Connect with us

Art and Culture

የወደቀ አንሱ ለባለቤቱም መልሱ | በቤኒሻንጉል ጉሙዝ ቆየት ባለ ጊዜ የተቀበረ ነው የተባለ 2 በርሜል ወርቅ ተገኝቷል…

Published

on

በቤኒሻንጉል ጉሙዝ ቆየት ባለ ጊዜ የተቀበረ ነው የተባለ 2 በርሜል ወርቅ ተገኝቷል

የወደቀ አንሱ ለባለቤቱም መልሱ | ኪዳኔ መካሻ በድሬቲዩብ

በቤኒሻንጉል ጉሙዝ ክልል ባምባሲ ወረዳ ቆየት ባለ ጊዜ የተቀበረ ነው የተባለ 2 በርሜል ወርቅ ተገኝቷል ተብሏል፡፡

መስከረም 1/2010 በባንባሲ ሾንጋ በተባለ ወንዝ ዳርቻ በአካባቢው ነዋሪዎች ተገኘ የተባለው ወርቅ በክልሉ ፖሊስ ጥበቃ እየተደረገለት ነው መባሉንም ከማስታወቂያ ቢሮው ሰምተናል፡

በተለያየ አጋጣሚ እቃ ጥለህ ታውቃለህ? የወደቀስ ነገር ስታገኝ ምን አደረክ? የወንጀል እና የፍትሀ ብሔር ሕጋችን በጉዳዩ ላይ ምን እንደሚሉ እስቲ እናውራው።

የወደቀ ነገር ስታገኝ አንሳው።በድንገተኛ አደጋ ፣በስህተት ወይም ከባለቤቱ ፍቃድ ውጭ በሆነ ምክንያት ከጁ ከወጣ(አውቆ ስላልፈለገው የጣለው ካልሆነ በቀር) እና አንተ እጅ ከገባ ‘‘የማን ነው?’’ ብለህ ባለቤቱን ለማወቅ አስፈላጊውን ሁሉ ማድረግ አለብህ። የማን እንደሆነ ማወቅ ካልቻልክ ለፖሊስ ወይም ባካባቢው ላለ የአስተዳደር አካል እቃውን ማግኘትህን ማሳወቅ ግዴታህ ነው። ምክንያቱም ባንተ እጅ ይግባ እንጂ ያንተ አይደለም።

ይህን ግዴታህን ከተወጣህ ባለቤቱ እስኪገኝ እቃውን  በጅህ የማቆየት መብቱ አለህ። በፍ/ብ/ሕ/ቁ 1155 መሰረት በእጅህ እስካለ  ለእቃው ተገቢውን ጥበቃ በማረግ ተጠንቅቀህ የመያዝ ግዴታ አለብህ።

የእቃው ባለሀብት ሲመጣ ትመልሳለህ።ባለቤቱም እቃውን ለማቆየት ያወጣከው ወጪና ኪሳራ ከምስጋና ጋር የመክፈል ግዴታ አለበት።

ተጨማሪ የወሮታ ክፍያ ወይም ጉርሻ እንዲከፈልህ መጠየቅም ትችላለህ።  ዳኛው ጉርሻ ያስፈልግሀል ወይ ምን ያህል ይሁንልህ የሚለውን ሚወስኑት ያንተን ያግኚውንና እቃው የጠፋበትን ሰው ሀብትና ባለቤቱ እቃውን በራሱ ለማግኘት የነበረውን እድል በማመዛዘን ነው። አዎ ጉርሻ ያስፈልግሀል ብለው ካመኑበት ዳኛው የእቃው ዋጋ እስከ 25 በመቶ እንዲከፈልህ ያዙልሀል። ጉርሻ የመጠየቅ መብት ያለህ እቃውን ከመለስክበት ቀን እስከ አንድ አመት ብቻ ነው።

READ  ዘመን መለወጫ መስከረም ወር የሆነበት ምክንያት

ድንገት ግቢህ ውስጥ ወይም ተንቀሳቃሽ ንብረትህ ውስጥ የተቀበረ ወይም የተደበቀ ገንዘብ ቢገኝስ? የኔ ነው የሚል ማስረጃ ማቅረብ ማይችልበት ከሆነና ከሀምሳ አመት ለማያንስ ጊዜ ተቀብሮ ወይም ተደብቆ የቆየ የሚመስል ከሆነ እንኳን ደስ አለህ!!

