Connect with us

Ethiopia

የአዋሽ ወንዝ ሞልቶ በመፍሰሱ ከፍተኛ ጉዳት አደረሰ

Published

on

አዋሽ ወንዝ

በአፋር ክልል አሚባራ  ወረዳ የአዋሽ ወንዝ ሞልቶ 3ሺ ሰዎችን ከቀያቸው ለቀው ለመሰደድ የተገደዱት በበልጉ ወቅት ከመጠን በላይ እየጣለ የሚገኘው ዝናብ ለወንዙ  ሙላት መንስኤ በመሆኑ  ነው።

የአፋር ክልል ርዕሰ መስተዳደር አቶ ሐጂ ስዩም አወል የተፈናቀሉትን የወረዳውን ነዋሪዎች ተዘዋውሮው ጎብኝተዋል።ለተፈናቀሉት ዜጎች እንደ ምግብና መጠለያ ያሉ አፋጣኝ ድጋፎችን በመደረግ ላይ መሆኑንንም ርዕሰ መስተዳድሩ ገልፀዋል።

የወንዙ ሙላቱን ሙሉ ለሙሉ ለመቆጣጠርም መከላከያ ሰራዊት እና ባለድርሻ አካላት ርብርብ እየተደረገ እንደሚገኝ ተናግረዋል።

የአዋሽ አርባና ወረር ነዋሪዎችም በወንዙ ሙላት ለተፈናቀሉት ነዋሪዎች ድጋፍ በማድረግ ላይ መሆናቸውን የአሚባራ ወረዳ ለኢቢሲ የላከው መረጀ ያመልክታል። EBC

ሶደሬ ሪዞርት

የአዋሽ ወንዝ ሞልቶ በመፍሰሱ ወደ ሶደሬ ሪዞርት ሆቴልም በመግባቱ ካለፈው አርብ ጀምሮ ሆቴሉ አገልግሎት መስጠት ማቆሙን ተናገረ፡፡ የሶደሬ ሪዞርት ሆቴል ሥራ አስኪያጅ አቶ ታሪኩ ተስፋዬ ለሸገር እንደተናገሩት ሞልቶ የፈሰሰው የአዋሽ ወንዝ በሆቴሉ ንብረት ላይ ጉዳት አድርሷል፡፡

ከአደጋው በፊት ወደ ሆቴሉ ለመዝናናት ከሄዱ አንግዶች መካከል የተወሰኑት መውጫ አጥተው አሁንም እዛው እንደሚገኙ ተነግሯል፡፡ መኪና ይዘው የሄዱ እንግዶች ግን ድርጅቱ በተከራየው ክሬን መኪናቸው ወጥቶላቸው ወደየ ቤተሰቦቻቸው መሸኘታቸውን ሰምተናል፡፡

አሁንም የአዋሽ ወንዝ ስላልጐደለ አዳዲስ እንግዶች ወደ ሆቴሉ መግባት እንዳልቻሉ ሥራ አስኪያጁ ነግረውናል፡፡

የወንዙ ውሃ ወደ ሶደሬ መግቢያውን መንገድ በማጥለቅለቁ በሆቴሉ ውስጥ የሚገለገሉ እንግዶች በፈለጉት ጊዜ ወደየ ቤታቸው መመለስ ባይችሉም ምንም ጉዳት አልደረሰባቸውም ብለዋል አቶ ታሪኩ፡፡

ከዚህ ቀደምም የአዋሽ ወንዝ ሞልቶ መፍሰሱ የተለመደ ቢሆንም በዚህ አመት የተከሰተው ግን ከቀደሙት አመታት የከፋ መሆኑን ሰምተናል፡፡

ሆቴሉ እንደገና አገልግሎቱን ለመጀመር የወንዙን ውሃ መቀነስም እየተጠባበቀ ነው ተብሏል፡፡

(ትዕግስት ዘሪሁን)

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close