Connect with us

Ethiopia

የሱሃባዎቹን ማረፊያ ፍለጋ፤ ኮነባ-በተራሮች በተከበበችው ታሪካዊ ስፍራ

Published

on

የሱሃባዎቹን ማረፊያ ፍለጋ፤ ኮነባ-በተራሮች በተከበበችው ታሪካዊ ስፍራ

የሱሃባዎቹን ማረፊያ ፍለጋ፤ ኮነባ-በተራሮች በተከበበችው ታሪካዊ ስፍራ | ተጓዡ ጋዜጠኛ ሄኖክ ስዩም ከነጃሺ ወደ አፋር ተጉዟል፡፡ በአፋር ክልል ከቀይ ባህር ወደ ኮነባ የዘለቁት ቀደምት ሱሃባዎች ያረፉባትን ስፍራ ጎብኝቷታል፡፡ በተራሮች የተከበበችው ታሪካዊ ስፍራ ሲል እንዲህ ያስጎበኘናል፡፡ | ሄኖክ ስዩም በድሬ ቲዩብ

እነኚህ ተራሮች በሀገሬ ሲኖሩ ያለ ዛሬም አይቻቸው አላውቅም፡፡ ሰንሰለታማዎቹ ተራሮች መሀል ነኝ፡፡ ዙሪያዋን በተራሮች የተከበበች ጠረጴዛ መሳይ ምድር፡፡ ይኽቺ ኮነባ የምትገኘው የሱሃባዎቹ ማረፊያ ናት፡፡

ተራሮቹ እጅግ ይገርማሉ፡፡ በሁሉም አቅጣጫ የተደረደሩት ተራሮች ለተራራ ፍቅር ያለውን ጎብኚ ልብ የሚያቀልጡ ናቸው፡፡ ሸለቆና ተራራ የሚበዛው የኮነባ ወረዳ 51,038.7 ሄክታር የቆዳ ስፋት አለው፡፡
አሁን አፋር ክልል ነኝ፡፡ እነ ዳሎል እነ ኤርታኤሌ የሚገኙበት ዞን ሁለት በሚባለው ቀጠና፤ ኮነባ ወይና ደጋማው የአየር ንብረቷ የሚበዛ የአፋር ምድር ናት፡፡ ቆላው ሰላሳ በመቶ ብቻ ነው፡፡
ለገዲ የኮነባ ትልቁ ወንዝ ነው፡፡ ብዙ ነገር የሚመረትባት ወረዳ ስያሜዋ ራሱ እንግዳ ተቀባይ ህዝብ ማለት ነውና ተቀብላኛለች፡፡

ከቀይ ባህር ወደ ተለያዩ አካባቢዎች የሚያቀናው የቅፍለት ተጓዥ ማረፊያ የነበረች የታሪክ ስፍራ ላይ ሌላ በዘመን መካከል ብዙ ያልተነገረለት ታሪክ አለ፡፡

የቀደምት ሱሃባዎች ወደ ነጃሺ የተደረገ ጉዞ አንድ ማረፊያ ስፍራ ላይ ነኝ፡፡ እዚህ አንድ ስፍራ አለች፡፡ የውሃ ኩሬ፤ የተመረዘችዋን ውሃ የጠጡ ሱሃባዎች ተመርዘው በመሞታቸው እዚሁ አርፈዋል፡፡

መቃብራቸው ዛሬም በድንጋይ በተቀመጡ ምልክቶች ከትውልድ ትውልድ እየተሻገረ ነው፡፡ ኮነባ አፋሮች የፍትሕ ሀገር ወደተባለችዋ ምድር የሚመጡ እንግዶችን እንዴት አድርገው እንደተቀበሉ ከሚያሳዩ የታሪክ ማረጋገጫዎች አንዷ ስፍራ ይህቺ ናት፡፡

READ  የኢትዮጵያ ፊልሞች በፓን አፍሪካን ፌስቲቫል ኦፍ ሲንማ ኤንድ ቴሌቪዥን ይሳተፋሉ

እስልምና በመካ ዋስትና ባላገኘበት ዘመን የአፋር ጫካዎች ግን ለመጀመሪያዎቹ አማኞች የሰላም መንገዶች ነበሩ፡፡ አፋሮችም ቁይረሾች ላሳደዷቸው አማኞች ፍቅርን የቸሩ ባለ ታሪኮች ናቸው፡፡

ያ ባይሆን ከቀይ ባህር እስከ ንጉሡ ቤተ መንግሥት እንዴት ይደረስ ነበር? ይህቺ ታሪካዊ ስፍራ የብዙ ልዩ ክስተቶች ማዕከል ናት፡፡ መድሃኒት የሆኑ በርካታ እጽዋት የሚገኙባት፣ ከጥንትም የፍየሎችና ግመሎች ምርት የንግድ መአከል ያደረጋት ስፍራ ናት፡፡ DIRETUBE

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close