Connect with us

Art and Culture

ሃይ ጋይስ! እንዴት ናችሁ? አሳዬ ደርቤ

Published

on

ሃይ ጋይስ! እንዴት ናችሁ? አሳዬ ደርቤ

እንኳን ከዘመነ-ምንትስ ወደ ዘመነ-ሐዲስ (ቴዲ-አፍሮ መዳበሉ ሳይረሳ) በሰላም አሸጋገራችሁ፡፡

በአዲሱ ዓመት መንግስት ከቴዲ አፍሮ አናት ላይ ተንሸራቶ… በጥብስ ፈንታ ጮማ፣ ጮማ ርዕስ እንዲሰጠንና ቴዲ አፍሮም ጣፋጭ ስራዎቹን በዓላት ጋር ባልተዳበለ መልኩ እየለቀቀ ከአዘቦት ድብርታችን እንዲታደገን እመኛለሁ፡፡

ሆኖም ግን ይሄ ምኞቴ በእናንተም በኩል ሆነ በባለቤቶቹ ዘንድ ተቀባይነትን የማያገኝ ከሆነ… እንደተለመደው ሁላ ‹ሰለቸኝና ደከመኝ› ሳልል መንግስትን የሚነቅፉ፣ ቴዲ-አፍሮን የሚደግፉ ጽሁፎቼን በግፌስቡክ ድግዳዬ ላይ ከመለጠፍም ባለፈ… እስካሁን በዚህ ጉዳይ ላይ በ365 ቀናት የጻፍኳቸውን 365 ጽሑፎች በማሰባሰብ ‹‹መንግስት ሲምስ- ቴዲ አፍሮ አፈር ሲያለብስ›› በሚል መጠሪያ መጽሐፍ ለማሳተም የምገደድ መሆኔን ተናግሬና አንገቴን ቀብሬ ወደ ቀጣዩ ሃሳቤ ልግባ!
.
ትናንት የሆነች የኢቢሲ ጋዜጠኛ ወደ ቤተ-መንግስት አምርታ ጠቅላያችን ጋር ያደረገችውን ኢንተርቪው አያችሁት? የጋዜጠኛዋን ነጻነትና ድፍረት’ስ ስታዩ ምን ተሰማችሁ? ‹‹መለስ ያላየው ጉድ!›› አላላችሁም?

ከቤተ- መንግስት ወደ እኔ ቤት ስወስዳችሁ ጓዳዬ ውስጥ ለሚቀጥለው በዓል የተቀመጡ ስድስት የአውራ-ዶሮ ብልቶች ልክ እንደ ኮቴ በጥንቃቄ ተሰቅለው ማየታችሁ አይቀርም፡፡ (ወደ ፊት ደግሞ አራጁ በገመድ መሰቀሉን የምትሰሙበት አውደ-ዓመት ይኖር ይሆናል፡፡)
‹‹ከመቼ ወዲህ ነው የዶሮ ስጋ ቋንጣ መሆን የጀመረው?›› የሚል ጥያቄ ለምታነሱ ሰዎች የምሰጠው ደም ፍላታም መልስ ‹‹ከመቼ ወዲህ ነው ዶሮ’ስ ስድስት መቶ ብር መሸጥ የጀመረው?›› የሚል ይሆናል፡፡

እንደውም ድሮ አባቶቻችን ትልቅ በግና ፍየል ሲያርዱ ቆዳውን አጎዛ በማድረግ ሳሎናቸው ግድግዳ ላይ በመስቀል ታላቅነታቸውን እንደሚገልጹት ሁላ… እኔም የዶሮዬን ቆዳ ከዩኒቨርስቲ መመረቄን የሚገልጽ ፎቶዬን ሳስቀምጥበት በነበረው ፍሬም ውስጥ በማኖር ሳሎኔ ውስጥ ሰቅዬዋለሁ፡፡ (መቼም የአባቴ የበግ አጎዛ የእኔን የዶሮ አጎዛ በጸጉር እንጂ በብር ሊበልጠው አይችልም፡፡)

