Connect with us

Art and Culture

የ2010 ዓ.ም አዲስ ዓመትን ለየት ባለ መልኩ ለመቀበል ዝግጅት እየተደረገ መሆኑን መንግስት አስታወቀ

FanaBC

Published

on

የ2010 ዓ.ም አዲስ ዓመትን ለየት ባለ መልኩ ለመቀበል ዝግጅት እየተደረገ መሆኑን መንግስት አስታወቀ

የ2010 ዓ.ም አዲስ ዓመትን ለየት ባለ መልኩ ለመቀበል ዝግጅት እየተደረገ መሆኑን የመንግስት ኮሙዩኒኬሽን ጉዳዮች ጽህፈት ቤት አስታወቀ።

 

የኢ.ፌ.ዴ.ሪ የመንግስት ኮሙዩኒኬሽን ጉዳዮች ጽህፈት ቤት ሀላፊ ሚኒስትር ዶክተር ነገሪ ሌንጮ ዝግጅቶቹን አስመልክቶ በሰጡት መግለጫ፥ የ2010 አዲስ ዓመትን በተለየ ዝግጅት ለመቀበል የሚያስችለው የድርጊት መርሀ ግብርን ይፋ አድርገዋል።

ዶክተር ነገሪ፥ ሀገሪቱ “መጪው ዘመን የኢትዮጵያ ከፍታ ነው” በሚል መሪቃል አዲሱን ዓመት ትቀበላለች ብለዋል።

አዲሱን 2010 ዓ.ም ለመቀበል ከነሀሴ 26 እስከ ጳጉሜ 5 2009 ዓ.ም ድረስ በተለያዩ መርሀ ግብሮች እንደሚከናወኑም ዶክተር ነገሪ አስታውቀዋል።

“የኢትዮጵያ ሚሌኒየምን ስንቀበል የነበረው ገፅታ እና በአሁኑ ጊዜ ያለውን ራዕይ በሁሉንም ዘርፎች በኢኮኖሚ፣ ፓለቲካዊ፣ እና ማህበራዊ ዘርፎች ለውጥ የምናመጣበት፤ የተሻለ የሰለጠነ ሀገር የሚያስብላት እቅድ ወጥቶ እየተተገበረ ይገኛል” ሲሉም ሚኒስትሩ አስታውቀዋል።

“በወቅቱ መንግስትም ከህዝብ ጋር በመሆን ቃል ገብቶ ነበር ያሉት ዶክተር ነገሪ፥ በ2017 ዓ.ም ሀገሪቱን መካከለኛ ገቢ ካላቸው ሀገራት ተርታ ለማሰለፍ ትላልቅ ሀገራዊ ራዕዮች መቀመጣቸው ገልፀዋል።

“ባለፉት 10 ዓመታት ትልልቅ ስራዎች ተሰርተዋል” ያሉት ሚኒስትሩ፥ “ይሁን እንጅ በዚሁ ጉዞ የታዩ ምቹ ሁኔታዎችና ተግዳሮቶች ነበሩ” ሲሉም ተናግረዋል።

ስለሆነም ይህ ሁኔታ መንግስትም እንደ መንግስት፤ ህዝብም እንደ ህዝብ ባለፉት 10 አመታት የተመዘገቡ መልካም ተሞክሮዎችንና ተግዳሮቶችን በመገምገም ጥንካሬዎቹን አጠናክሮ ለመቀጠልና ድክመቶቹን ለማረም የሚያስችልበት አጋጣሚ ነው በማለትም አስረድተዋል።

ዶክተር ነገሪ አክለውም አዲሱን ዓመት ለመቀበል የሚዘጋጀው መርሀ ግብሩ ከነሀሴ 26 እስከ ጳጉሜ 5 2009 ዓ.ም ድረስ በተለያዩ 10 ሁነቶች ተገባራዊ የሚደረግ መሆኑን አስታውቀዋል።

የሁነቶቹ ተሳታፊዎችና ባለቤቶች መንግስት በየደረጃው ከፌደራል እስከ ክልልና መላው የኢትዮጵያ ብሄሮች፣ ብሄረሰቦችና ህዝቦች ናቸው ብለወዋል።

እነዚህ ሁነቶች ለገዥው ፓርቲ ወይንም ለተፎካካሪ የፓለቲካ ፓርቲዎች ብቻ የተተወ ሳይሆን የመላው የኢትዮጵያ ህዝብ መሆናቸውንም ተናግራዋል።

በነሃሴ 26 ጀምሮ እስከ ጳጉሜ 5 ቀን 2009 ዓ.ም በየቀኑ የሚከናወኑ ሁነቶችም

ነሃሴ 26 2009 ዓ.ም የፍቅር ቀን

ነሃሴ 27 ቀን 2009 የእናቶችና ህጻናት ቀን

ነሃሴ 28 ቀን 2009 ዓ.ም የአረጋውያን ቀን

ነሃሴ 29 ቀን 2009 ዓ.ም የሰላም ቀን

ነሃሴ 30 ቀን 2009 ዓ.ም የንባብ ቀን

ጳጉሜ 1 ቀን 2009 ዓ.ም የአረንጓዴ ልማት ቀን

ጳጉሜ 2 ቀን 2009 ዓ.ም የመከባበር ቀን

ጳጉሜ 3 ቀን 2009 ዓ.ም የሀገር ፍቅር ቀን

ጳጉሜ 4 ቀን 2009 ዓ.ም የአንድንት ቀን

ጳጉሜ 5 ቀን 2009 ዓ.ም የኢትዮጵያ ቀን በሚሉ ዝግጅቶች እንደሚከበር አስታውቀዋል።

በዝግጅቶቹ ላይ የሀገሪቱ ብሄር ብሄረሰቦችና ህዝቦች የነቃ ተሳትፎ እንዲያደርጉ ጥረያቸውን አስተላልፈዋል።

ሁነቶቹም የአንድ ወቅት ስራ ብቻ ሆነው የሚቀሩ ሳይሆን በቀጣይነት ተሰርቶባቸው ባህል እንዲሆኑም ይሰራል ብለዋል።

በዓሉ ለየት ባለሁኔታ ሲከበር በአጠቃላይ የዜጎች ጥቅም ላይ ትኩረት አድርጎ አዲሱን ዓመት ለመቀበል መሆኑንም ሚኒስትሩ አስታውቀዋል።

ኤፍ.ቢ.ሲ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close