልቀቅ ጥያቄ አቀረቡ።

ለጉዳዩ ቅርብ የሆኑ ምንጮች ለቢቢሲ እንዳረጋገጡት አቶ በረከት የሥራ መልቀቂያ ጥያቄያቸውን ለጠቅላይ ሚኒስትር ኃይለማሪያም ደሳለኝ አስገብተዋል።
አቶ በረከት ስምኦን ለበርካታ ዓመታት በቦርድ ሰብሳቢነት ሲመሩት ከነበረው የኢትዮጵያ ንግድ ባንክም ሊለቁ እንደሆነ ባለፈው ሳምንት ተነግሯል።

አቶ በረከት ባለፈው ሳምንት የሥራ መልቀቂያ ደብዳቤያቸውን ለጠቅላይ ሚኒስትሩ ማስገባታቸው የተነገረ ሲሆን፤ ለመጨረሻ ጊዜ በቢሮአቸው ተገኝተው የነበሩት ሀሙስ ዕለት ነበር።

አቶ በረከት በተመሳሳይ ጊዜ ከሁለት የሃላፊነት ቦታቸው የተነሱ ሲሆን ለሥራ መልቀቃቸው ግልፅ ያለ ምክንያት አልቀረበም።

ነገር ግን በኢትዮጵያ ፖሊሲ ጥናት ምርምር ማዕከል ውስጥ በነበራቸው ቆይታ ብዙም ደስታኛ እንዳልነበሩ በቅርብ የሚያውቋቸው ሰዎች ይናገራሉ።

በተለይ ማዕከሉ በተለያዩ ጊዜያት የሚያቀርባቸው ሃገር አቀፍ የፖሊሲና የአስተዳደር ጥናቶች በጠቅላይ ሚኒስትሩና በመንግሥት ከፍተኛ ሃላፊዎች ዘንድ ብዙም ተቀባይነት አግኝተው ተግባራዊ አለመደረጋቸው ለቅሬታቸው ምክንያት እንደሆነ ይነገራል። More Here

READ  ዶናልድ ትራምፕ ቀጣዩ የአሜሪካ ፕሬዚዳንት በመሆን ተመረጡ
Continue Reading

Ethiopia

ጠ/ ሚኒስትሩ ለኢቢሲ ሠራተኞች በልዩ ሁኔታ ቤት ለመስጠት ቃል ገቡ

Published

on

ጠቅላይ ሚኒስትር ኃይለማርያም

የኢትዮጵ ያ ብሮድካስቲንግ ኮርፖሬሽን ( ኢቢሲ) ሠራተኞች የመኖሪያ ቤት የሚያገኙበት መንገድ በልዩ ሁኔታ እንደሚታይ፣ የባለሥልጣናት ጣልቃ ገብነት ለማስቀረት ድርጅቱ የውስጥ አሠራሩን እንዲያሻሽል ጠ/ ሚ ሀይለማርያም ደሳለኝ መምከራቸው ተሰማ።

ጠ/ ሚኒስትሩ ይህን የተናገሩት የኢቢሲ ሥልጠና ማጠቃለያ ላይ ሰሞኑን ባደረጉት ንግግር ነው።
መንግሥታዊው አዲስ ዘመን ጋዜጣ በትላንት ዕትሙ የኢቢሲ ሠራተኞች ያለባቸውን የቤት ችግር ለመቅረፍ ከመንግሥት ሠራተኛው በልዩ ሁኔታ ቤት የሚያገኙበት መንገድ ትኩረት ይሰጠዋል ሲሉ ጠ/ ሚኒስትሩ መናገራቸውን ጵፏል።
የመንግሥት ባለሥልጣናት ጣልቃ ገብነት ለመቅረፍ ኢቢሲ አሠራሩንእንዲያሻሽልና ልማታዊ ጋዜጠኝነትን እንዲተገብር የመከሩት አቶ ሀይለማርያም ልማታዊ ጋዜጠኝነት በከፍተኛ የትምህርት ተቋማት በሁለተኛ ድግሪ የሚሰጥበት መንገድ ትኩረት ይሰጠዋል ብለዋል። DIRETUBE

READ  በቅማንት አስተዳደር እና በጎንደር አስተዳደር መካከል የነበረውን የአስተዳደር ጥያቄ ምላሽ በተመለከተ የፌዴሬሽን ምክርቤት ውሳኔ አስተላለፈ
Continue Reading

Ethiopia

ዶክተር መረራ ጉዲና የእምነት ክህደት ቃላቸውን ሰጡ

FanaBC

Published

on

By

ዶክተር መረራ ጉዲና የእምነት ክህደት ቃላቸውን ሰጡ

ዛሬ በፌደራሉ ከፍተኛ ፍርድ ቤት ልደታ ምድብ 19ኛ የወንጀል ችሎት የቀረቡት እና በሽብር ወንጀል የተከሰሱት ዶክተር መረራ ጉዲና የእምነት ክህደት ቃላቸውን ሰጥተዋል።

ዶክተር መረራ “ድርጊቱን አልፈፀምኩም፤ ጥፋተኛም አይደለሁም” ብለው የዕምነት ቃላቸውን የሰጡ ሲሆን፥ ጠበቃቸው 11 ወር ቆይተው ዛሬ የእምነት ክህደት ቃላቸውን መስጠታቸው እንደዘገየ ለፍርድ ቤቱ ተናግረዋል።

በከፊል የሚቀርቡ ቤተሰቦቻቸው እና ጓደኞች እንዲጠይቋቸው ችሎቱን የጠየቁ ሲሆን፥ ችሎቱም ይህን ጥያቄያቸውን በፅሁፍ እንዲያቀርቡ አዟል።

ፍርድ ቤቱ የአቃቤ ህግ ምስክሮች ስም ዝርዝር በይፋ ይሰጥ ወይስ አይሰጥ በሚለው ላይም ዛሬ ብይን ሰጥቷል።

በህገመንግስቱ አንቀፅ 20 ንዑስ ከቁጥር 4 ጋር ይጋጫል ወይስ አይጋጭም በሚለው ላይ ህገመንግስታዊ ትርጉም ማስፈለጉ እና የፌዴሬሽን ምክር ቤት ከህገመንግስቱ አንፃር እንደማይጋጭ ምላሽ መስጠቱን ተከትሎ ነው ችሎቱ የምስክሮች ስም ዝርዝር ሳይሰጥ የአቃቤ ህግ ምስክሮች እንዲሰሙ ብይን የሰጠው።

እነዚህን መስክሮች ከጥቅምት 24 ቀን 2010 ዓመተ ምህረት ጀምሮ የምስክርነት ቃላቸውን ይሰጣሉ።

ፍርድ ቤቱ ከዶክተር መረራ ጋር የተከሰሱ ከ2ኛ እስከ 5ኛ ያሉ ተከሳሾች በሌሉበት ጉዳያቸው እንዲታይም አዟል። ኤፍ ቢ ሲ 

READ  የመጀመሪያው ኢትዮጵያ ስደተኛ በሮተርዳም
Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close