READ  ኢትዮጵያ የሳተላይት መንኮራኩር የማመንጠቅ ፕሮጀክት እየከወነች ነው

ከአጎዛው ወደ ስጋው ስመልሳችሁ በስድስት መቶ ብር የተገዛን ዶሮ በአንድ አውዳመትና በአንድ ድስት አቁላልቶ መብላቱ ‹‹ጡር›› የሚያመጣ ስለመሰለኝ ስድስቱን ብልት ከስድስት ኪሎ ሽንኩርት ጋር የሚቁላለበትን አዲስ አሰራር ተግባራዊ በማድረግ ዘመን መለወጫን በደማቅ ሁኔታ ላሳልፈው ችያለሁ፡፡

መቼስ አዲስ ዓመት በመጣ ቁጥር… ሰውነት እየኮሰመነ፣ እንስሳነት እየገዘፈ የሚመጣ ከሆነ፤ ልጆች ካሉት ሰው ይልቅ በጎች ያሉት ሰው ‹‹‹አንቱ›› የሚባል ከሆነ፤ እንስሳውን የሚያደልብ፣ እረኛውን የሚያስርብ ዘመን ከፊታችን በተደቀነ ቁጥር…. ከወቅቱ ጋር ራሳችንን ለማቆየት አሰራራችን ካላሻሻልን፣ ፍላጎታችንን ካልገደልን በሕይወት መሰንበት የሚቻል አልሆነም፡፡ (ወይም ደግሞ እንስሳትን በሸኮናቸው ሳይሆን በስጋቸው የሚመዝን ቻይና-ሰራሽ መነጽር ዓይናችን ላይ ማስገጠም ይኖርብናል፡፡)

ሆኖም ግን ‹መንግስት›  በእያንዳንዱ ዘመን ሰውነታችንን ከማራከስም አልፎ….
‹‹ስድስት ወር ለሞላው ብላቴና ህጻን፣
ፈጭተው ይመግቡት ስጋና እንቁላሉን›› እያለ ከአውሮፓ መድረክ ላይ የኮረጀውን የሸክስፒር ቀልድ በቴሌቪዥናችን መቀባጠሩን የማያቆም ከሆነ የአዲሱ ዓመት

እቅዳችን የመነመኑ ብላቴናዎቻችንን ከእነአጥሚታቸው ወደ አደባባይ በመውጣት ተቃውሟችንንና ቁጣችንን መግለጽ ይሆናል፡፡

እስከዚያው ግን በበዓሉ ምሽት ሽንኩርቴን በልቼና ጆሊ-ጁሴን ጠጥቼ በጻፍኳት የድሮ-ስርዓት ናፋቂ ግጥሜ ልሰናበታችሁ፡፡
የድሮዉን እርጎ ያለፈ ቀን ቋንጣ፤
በልቼ፣ ጠጥቼ ጎኔ ቢያጠረቃ፤
ሰዉ ችቦ ለኩሶ…
ለቅዱስ ዮሃንስ- ለአዲስ ቀን ሲወጣ፤
እባክህ ጌታዬ….
ለኔ ለብቻዬ- አሮጌ ቀን አምጣ!

DIRETUBE

Continue Reading

Art and Culture

ነይ የኔ ደመራ! | ሚካኤል አስጨናቂ

Published

on

ነይ የኔ ደመራ!

ሀበሻዎች ግን ጥሩ ብርቃሞች እኮ ነን ! ስልክ ሲገባ ፥ መኪና ሲገባ ፥ ጢያራ ሲገባ ፥ ወፍጮ ሲገባ ፥ ለሁሉም አጀብ አጀብ ብለናል።