አንተና መንግስት ሀብቱን እኩል ትካፈላላችሁ ። የተገኘው ነገር ቅርስ  ከሆነ ደግሞ  በአዋጅ ቁጥር 209/1992 መሰረት ለቅርስ ጥበቃ ባለስልጣን ማሳወቅ ግዴታህ ነው። ሽልማትና እውቅና ይሰጥሀል።

ሆኖም ለራስህ ወይም ሌላ ሰው የማይገባውን ጥቅም ለማስገኘት አስበህ  አግኝተህ ከደበከው፣ ለራስህ ከወሰድክ  ወይም ለሌላ ሰው ከሰጠህ በወንጀል ትቀጣለህ።
የሌላ ሰው እንስሳ እንኳን ሸስቶ ቤትህ ቢገባ ለባለቤቱ ለማሳወቅ ሳትጥር ወይም ለፖሊስ ወይም ለቀበሌ ሳታሳውቅ የራስህ ካረከው ጥፋት ነውና በወንጀል ሕጋችን አንቀፅ 679 ባለመብቱ ክስ ካቀረበብህ በቀላል እስር( ካስር ቀን እስከ ሶስት አመት የሚደርስ) ወይም በመቀጮ(ከአስር ብር እስከ አስር ሺ ብር) ትቀጣለህ።

የጠፋ እቃ አግኝተህም ለባለቤቱ ለማሳወቅ ወይም ለሚመለከተው አካል ሳታሳውቅ ለራስህ ካረከው  የንብረቱ ባለቤት ክስ ሲያቀርብ ከአምስት ሺ ብር በማይበልጥ መቀጮ ወይም እስከ አንድ አመት ቀላል እስር ያስቀጣል።

የተቀበረ ንብረት ስታገኝም ለመንግስት ወይም ንብረቱ ተቀብሮ ለተገኘበት ባለቤት ተገቢውን ክፍያ ሳትሰጥ የራስህ ካደረከው ቅጣቱ ተመሳሳይ ነው።

ለማንኛውም የወደቀ ስናገኝ እናንሳውና የማነው ብለን እንጠይቅ ።ባለቤቱ ካልታወቀ ለፖሊስ ወይም ለሚመለከተው የመንግስት አካል እናሳውቅ።ያስመሰግናል ያሸልማል። ይህን ሳናረግ ያገኘነውን ከወሰድነው ግን በወንጀል ሊያስጠይቅ እንደሚችል ልብ እንበል። DIRETUBE

Continue Reading

Art and Culture

ወደ ዳንጉር ተራራ፤ ከማንቡክ እስከ ጉብላክ

Published

on

ወደ ዳንጉር ተራራ፤ ከማንቡክ እስከ ጉብላክ

ወደ ዳንጉር ተራራ፤ ከማንቡክ እስከ ጉብላክ | ተጓዡ ጋዜጠኛ ሄኖክ ስዩም ወደ ዳንጉር ተራራ ይዞን ሊወጣ መተከል ዞን ገብቷል፡፡ በማንቡክ የነበረውን ቆይታ የጉብላክ ከተማን ድባብ እየተረከ ዳገቱን ይዞን ይወጣል፡፡ ስውሩ የተፈጥሮ መስህብ እስከ ዛሬስ የት ነበር? ብሎ ይጠይቃል፡፡ ቋንቋ አብሮ ለመኖር እንቅፋት የማይሆንበትን አኗኗርን እንዲህ ያስጎበኘናል፡፡ | ሄኖክ ስዩም በድሬ ቲዩብ

