Connect with us

Ethiopia

በኦሮሚያና በኢትዮጵያ ሶማሌ ክልሎች ከወሰን ጋር ተያይዞ ያሉ ችግሮችን ለመፍታት የፌደራል መንግስት ከክልሎቹ ጋር በጋራ እየሰራ መሆኑን ገለፀ

Published

on

በኦሮሚያና በኢትዮጵያ ሶማሌ ክልሎች ከወሰን ጋር ተያይዞ ያሉ ችግሮች

የፌደራል መንግስት በኦሮሚያና በኢትዮጵያ ሶማሌ ክልሎች ከወሰን ጋር በተያያዘ ያለውን ችግር ለመፍታት ከክልሎቹ አመራሮች ጋር በጋራ በመሆን ለመፍታት እየሰራ መሆኑን ገለፀ።

የመንግስት ኮሙዩኒኬሽን ጉዳዮች ፅህፈት ቤት ኃላፊ ሚኒስትር ዶክተር ነገሪ ሌንጮ እንደገለፁት፥ በኦሮሚያና በኢትዮጵያ ሶማሌ ክልሎች ከወሰን ጋር ተያይዞ የነበሩ ችግሮችን ለመፍታት ክልሎቹ የጋራ ስምምነት ላይ ደርሰው ችግሩም እየተፈታ ባለበት ወቅት ትናንት በተፈጠረ ግጭት በሰው ህይወትና ንብረት ላይ ጉዳት ደርሷል።

የፌደራል መንግስት ከክልሎቹ አመራር ጋር በጋራ በመሆን ችግሩን ለመፍታት እየሰራ ሲሆን፥ በአሁኑ ወቅትም የሀገር መከላከያ ሰራዊት በአካባቢው ያሉ ታጣቂ ሀሎችን ትጥቅ የማስፈታት ስራ እያከናወነ ነው ብለዋል።

የፌደራል ፖሊስም በሰዎች ላይ ጉዳት ያደረሱትን ሀይሎች የማጣራትና በቁጥጥር ስር የማዋል ስራዎችን እያከናወነ መሆኑንም ነው የገለፁት።

የፌደራል ሰብዓዊ መብት ኮሚሽንም በቦታው በመገኘት በዜጎች ላይ የሰብዓዊ መብት ጥሰቶችን የማጣራት ስራ እንዲሰራ ትእዛዝ መሰጠቱን አመልክተዋል።

በግጭቱ ምክንያት በጅጅጋና አወዳይ ከተማ አካባቢ የሚኖሩ 600 የሚሆኑ የሁለቱም ክልል ነዋሪዎች ተፈናቅለው በሀረር ከተማ ድጋፍ እየተደረገላቸው መሆኑን ሀላፊ ሚኒስትሩ በመግለጫቸው አመልክተዋል። ኤፍ.ቢ.ሲ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close