ስልክን የሰይጣን ድምጥ የሚያስተጋባ እርኩስ እቃ ፥ መኪናን ነፍስ ያላት ቆርቆሮ (ቁርጥ ግልገል መሳይ ) ፥ ወፍጮን ደግሞ የእህል ሰላቢ አድርገን ቆጥረንም እናውቅ ነበር።
ያኔ ደግሞ ፍርኖ ዱቄት ሀገራችን የገባ ጊዜ ልጆቻችንን ሁሉ ሳይቀር ፉርኖ ብለን በዱቄት ስያሜም ጠርተን እናውቃለን (እዚህ ጋር እየሳኩኝ መሆኑ ይታወቅልኝ ) ፥
ይህም ሁሉ ሆኖ እኔን ግን ክፍት ያለኝ ነገር ቢኖር ገኒዬን ከኔ ለመንጠቅ የሚሯሯጠው ያ ትዕቢተኛ የሰፈራችን ልጅ ስሙ መብራቱ ቦጋለ ሆኖ መቅረቱ ነው! እንደምን ቢሉ አንድም ያኔ ድሮ ገና መብራት ተኸተማችን የገባ ጊዜ አባቱ ከኩራዝ መላቀቅ ብርቅ ሆኖባቸው ስም ጥለውበት ፥ ሌላው ደግሞ አንድዬ የሰው መዛበቻ ሁን ሲለው!
.
በመሰረቱ የመብራቱ ፀባይ ለያዥና ለገናዥ የሚያስቸግር ፥ እንደስሙ ብርሀናማ ሳይሆን ጨለምተኛና የደንቃራ ስራን የሚያዘወትር በምስለት ደረጃ ለኔ የጋኔንን ያህል የሚፀልምብኝ ልጅ ነው። በሰፈሩ ሁሉም ሰው ሰላም አውርዶ ከቤቱ ባይወጣ ቢቀር እንኳ ሌላ ሰፈር ሆነ ብሎ ሄዶ ነገርና ጠብ ይፈልጋል! አዎን ፥ ከሲጃራ ከጫትና ከሴስ ሱስ የማይተናነስ ደባል ሱስ ያየሁት በመብራቱ ነው።

እንደው ባባቱ ዘመን አንድም ብልህና ትንቢተኛ ሰው ጠፋ እንጂ ለዚህ ልጅ ቤተሰቦቹ ስያሜ ሲሰጡት መብራቱን አጠፋ፥ ብርሀን ንሳቸው ፥ ፀሊሙ ጋረደው ቢሆን እንደሚመረጥ ሰው መጠቆም ነበረበት እላለሁ!
.
ለነገሩ እኔ ስለሰው ምን አገባኝ? ከዚህ ሁሉ የስም ጋጋታና ውጣ ውረድ ይልቅ ይህን ልጅ ኤልፓ ብለው ሁሉን ገላጭ ስያሜ እንደሰጠሁት አስባለሁ ፥ ምህ እንደምን አላችሁኝ ልበል? ኤልፓ በያንዳንዱ ቀናቶች ብቻ ሳይሆን በዓልን እንኳ መታገስ አቅቶት ብርሀን ሲነሳን ስላየሁ ብዬ እመልስላቹሀለሁ!

READ  የሦስት ሺህ ሜትር መሰናክል ተወዳዳሪዎች በዳኞች ስህተት ተጨማሪ 400 ሜትር ሮጡ

ይህም የሆነው በአዲሱ ዓመት መግቢያ ቀናችን መስከረም አንድ ዕለት ነው ፥ መቼም በተለምዶው መሰረት እንኳ ለልደታ የቃዠ ልጅ ወሩን ሙሉ ይባንናል እንደሚባለው ሁሉ መስከረም አንድ ብርሀንን የነሳ ድርጅትም ዓመቱን ሙሉ የጨለማ ዝርጋታ ልማዱን አጧጡፎ ቢቀጥለውስ? የሚል ስጋትን ያጭርብኛል! ይሄ በቀን መባቻ መረገም እኮ ክፉ ነገር ነው!
.
ደመራዬ ገኒ ፥ የከተራ በዓልን ልታከብር ነጠላዋን መስቀልያ አጣፍታ ትታየኛለች ! ህዝብ ከተሰበሰበበት አደባባይ መሀከል ቆማ ከዝማሬው ፥ ከደመራው መንቦልቦል ጋር አብራ ብርሀን እየሰጠች የምትዘምር ይመስለኛል! ጉልላት ዓይኖቿ በሚንቀለቀለው የእሳት ብርሀን ዳሰስ ተደርገው ስስ ጨለማ መልሶ ሲጋርዳቸው የሚታየው ትዕይንት ልብን ያነሆልላል!

ገኒን ላገኛት ይገባል ፥ ከጓደኞቿ ለይቻት የያዝኩላትን ስጦታ ብሰጣት እወዳለሁ ! የደመራውን ነበልባል በእኔ እቅፍ ውስጥ ሆና እያየች ልዩ ትዝታን ከልባችን ማህደር ቋጥረን እናስቀር ዘንድ እፈልጋለሁ ፤ ውዴ አንገትህ ስር ግብት ሲሉ ልክ እንደ ደመራው ወላፈን ገላህ ደስ የሚል ሙቀትን ይለግሳል እንድትለኝ እሻለሁ !