ማንቦጓ የሚለው ቃል የመጣው ከጉምዝኛ ነው፡፡ መዋቢያ ማለት ነው ትርጉሙ፡፡ ማንቦጓ የሚለው ቃል ደግሞ ማንቡክን ወለደ፡፡ እኔ ማንቡክ ነኝ፡፡

በአሶሳ በኩል ነው የመጣሁት 379 ኪሎ ሜትሮችን ተጉዤ እዚህ ደርሻለሁ፡፡ ያለሁባት ከተማ ስያሜዋን ያገኘችው ከማንቡክ ወንዝ ነው፡፡

የጉምዝ ሴቶች ወደ ወንዙ እየወረዱ ከሚዋቡበት፤ እናም ወንዙን ማንቦጓ ሲሉ መዋቢያ አሉት፡፡ ማንቡክ ከዚህ ቃል ተገኘ፡፡

ዳንጉር ነኝ፡፡ መተከል ገብቻለሁ፡፡ እዚህ ብዙ ተሸሽጎ የኖረ መስህብ አለ፡፡ እዚህ ምንም ያልተነገረለት ተአምር ተቆጥሮ አያልቅም፡፡ የጠንካራ ገበሬዎች ከተማ በጠዋት ትነቃለች፡፡ ሲያቅላላ የታረደው በሬ ጸሐይ ስትወጣ ትዝታውም አይተርፍ፡፡ እንዲህ ናቸው ስጋ ቤቶቿ፤ ብዙው ሱቅ ከግብርና የተቆራኘ ነው፡፡ ብዙ ሰው የሚያወጋችሁ ምድር ምን ያህል ፍሬ እንደሰጠችው ነው፡፡ ብዙ ቋንቋ የሚሰማባት ከተማ ናት፡፡

የሰው ልጆች ከተማ፤ 838700 ሄክታር ቆዳ ስፋት ካለው ዳንጉር ወረዳ ብዙው ቆላማ ነው፡፡ ሦስት እጁ ቆላማ በሆነበት ምድር ደግሞ ሃያ በመቶ የሚሆን አስደናቂ ደጋ ምድር አለ፡፡ ማንቡክ ግን ሞቃታማ ናት፡፡

በ1962 ዓ.ም. ነበር ከተማ ሆና የተቆረቆረችው፡፡ ከከተማዋ ታሪክ ጋር ባለውለታ ሆነው ፊታውራሪ ኢያሱ ዘለቀ እና አቶ ተፈራ ሆሬ ስማቸው ጎልቶ ይነሳል፡፡ ማንቡክን በጠዋት ለቅቄ መንገድ ጀመርኩ፡፡ ቀጥዬ የምንደረደርባት ከተማ ጉብላክ ነች፡፡

READ  ኢትዮጵያ ከ13 ዓመታት በኋላ ወባን ልታጠፋ ትችላለች - የዓለም ጤና ድርጅት

ጉብላክ ከማንቡክ በበለጠ ለግብርና ሕይወት ትቀርባለች፡፡ ሁለ ተገሯ ከምድር ፍሬ ጋር የተገናኘ ነው፡፡ እዚህም እዚያም ሰሊጥ በቆሎ ማሽላ ነው ጨዋታው፡፡ ትራክተሮች ማየት ብርቅ አይደለም፡፡ የማሳ ላይ ውሎ አላደርስ ብሏቸው የነተበ ልብሳቸውን አላወልቅ ያሉ ብርቱዎች ወዛም ያደረጓት ከተማ ናት፡፡

ጉብላክ ሰባ በመቶ ምድሩ ሜዳማ ለሆነው ዳንጉር አንድ ማሳያ ናት፡፡ ሩቅ ድረስ በተዘረጉ የእርሻ ማሳዎች ተከባለች፡፡ ከጉብላክ እስከ ድባጉያ እጓዛለሁ፡፡ ከዚያ በኋላ ግን በእግር ነው፡፡

