Connect with us

Art and Culture

ዝቅ ብለን ከፍ ያሉበት ብዙ ያባባለን ቀንም አለፈ

Published

on

ዝቅ ብለን ከፍ ያሉበት ብዙ ያባባለን ቀንም አለፈ

ዝቅ ብለን ከፍ ያሉበት ብዙ ያባባለን ቀንም አለፈ፡፡ እነሆ ሌላ ቀንም ሆነ፡፡ “እንዲህ ልጠግብ በሬዬን አረድኩት አለ፤” ያገሬ ሰው፡፡
(ስናፍቅሽ አዲስ በድሬቲዩብ)

ዛሬ በዓል አይደለም፡፡ ዛሬ የበዓል ማግስት ነው፡፡ ዛሬ የአዲስ አመት ነገ ነው፡፡ መስከረም አንድን ለመቀበል ነሐሴ መጨረሻ ጀምሮ የከፍታ ዘመን ይሆናል በሚል መንግሥታዊ አዋጅ ድግሥ ደግሠን ነበር፡፡

ድግሱ ብዙውን ሰው ኡኡ አስብሎም ከርመናል፡፡ የተጮኽው ለድግሱ አጋፋሪዎች ሲጀመር ያለ ጨረታ፤ ሲቀጥል ተገቢ ያልሆነ ክፍያ ተከፈለ ተብሎ ነው፡፡ በዚህ ኡኡታ ውስጥ ደግሞ ሂልተን የሚዘጋጅ የሙዚቃ አልበም ምረቃ ፍቃድ የለውም በሚል ተሰረዘና ብዙ ያባባለን ዋዜማ ሆነ፡፡

ሀገራችን ከፍ ማለቷን የሚጠላ አለ ብዬ አላስብም፡፡ በባነሯ ብዛት ከፍ ያለች ሀገር ባትኖርም፤ በቆንጃጅት አጀብ ድህነትን ያሸነፈች ደሀ ሀገር አይተን ባናውቅም፤ ከዚህ በላይ ማሰብ ፍዳ በሆነባቸው ሰዎች የተነደፈውን ሀሳብ የሚቃወመው ሰው መነሻ ግን እኛን ዝቅ አድርጎ ግለሰብ ከፍ የሚያደርግ ሀሳብ ነው የሚል ይዘት ነበረው፡፡

ዛሬ ሌላ ቀን ነው፡፡ መንግስታችን በኦዲት የመንግስትን ካዝና እና ሰነድ ፈትሾ ይሄ ጎድሏል እንደሚለው ሁሉ በብር ሃይል የሚከናወኑ ኩነቶች ከዝግጅቱ በኋላ ያመጡትን ፋይዳ መርምሮ ኪሳራ ያደረሰውን ልሰር ቢል የገለብ በረሃም እስር ቤት ሆኖ በጠበበ፡፡

ለማንኛውም የዝግጅቱን ይዘትና ታላቅነት አየንና ዶክተር ለሚኒስትርነት የሚመርጠው መንግስት እንዲህ ላሉ ዝግጅቶች ያልተማሩ ፕሮሞተሮዎችን ለምን እንደሚፈልግ እራሳችንን ጠየቅን፡፡
ዛሬ መንግስት እንዲህ የሚል ይመስለኛል፡፡ እንዲህ ልጠግብ በሬዬን አረድኩት፡፡ የህዝብ ቀልብ ከእርሻ በሬ ይበልጣል፡፡ በጉዳዩ ያልተንጫጫ አልነበረም፡፡

የመንግስት ደጋፊ ነን የሚሉ ብሎገሮች ሳይቀር ሥርዓት የጣሰ አሰራር አይተናል ብለው ሂደቱን ኮንነው ነበር፡፡ የመታጋገል ባህል የሌላቸው የዩኒቨርሲቲ ምሁራንን እንዲህ ባለው ቦታ መሾም አበሳው የት ድረስ እንደሆነ ያየንበትም ነው፡፡ ምላሹ ስላቅ እና ጥላቻ ነበርና፡፡

እዚህም እዚያም የተደመጡ ኡኡታዎች ከእርሻ በሬ በላይ ነበሩ፡፡ መስከረም ሁለት ሲሆን ይሄ ሁሉ ለምን አስብሎ የሚያስቆጭ ድርጊት እንደተፈጸመ ይሰማኛል፡፡ እናም መንግስት ሊጠግብ ነገር የእርሻ በሬውን አርዷል፡፡

ነገ ከነገወዲያ ዝም ያለው የብሔራዊ ቲያትር እና የእነ አርቲስት ዳንኤል ተገኘ የተቀማ ምኞት ይፋ ይሆናል፡፡

ነገ ከነገ ወዲያ በሰነድ ቀርቦ የተዘረፈው የኢትዮጵያ ደራሲያን ማህበር የንባብ ቀን ሀሳብ ብዙ ያነጋግረናል፡፡

ነገ ከነገ ወዲያ በመንግስት ማህተም የተለመነ ብር በመንግስት ስም የተሰበሰበ ገንዘብ ከገንዘብ ሚኒስትር እስከአልወጣ ድረስ የመንግስት መመሪያ

አያስፈልገውም የሚለው የሌቦች እሳቤ ፍርድ ቤት ቆሞ ዜና ሲሆን እናደምጣለን፡፡ DIRETUBE

 

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close