የኔ ፍቅር ከከናፍርሽ ድንበር ተላቀው የሚወጡት ቃላቶችሽ ደግሞ ለኔ ወላፈኔ ናቸው ብዬ በስሱ ጉንጮቻን እስማት ዘንድ ነው ምኞቴ!
መብራቱ ግን አለ ! ከስሙ ግብር ጋር ሆድና ጀርባ ሆኖ ፍቅራችንን በጉልበት ሊያደበዝዝ የሚተጋው የክፋት ውላጅ!
.
ገኒዬ መጣች ፥ ንፋሱ ነጠላዋን ያርገበግበዋል ፤ ግንባሯ ላይ የተነሰነችው ፀጉር ሰያፍ ተቀምጣ ከንፋሱ ጋር አብራ ትጫወታለች ፤ ሀጫ በረዶ በመሰሉት ጥርሶቿ ከነበልባሉ ጭስ ጋር አብረው የሚግተለተሉ ይመስላሉ!

ገኒ ደስታዬ ነች ፥ ገኒ ለኔ ስራዬን ማንቂያ ብርሀኔ ነች ፥ በርሷ ውስጥ ተፈጥሮን አያለሁ ፥ በርሷ ውስጥ ነገዬን እተነብያለሁ !
የትንቢቴና ሰናይ ተስፋን የምቋጥርባት ዕንቁዬ ደግሞ ማንንም ሳትሰማ ተንደርድራ ልታቅፈኝ እየሮጠች ነው! እፎይ እየመጣች እኮ ነው።
.
“አይሆንም ገነት ! አይኔ እያየ በገዛ መንደሬ ፥ እንደልቤ በምፈነጭበት መንደሬ ላይ ሆነሽ ለዛ መናኛ ደስታን ልትሰጪ አትቺዪም” ኤልፓ ነበር ስሙን ቄስ ይጥራውና እሱንማ አፌን ሞልቼ አባቱ ባወጣለት ስም አልጠራውም።

READ  የድሬደዋ ወጣቶች በአፋጣኝ ወደ ስራ መግባት እንደሚፈልጉ ገለፁ

ውዴ ፍርሀት ሲሸብባት አየሁ ፥ ያን እብሪተኛ ንቆ መምጣት ለሷም ለኔም ትልቅ ዋጋ እንደሚያስከፍለን ተረድታዋለች መሰለኝ ……….
ገኒ በመጀመርያ ሩጫዋ ዝግ አለ ፥ ከዛ እንደመራመድም ሞከረች ……….. ያ ተንከሲስ በእጁ በትር ይዞ በድፍርስ አይኖቹ እያቁረጠረጠባት ነው! ……………… የኔ ፍቅር ይባስ ብላ ባለችበት ተገትራ ቀረች !

አይ ኤልፓ ፥ አንድዬ በደልህን ይይልህ ! በያንዳንዱ መሰናክሎች ውስጥ እድገቴን ፥ተስፋዬን እና ነገን ማያዬን እያኮሰስከው መሆኑ የማይገባህ ግዑዝ ነህ! አልኩኝ በሆዴ!
ገኒዬ ከሩቅ ታየኛለች ፥ ከእሳቱ ወላፈን ጋር እየፈካች ፥ ከሚግተለተለው ጢስ ጋር እየበነነች………………………………
.
ተፈፀመ!! DIRETUBE

Continue Reading

Art and Culture

በአዲስ አበባ ሁለት የነገሥታት መታሰቢያ ሐውልቶችና ሦስት ጥንታዊ ቤቶች እድሳት ሊጀመር ነው

Published

on

በአዲስ አበባ ሁለት የነገሥታት መታሰቢያ ሐውልቶችና ሦስት ጥንታዊ ቤቶች እድሳት ሊጀመር ነው

በአዲስ አበባ የሚገኙ ሁለት የነገሥታት ሐውልቶችና ሦስት ጥንታዊ ቤቶች እድሳት ሊደረግላቸው መሆኑን የባህልና ቱሪዝም ቢሮ አስታወቀ።