ለብዙ ሰዓታት በእግር መጓዝ፤ ወደ ዳንጉር ተራራ አናት መውጣት፤ ከዳንጉር አናት ሆኖ ትይዩውን በላያን ማየት፤ እድሜ ጠገቡን ገዳም መጎብኘት፤ የደገኛውን ምድር እስክጠግበው መቆየት፡፡ ወደዚያው ለመሄድ መንገድ ላይ ነኝ፡፡ DireTube

Continue Reading

Art and Culture

“ህዳር ሲታጣን” በዚህ ዘመን….

Published

on

“ህዳር ሲታጣን” በዚህ ዘመን….

ከ100 ዓመታት በፊት በአገራችን በህዳር ወር ተከስቶ የበረው የኢንፍሉዌንዛ በሽታ ስፍር ቁጥር የሌለው የሰው ህይወት እንዳጠፋ የታሪክ መዛግብት ያስረዳሉ።

በዘመኑ የነበሩት ነግስታት የበሽታውን ስያሜ “የህዳር በሽታ” ብለው በሽታው በቀላሉ ሊስፋፋ የሚችለው ደግሞ ከጽዳት ጉድለት መሆኑን ለህዝብ በማስገንዘብ ነዋሪዎች የመንደራቸውን ቆሻሻ እያሰባሰቡ በማቃጠል በሽታውን ለመከላከል እንዲዘምት በአዋጅ አዘዙ።

ይህ የቆሻሻ ማቃጠልና በጭስ የማጠኑ ልምድ በጊዜው የነበረውን በሽታ በማጥፋት ከፍተኛ ሚና የተጫወተ ቢሆንም አሁን የምናቃጥላቸው ፌስታልና የተለያዩ ኬሚካል ያላቸው ቁሶች የከባቢ ሙቀት መጨመርን የሚያባብስ መሆኑን የዘርፉ ባለሙያዎች ይገልጻሉ፡፡

በዘንድሮው ህዳር 12 ማለዳም አዲስ አበባ በግራጫማ ጭስ ታፍና ተስተውላለች፡፡

በጉዳዩ ላይ ያለዎት ሀሳብ አስተያየት ያካፍሉን!!  ebc

READ  ዝርፊያን ባህሉ ያደረገው ኢቢሲ የአደባባይ ቅሌት-በቴዲ አፍሮ የፈጠራ ስራ
Continue Reading

Art and Culture

የዶክተር ነጋሶ ጊዳዳ ከፊት መምጣት

Published

on

የዶክተር ነጋሶ ጊዳዳ ከፊት መምጣት

የዶክተር ነጋሶ ጊዳዳ ከፊት መምጣት፤ የኦቦ ለማ መገርሳ ካቢኔ ሩቅ አሳቢነት እና የኦሮሞ ባህል ጥላቻን የመጥላት እሴት | ከስናፍቅሽ አዲስ በድሬቲዩብ

ዶክተር ነጋሶ ጊዳዳ የኦዳ ትራንስፖርት የብስራት ጉባኤ ላይ ከፊት ታይተዋል፡፡ ጎናቸው ያሉት ያሳደጓቸው የፖለቲካ ልጆች ናቸው፡፡ በርሃ ሳሉ አይተዋወቁም፡፡ የበርሃ ጓዱን ለእግዜሃር ሰላምታ ዓይኑን አያሳየኝ በሚል የፖለቲካ ሜዳ ሌላ ዓይነት ጨዋታ ማየታችን አጃኢብ አስብሎን ከርሟል፡፡

እውነቱ ግን ኦሮሚያን የሚመሯት የኦሮሞ ልጆች መሆናቸው ነው፡፡ አንድ መሪ የሚመራው ሕዝብ አብራክ ክፋይ ሲሆን ባህሉን ያከብራል፡፡ እንደ ባህሉ ይኖራል፡፡ ከሀገር ወግ አያፈነግጥም፡፡