መንግስት ለሐውልቶቹና ለጥንታዊ ቤቶች እድሳት 30 ሚሊዮን ብር በጀት መድቧል፡፡

የቢሮው የኮሙኒኬሽን ዳይሬክተር አቶ ወርቁ መንገሻ እንደሚሉት በመዲናዋ ያሉ ታሪካዊ፣ባሕላዊና ተፈጥሯዊ ቅርሶችን እያደሰ፣ እያስተዋወቀና አዳዲስ የመስህብ ቦታዎችን በማስፋት ላይ ነው።

የአጼ ምኒልክና የአጼ ቴዎድሮስ ሃውልቶች በተጀመረው በጀት ዓመት እድሳታቸው እንደሚደረግላቸው ዳይሬክተሩ ገልጸዋል።

የአዲስ አበባ የመጀመሪያው ከንቲባ ቢትወደድ ወልደ ጻድቅ ጎሹ መኖሪያ ቤት፣የሼክ ኦጄሌ አል ሀሰን ቤተ መንግሥትና በአሁኑ ጊዜ የአራዳ ፍርድ ቤት ሆኖ የሚያገለግለው የቀድሞው የአዲስ አበባ ማዘጋጃ ቤትም እድሳት ከሚደረግላቸው ጥንታዊ ቤቶች መካከል ተጠቃሽ ናቸው።

ሁለቱ የነገሥታት ሐውልቶች 6 ሚሊዮን ብር ለእድሳት የተመደበላቸው ሲሆን፤ ሦስቱን ጥንታዊ ቤቶች ለማደስ ደግሞ 24 ሚሊዮን ብር በጀት እንደተያዘላቸውም ተናግረዋል።

 ሐውልቶቹ የተቀመጡት አደባባይ ላይ በመሆኑ ለጎብኚዎች የማይመቹ ቢሆንም የትራፊክ እንቅስቃሴውን በማያውክ መልኩ እንዲጎበኙ ይደረጋልም ብለዋል።

በቢሮው በ2007 ዓ.ም. ጀምሮ እድሳት ሊያደረግላቸው ከመረጣቸው ሐውልቶች መካከል የአቡነ ጴጥሮስ፣ የስድስት ኪሎ ሰማዕታትና የሚያዝያ 27 የድል መታሰቢያ ሐውልቶች የተጠገኑ ቢሆንም የአጼ ቴዎድሮስ ሴባስቶፖል መታሰቢያና የአጼ ሚኒልክ ሐውልቶች እስካሁን አልተጠገኑም።

ዝርዝር ጥናቱ ጊዜ መፈለጉንና የባቡር ግንባታው ለዕድሳቱ መዘግየት እንደምክንያት ጠቅሰውታል።

ታሪካዊ ቅርሶችንና ሐውልቶችን ይዘታቸው ሳይቀየር ማደስ የሚችል የባለሙያ እጥረትም ሌላው ለሐውልቶቹ ዕድሳት መዘግየት ምክንያት ነው። ena

READ  የድሬደዋ ወጣቶች በአፋጣኝ ወደ ስራ መግባት እንደሚፈልጉ ገለፁ
Continue Reading

Art and Culture

የድሬ ቲዩብ መረጃ አዘል ጥያቄ – የኢሬቻ በዓል

Published

on

የድሬ ቲዩብ መረጃ አዘል ጥያቄ - የኢሬቻ በዓል

በየዓመቱ መስከረም 21 የሚከበረው የኢሬቻ በዓል በሠላም እንዲከናወን አባገዳዎች ባቀረቡት ጥያቄ መሠረት የዘንድሮው በዓል በታጠቀ ሀይል እንደማይታጀብ፣ የፓለቲካ ፓርቲዎች ሰንደቅ ዓላማ በስፍራው ላይ እንደማይኖር ስምምነት ላይ ተደርሷል።

ይህ ስምምነት ተገቢነቱን እንዴት ያዩታል?
ሠላምና መረጋጋት እንዳይጠፋ ከሕዝቡስ ምን ይጠበቃል ይላሉ?
እንደተለመደው መልሳችን ጨዋነት አይለየው | ድሬቲዩብ

READ  ክፈት በለው በሩን...
Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close