እኔ በኦዳ ትራንስፖርት ጉባኤ ላይ ነጋሶን ከነ ለማ ጋር አብሬ ሳያቸው የገባኝ የገዳ ሥርዓት እሴት ምን ያህል ታላቅ መሆኑን ነው፡፡ በሀሳብ ልትለያይ ትችላለህ ግን ጠላት አይደለህም፡፡

ኦሮሚያን በመምራት በኩል የኦሮሞን ባህል አውቆ እንደ ኦሮሞ በመምራት ረገድ የተሳካላቸው መሪ አባዱላ ነበሩ፡፡ ግን እሳቸው በዚያን ወቅት ብቻቸውን ናቸው፡፡ ዛሬ ድፍን ካቢኔው ሊባል በሚችል መልኩ የአባቶቹን ወግ ጠንቅቆ ያውቃል፡፡ የአባቶቹ ወግ ደግሞ ጥላቻን ይጠላል፡፡

እናም እንደ ገዳ ባህል ወንድም ወንድሙን አይጠላም፡፡ ሀሳቡን ስለ ጠላ ወንድሙን አያሳድም፡፡ የዶክተር ነጋሶ ከፊት መምጣት ምስጢሩ ይሄ ይመስለኛል፡፡ ያም ሆኖ በጥላቻ ፖለቲካ መጠጥ የሰከርን ስለሆነ በሆነው ነገር ደንግጠናል፡፡ ተገርመን አላበቃንም፤ አሰላስለን አልጨረስንም፡፡

ዶክተሩ በምን አግባብ ዳግም በኦሮሞ ህዝብ ጉዳይ እንደ አንድ ኦሮሞ በጉባኤ እንግዳ ሆነው ይታደማሉ ብለን እናስብ ነበር፡፡ አዲስ ትውልድ መጣና አደረገው፡፡ በዶክተሩ ቋንቋ ስንጠቀም፤ መንግስቱ ሃይለማርያምን የማይመስል አዲስ ትውልድ፡፡ ይሄ ሌሎቹም ጋር ቢለመድ መልካም ነበር፡፡ ግን ውሃ መውቀጥ ስለሆነ አልናፍቀውም፡፡ ኦሮሚያ ይቀጥል ዘንድ ግን እመኛለሁ፡፡

READ  ለተማሪዎች ኢ-ግብረገባዊነት የትራንስፖርት ባለሥልጣን ድጋፍ ሲያደርግ

ኢትዮጵያ ዲሞክራሲን ብዙ ዓመታት ቀድማ የጀመረች ሀገር ናት ብለን ስንሟገት ማስረጃችን ገዳ ነው፡፡ ሀሳብ እንጂ ሰው እንደማይገፋ ማሳያ የሆነው ይህ ባህል የገዳ ስርዓት እሴት የፈጠረው ነው፡፡ እናም ደስ ያሰኛል፡፡

ኦህዴድ ቀጥሎ ስለ ዶክተሩ ህልውና ያስብበት፡፡ ተገፍተዋል፡፡ እንደ አንድ ተራ ሀገር ዘራፊ ካድሬ እንኳን የሚታዩ አይደሉም፡፡ ርዕሰ ብሔሩ በብዙ ችግሮች ውስጥ ናቸው፡፡

ትናንትናቸውን ማሰብ ባይቻል እንኳን ጀርመንን ከመሰለች ሀገር ከሞቀ ህይወት የሰው ሀገር ሰው ጭምር ይዘው ሀገር አለኝ ብለው የመጡት የኦሮሞን ህዝብ ለማገልገል እንጂ የጀመሩት ትምህርት አላልቅ ብሏቸው አሊያም፤ ከዚች ሀገር ስራ ፍለጋ አይደለምና፤ አርቀን በማሰብ ትውልድ የሚኮራበት ስራ እንስራ፡፡ DireTube

Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close